खजुराचे लोणचे कधी खाल्ले आहे का? जाणून घ्या बनवण्याची योग्य पद्धत

तुम्ही याआधी कैरीचे, लिंबाचे, मिरचीचे असे अनेक प्रकारचे लोणचे खाल्ले असतील मात्र तुम्ही कधी खजुराचे लोणचे खाल्ले आहे का? हे लोणचं चवीला बाकी लोणच्याहून वेगळे असते. हे लोणचं चवीला चटपटीत आणि गोड असते. जेवणासोबत याची फार अप्रतिम लागते. अजूनही खजुराचे लोणचे कधी ट्राय केले नसेल तर आजच रेसिपी वाचून एकदा याचा आस्वाद घेऊन पहा.

असे म्हणतात की, जेवणाचे ताट वाढण्याचीही एक विशिष्ट पद्धत असते. ताटाच्या उजव्या बाजूला पोळी, भाजी, भात असे पदार्थ वाढले जातात तर ताटाच्या डाव्या बाजूला चटणी, लोणचं, पापड, भजी असे पदार्थ वाढले जातात. अनेकदा जितके महत्त्व ताटाच्या उजव्या बाजूला असते तितकेच किंबहुना त्याहून अधिक महत्त्व हे ताटाच्या डाव्या बाजूला असते. या बाजूचे पदार्थ आपल्या जेवणाची रंगत वाढवण्याचे काम करत असतात.

आज आम्ही तुम्हाला खजुराचे लोणचे कसे तयार करायचे याची एक सोपी रेसिपी सांगत आहोत. तुम्ही याआधी कैरीचे, लिंबाचे लोणचे खाल्ले असतील मात्र खजुराचे लोणचे फार कमी लोकांनी खाऊन पाहिले आहे. आम्ही तुम्हाला सांगतो की, हे लोणचे चवीला फार अप्रतिम आणि चविष्ट लागते. तुम्ही आजवर हे लोणचे खाऊन पाहिले नसेल तर आजच याची रेसिपी वाचा आणि घरी एकदा नक्की करून पहा. खजूर आरोग्यासाठी फार फायदेशीर मानले जाते, याचे लोणचे बाकी लोणच्यांप्रमाणे आंबट-चिंबट नाही तर गोड लागते. जाणून घ्या यासाठी लागणारे साहित्य आणि कृती.

हेदेखील वाचा – Ganesh Chaturthi 2024: अवघ्या 10 मिनिटांत बनवा झटपट बिस्किटांचे मोदक, नोट करा रेसिपी

साहित्य

• खजूर
• जिरे
• मोहरी
• हिंग
• बडीशेप
• सेलेरी
• गूळ
• मीठ
• लाल मिरची
• तमालपत्र
• व्हिनेगर
• लसूण
• तेल
• हळद
• धणे आणि मिरची पावडर
• मीठ
• आमचूर

हेदेखील वाचा – Ganesh Chaturthi 2024: यंदा गणेश चतुर्थीला बनवून पहा रसमलाई मोदक, Video तून जाणून घ्या रेसिपी

कृती

• खजुराचे लोणचे तयार करण्यासाठी सर्वप्रथम खजूर कापून त्याचे बिया काढा
• यानंतर एक कढई गॅसवर ठेवा आणि यात तेल टाका
• नंतर त्यात हिंग, तमालपत्र, लाल मिरची, सेलेरी, जिरे, एका जातीची बडीशेप आणि मोहरी घाला आणि परतून घ्या
• मग यात लसूण टाकून मिक्स करा
• साहित्य छान परतून झाले की त्यात हळद, धणे आणि मिरची पावडर घाला आणि मिक्स करा
• त्यांनतर यात खजूर, मीठ आणि कैरीची पावडर टाका आणि सर्व साहित्य नीट एकजीव करा
• सर्वकाही नीट मिसळा आणि झाकण ठेवून थोडा वेळ मंद आचेवर शिजू द्या
• काहीवेळाने झाकण उघडा आणि यात व्हिनेगर आणि गूळ टाका
• सर्व साहित्य पुन्हा काहीवेळ झाकून नीट शिजवा आणि मग गॅस बंद करा
• अशाप्रकारे तुमचे खजुराचे लोणचे तयार होईल
• हे लोणचे थंड करून मग एका काचेच्या डब्यात साठवून ठेवा
• तुम्ही जेवणासोबत हे लोणचे खाण्यासाठी सर्व्ह करू शकता