Ganesh Chaturthi 2024: यंदा गणेश चतुर्थीला बनवून पहा रसमलाई मोदक, Video तून जाणून घ्या रेसिपी

बाप्पाच्या नैवेद्याची रंगत वाढवा घरी बनवा चविष्ट आणि हटके रसमलाई मोदक. बाप्पाचे आगमन अवघ्या काही दिवसांवर आले आहे. सर्वत्र बाप्पाच्या आगमनाची लगबग आता सुरु झाली असून तुम्हीही नैवेद्यासाठी मोदकांची रेसिपी शोधत असाल तर आजची मोदकांची हटके रेसिपी एकदा नवीन करून पहा. रसमलाई हा पदार्थ सर्वांच्या आवडीचा आहे.

Follow Us:

Follow Us:

गणेश चतुर्थी अवघ्या काही दिवसांवर येऊन ठेपली आहे. यावर्षी 7 सप्टेंबर रोजी गेणेशाचे आगमन होणार आहे. दरवर्षीप्रमाणे लोकांना बाप्पाच्या आगमनाची आतुरता लागली असून आता बाप्पाच्या स्वागताच्या तयारींना सुरुवात झाली आहे. गणेशाच्या स्वागताच्या तयारींमध्ये नैवेद्याचे महत्त्व फार मोलाचे. बाप्पाला मोदकांचा नैवेद्य दाखवण्याची आपल्यात प्रथा आहे. मोदक हा बाप्पाचा सर्वात प्रिय पदार्थ असल्याचे म्हटले जाते आणि म्हणूनच त्याला त्याच्या आवडीच्या मोदकांचा नैवैद्य दाखवला जातो.

आता काळानुसार, मोदकांचे अनेक नवनवीन प्रकार आले आहेत. मात्र तुम्ही कधी रसमलाई मोदक ट्राय केले आहेत का? रसमलाई ही एक मिठाई असुन लहानांपासून मोठ्यांपर्यंत ही गोड मिठाई प्रत्येकाच्या आवडीची आहे. मात्र तुम्हाला माहिती आहे का आता तुम्ही यापासून मोदकदेखील बनवू शकता. हा हटके मोदक चवीला अप्रतिम लागतो. याच्या रेसिपीचा एक व्हिडिओ @sugran_recipe नावाच्या इंस्टाग्राम अकाउंटवरून शेअर करण्यात आला आहे. जाणून घेऊयात यासाठी लागणारे साहित्य आणि कृती.

हेदेखील वाचा – Ganesh Chaturthi 2024: बाप्पासाठी बनवा मूगडाळीचे पौष्टिक मोदक, झटपट तयार होणारी रेसिपी

साहित्य

• 200 ग्रॅम पनीर
• 3 चमचे पिठी साखर
• 1/2 वाटी मिल्क पावडर
• पिस्ता
• गुलाबाच्या पाकळ्या
• तूप

हेदेखील वाचा – Ganesh Chaturthi 2024: मंदिर उभारण्यासाठी बाप्पा स्वतः पृथ्वीवर अवतरले? गणेशाच्या अनोख्या मंदिराविषयी जाणून घ्या

 

View this post on Instagram

 

A post shared by Harjeet Kaur Saggu (@sugran_recipe)

कृती

• रसमलाई मोदक बनवण्यासाठी सर्वप्रथम पनीरचे तुकडे करून मिक्सरच्या भांड्यात घाला आणि बारीक पेस्ट करून घ्या
• यानंतर गॅसवर एक पॅन ठेवा आणि यात तूप टाका
• मग यात तयार पनीरची पेस्ट टाका आणि परता
• नंतर त्यात तीन चमचे साखर घाला आणि मिक्स करा
• आता तुमचे सारण तयार आहे. गॅस बंद करा आणि तयार सारण एका प्लेटीत काढून घ्या
• आता या मिश्रणात पिस्ता, गुलाबाच्या पाकळ्या घालून व्यवस्थित एकजीव करून घ्या
• यानंतर तुमच्या आवडीनुसार या मिश्रणाचे हाताने किंवा साच्याच्या मदतीने मोदक तयार करून घ्या
• अशाप्रकारे तुमचे रसमलाई मोदक तयार होतील
• हे रसमलाई मोदक बाप्पाच्या नैवेद्याची रंगत वाढवतील

Web Title: Ganesh chaturthi 2024 make sweet rasmalai modak at home video recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com