लहान मुलांसाठी घरीच तयार करा क्रिस्पी मिनी सामोसा, नोट करा सिंपल रेसिपी

लहान मुलेच काय तर मोठ्यापर्यंत सर्वांच्या आवडीच्या असणाऱ्या या समोसाची ही हटके रेसिपा तुम्ही एकदा नक्कीच ट्राय करायला हवी. संध्याकाळच्या स्नॅक्ससाठी हा एक उत्तम पर्याय आहे. व्हिडिओ पाहा आणि कामाला लागा.

समोसा हा एक असा प्रकार आहे, जो लहानांपासून मोठ्यापर्यंत सर्वांनाच खायला फार आवडतो. याचे बाहेरील कुरकुरीत आनरण आणि आतील चवदार स्टफींग अनेकांना या पदार्थाकडे आकर्षित करते. मुळातच हा भारताचा एक लोकप्रिय आणि सर्वाधिक पसंत केला जाणारा स्नॅक्सचा प्रकार आहे. समोसा फक्त भारतातच नव्हे तर परदेशातही आवडीने खाल्ला जातो. जगभरात याचे फार चाहते आहे.

मात्र आज आम्ही तुम्हाला समोसाची एक आगळीवेगळी रेसिपी सांगणार आहोत. समोसाचे बाजारात अनेक प्रकार आले आहेत, अशात आज आम्ही तुम्हाला क्रिस्पी मिनी सामोसा कसे तयार करायचे याची एक चविष्ट आणि सोपी रेसिपी सांगणार आहोत. या रेसिपीने तुम्ही घरातील सर्वांची मने जिंकू शकता. तुम्हीही समोसाचे फॅन असाल तर आजही ही रेसिपी एकदा नक्की ट्राय करा. जाणून घ्या यासाठी लागणारे साहित्य आणि कृती.

हेदेखील वाचा – अवघ्या काही मिनिटांतच बनवा चविष्ट आणि पौष्टिक मटार पुरी

साहित्य

• मैदा
• मीठ
• 2 टेबलस्पून तेल
• 2 उकडलेले बटाटे
• 1 चिरलेला कांदा
• 1 चिरलेली हिरवी मिरची
• अर्धा टेबलस्पून मीठ
• अर्धा टेबलस्पून हळद
• अर्धा टेबलस्पून गरम मसाला

हेदेखील वाचा – उरलेला भात फेकू नका तर त्यापासून बनवा हा कुरकुरीत पदार्थ, नोट करा रेसिपी

कृती

• क्रिस्पी मिनी सामोसा बनवण्यासाठी सर्वप्रथम मैदा, मीठ, आणि दोन चमचे तेल घेऊन व्यवस्थित पीठ मळून घ्या
• लक्षात ठेवा, समोसासाठी कणिक नेहमी जाडसर असावं, त्यामुळे फार साॅफ्ट पीठ मळू नका
• आता याची स्टफींग तयार करण्यासाठी गॅसवर एक कढई घ्या आणि त्यात तेल टाक
• मग यात 2 उकडलेले बटाटे मॅश करून, 1 चिरलेला कांदा, 1 चिरलेली हिरवी मिरची, अर्धा टेबलस्पून मीठ, अर्धा
• टेबलस्पून हळद आणि अर्धा टेबलस्पून गरम मसाला घाला
• सर्व साहित्य नीट एकजीव करा
• यानंतर तयार कणिकाचे लहान गोळे करा आणि याची एक जाडसर पोळी लाटून घ्या
• आता या पोळीचे चार तुकडे करून यात स्टफींग भरा आणि व्हिडीओत दाखवल्याप्रमाणे याला समोसाचा आकार द्या
• आता गॅसवर तेल तापत ठेवा, तेल तापले की तयार समोसे यात सोनेरी रंग येईपर्यंत छान तळून घ्या
• अशाप्रकारे तुमचे क्रिस्पी मिनी सामोसा तयार होतील
• साॅस किंवा पुदिन्याच्या चटणीसोबत यांना खाण्यासाठी सर्व्ह करा
• ही रेसिपी @khanaPeenaRecipes नावाच्या यूट्यूब अकाउंटवर शेअर करण्यात आली आहे