Masala Pav: स्ट्रीट फूड लव्हर्ससाठी खास 15 मिनिटांची रेसिपी, पाहता क्षणी तोंडाला पाणी सुटेल

तुम्हीही स्ट्रीट फूड प्रेमी असाल तर आजची ही रेसिपी तुम्हाला नक्की आवडेल. आज आम्ही तुम्हाला मुंबईतील फेमस स्ट्रीट फूड 'मसाला पाव' घरी कसा तयार करायचा याची एक चविष्ट रेसिपी सांगत आहोत.

जर तुम्हाला स्ट्रीट फूड लव्हर्स असाल तर आज आम्ही तुमच्यासाठी एक तिखट, मसालेदार आणि झटपट अशी रेसिपी घेऊन आलो आहोत. आम्हाला खात्री आहे की, ही रेसिपी तुमच्या घरातील लहानांपासून मोठ्यांपर्यंत सर्वांनाच फार आवडेल. मुख्य म्हणजे हा पदार्थ बनवण्यासाठी अधिक साहित्य किंवा वेळेची गरज भासत नाही तुम्ही अगदी काही मिनिटांतच हा पदार्थ बनवू शकता आणि याचा आनंद लुटू शकता. तर आजच्या आपल्या रेसिपीचे नाव आहे मसाला पाव.

मसाला पाव हे एक मुंबईचे फेमस स्ट्रीट फूड आहे. याची चव मसालेदार आणि चटपटीत अशी असते. क्रिमी लज्जतदार भाजीमध्ये लपेटलेला सॉफ्ट पाव आणि वरून आंबट लिंबाचा रस… विचार करा याची चव किती अप्रतिम लागत असेल. अहो, विचारच काय करताय हा पदार्थ घरीही बनवून खा. सकाळच्या नाश्त्यासाठी ही रेसिपी एक परफेक्ट पर्याय ठरेल. याची चव चाखताच कुटुंबीय तुमच्यावर खुश होतील आणि बोटंच चाटत राहतील. चला तर मग अजिबात वेळ न घालवता लगेच जाणून घेऊया यासाठी लागणारे साहित्य आणि कृती.

Mahashivratri 2025: रबरासारखी चिकट बनतेय साबुदाणा खिचडी? मग या टिप्स फॉलो करा; खिचडी बनेल मोकळी अन् चविष्ट

साहित्य

• 4 पाव
• 2 चमचे लोणी
• 1 टीस्पून तेल
• 1 लहान शिमला मिरची
• बारीक चिरलेला 1 टोमॅटो
• बारीक चिरलेला 1 कांदा
• 1-2 हिरव्या मिरच्याबारीक चिरून
• अर्धा कप शिजवलेला भजी मसाला
• ½ टीस्पून आले-लसूण पेस्ट
• ½ टीस्पून हळद पावडर
• 1 टीस्पून लाल मिरची पावडर
• 1 टीस्पून पाव भाजी मसाला
• ¼ टीस्पून गरम मसाला
• चिरलेली कोथिंबीर
• 1 लिंबू

साधं पण चवदार असं काही खायचंय? मग सोप्या पद्धतीने घरी बनवा सिंधी स्टाइल दाल पकवान

कृती

• यासाठी सर्वप्रथम, एक पॅन गरम करा आणि त्यात 1 टेबलस्पून बटर आणि थोडे तेल घाला. आता त्यात चिरलेला
• कांदा, हिरवी मिरची आणि आले-लसूण पेस्ट घालून कांदा हलका सोनेरी होईपर्यंत परतून घ्या
• आता सिमला मिरची आणि टोमॅटो घाला आणि टोमॅटो मऊ होईपर्यंत 2-3 मिनिटे चांगले शिजवा
• आता त्यात हळद, तिखट, पावभाजी मसाला आणि गरम मसाला घालून मिक्स करा. जर तुमच्याकडे उरलेली
• पावभाजी असेल तर तुम्ही ती देखील घालू शकता, त्यामुळे मसाला आणखी चवदार होईल
• मसाला चांगला शिजल्यावर थोडेसे ओले करण्यासाठी थोडे पाणी घाला, जेणेकरून मसाला पावावर चांगला लेप करता येईल. आता कोथिंबीर घालून मिक्स करा
• आता पाव मधून हलका कापून घ्या आणि त्याच तव्यावर १ टेबलस्पून बटर घालून हलके भाजून घ्या
• नंतर तयार मसाला प्रत्येक पावाच्या आत आणि वर भरा आणि पॅनवर हलके दाबून शिजवून घ्या, जेणेकरून याची चव चांगली एकजीव होईल
• शेवटी यावर चिरलेली कोथिंबीर आणि लिंबाचा रस घाला, आणि बस्स, तुमचा गरम गरम मसाला पाव तयार आहे
  आपल्या प्रियजजनांसह याचा आस्वाद घ्या आणि आनंद लुटा