Chocolate Idli Recipe: लहान मुलं होतील खुश, अवघ्या 10 मिनिटांतच घरी बनवा चॉकलेट इडली

आज आम्ही तुम्हाला चॉकलेट इडलीची एक सोपी आणि सहज रेसिपी सांगत आहोत. याची चव घरातील सर्वांनाच फार आवडेल. चॉकलेट इडलीच्या आतून येणारे वितळलेले चॉकलेट खूप चवदार लागते.

लहान मुलं अनेकदा खाण्या-पिण्यात फार नाटकं करत असतात, त्यांना एखादी गोष्ट खाऊ घालणं म्हणजे एक टास्कच असतो. लहान मुलांना अधिकतर बाहेरचे फास्ट फूड किंवा चॉकलेट असे पदार्थ खायला फार आवडते. मात्र सारखे सारखे असे बाहेरचे पदार्थ खाणे आरोग्यासाठी चांगले नाही अशावेळी तुम्ही घरीच आपल्या मुलांसाठी चवदार आणि चॉकलेटी असा पदार्थ तयार करू शकता. आज आम्ही तुमच्यासाठी चॉकलेट इडलीची एक भन्नाट रेसिपी घेऊन आलो आहोत.

चॉकलेट इडली हा प्रकार तुम्ही पहिल्यांदाच ऐकला असावा मात्र चवीला हा फार छान लागतो. ही चॉकलेट इडली फक्त लहानांनाच नाही तर मोठ्यांनाही खायला फार आवडेल. चॉकलेट इडलीची चव अशी आहे की एक-दोन खाऊन तुमचे मन भरणार नाही तर याची चव चाखताच तुम्हाला ते पुन्हा पुन्हा खाण्याची इच्छा होईल. तुम्ही चॉकलेट इडलीच्या आत चॉकलेट फिलिंग भरू शकता, ज्यामुळे ते आणखी मजेदार होईल. याची रेसिपी फार सोपी, सहज आणि झटपट तयार होते. चला तर मग जाणून घेऊया यासाठी लागणारे साहित्य आणि कृती.

सकाळच्या नाश्त्यात सोप्या पद्धतीमध्ये पोटॅटो चीज बॉल्स,लहान मुलांसह मोठ्यांना आवडेल पदार्थ

साहित्य

• व्हाईट क्रीम
• ओरियो बिस्किट
• कोको पावडर
• बेकिंग सोडा
• दूध
• तूप

चिकन लव्हर्ससाठी खास! घरी बनवा रेस्टाॅरंट स्टाईल Butter Chicken; लज्जतदार चवीने सर्वच होतील खुश

कृती

• चॉकलेट इडली बनवण्यासाठी आपण ओरिओ बिस्किटांचा वापर करणार आहोत
• यासाठी ओरियो बिस्किटांचे एक मोठे पॅकेट घ्या. तुम्ही चॉकलेट किंवा व्हाईट क्रीमसोबत ओरियो बिस्किट घेऊ शकता
• बिस्किटे मिक्सरमध्ये टाकून बारीक वाटून घ्या
• आता बिस्किट पावडर एका भांड्यात ठेवा आणि त्यात 1 टेबलस्पून कोको पावडर, 2 पिंट बेकिंग सोडा आणि
• विरघळण्यासाठी दूध घाला. सर्व साहित्य मिक्स करून गुळगुळीत पेस्ट बनवा
• आता इडलीच्या साच्यात थोडं तूप लावून ग्रीस करा. मोल्डमध्ये थोडी पेस्ट घाला आणि मध्यभागी एक किंवा दोन
• चॉकलेट क्यूब्स ठेवा. आता वर अजून थोडी पेस्ट घाला
• इडली पात्रात इडली 10 मिनिटे छान वाफवून घ्या
• इडली थंड झाली की साच्यातून बाहेर काढा आणि खाण्यासाठी सर्व्ह करा
• चॉकलेट इडलीच्या आतून बाहेर येणारे वितळलेले चॉकलेट खूप चवदार लागते, या चॉकलेट तुमच्या घरातील सर्व मंडळींना फार आवडतील