थंडीत बनवा काबुली चण्याचे कबाब, काही मिनिटांतच तयार होते सोपी रेसिपी

Kabuli Chana Kebabs: थंडीच्या वातावरणात एक गरमा गरम आणि पौष्टिक असा नाश्ता शोधत असाल तर आजची ही रेसिपी तुमच्या फायद्याची ठरणार आहे. मुख्य म्हणजे, ही रेसिपी फार कमी वेळेत म्हणजेच झटपट तयार होते.

हिवाळ्याचा ऋतू नुकताच सुरु झाला आहे. या ऋतूत नेहमीच काहीतरी गरमा गरम खाण्याची इच्छा होत असते. अशात या थंडीच्या वातावरणात जर तुम्हाला सकाळच्या नाश्त्याला काही नवीन, गरमा गरम आणि पौष्टिक खायचे असेल तर तुम्ही आजची ही रेसिपी नक्कीच फॉलो करू शकता. आज आम्ही तुम्हाला, काबुली चण्यांपासून चविष्ट पण तितकीच पौष्टिक असे कबाब तयार करू शकता.

काबुली चण्यामध्ये प्रथिने, व्हिटॅमिन, मॅग्नेशियम असे अनेक पोषक घटक आढळले जातात, जे आपल्या आरोग्यासाठी फायद्याचे ठरू शकतात. तुम्हाला जर याची भाजी खायला आवडत नसेल तर तुम्ही यापासून चविष्ट असे कबाब बनवू शकता. सकाळच्या नाश्त्यासाठी हे कबाब एक उत्तम पर्याय ठरतील. याची चव फार अप्रतिम लागते तसेच फार कमी वेळेत ही रेसिपी बनून तयार होते. चला तर मग जाणून घेऊयात यासाठी लागणारे साहित्य आणि कृती.

कच्च्या हळदीची भाजी कधी खाल्ली आहे का? जाणून घ्या कसा बनवायचा हा राजस्थानी पदार्थ

साहित्य

• 1 कप भिजलेले काबुली चने
• 1 कप पनीर
• 1 कप उकडलेला बटाटा
• 6 चमचे तूप
• 2 चमचा तेल
• 2 चमचा बारीक चिरलेली कोथिंबीर
• 4 बारीक चिरलेल्या मिरच्या
• 1 चमचा जीरे
• 2 चमचा धने पावडर
• 1 चमचा गरम मसाला
• 1 चमचा आमचूर पावडर
• 1/2 चमचा लाल मिरची पावडर
• मीठ चवीनुसार

Recipe: चहाची मजा होईल द्विगुणित, या थंडीत घरी बनवा गरमा गरम मटार कचोरी

कृती

• काबुली चण्याचे कबाब तयार करण्यासाठी सर्वप्रथम एका कढईत तेल गरम करुन त्यात भिजवलेले चने परतून घ्या
• परतताना त्यात धने पावडर, आलं, हिरवी मिरची टाका आणि मिक्स करा
• यानंतर यात गरम मसाला, आमचूर पावडर, लाल तिखट, मीठ टाकून मिश्रण परतून एकजीव करा
• तयार मिश्रण थंड करा आणि मग मिक्सरमध्ये याची पेस्ट करून घ्या
• आता दुसऱ्या एका बाऊलमध्ये बटाटा आणि पनीर एकत्र कुस्करून यात मिक्सरमध्ये वाटलेली चन्याची पेस्ट टाका
• आता सर्व मिश्रण एकत्र करा
• मग यात मीठ आणि धने पावडर टाकून सर्व साहित्य पुन्हा एकदा नीट एकजीव करून मळून घ्या
• आता तयार मिश्रणाचे लहान लहान गोळे तयार करून याला कबाबचा आकार द्या
• शेवटी गॅसवर एक तवा ठेवा आणि यात तयार कबाब मध्यम आचेवर शॅलो फ्राय करून घ्या
• तयार कबाब एका प्लेटमध्ये काढा आणि सॉस अथवा चटणीसोबत खाण्यासाठी सर्व्ह करा