संध्याकाळ बनेल खास! घरी बनवा क्रिस्पी चिली गार्लिक बाईट्स, नोट करा सोपी रेसिपी

संध्याकाळच्या नाश्त्यासाठी एक हटके आणि टेस्टी अशी रेसिपी शोधत आहात? मग आजच घरी बनवून पहा क्रिस्पी चिली गार्लिक बाईट्स! ही फार सोपी रेसिपी आहे ज्याचा व्हिडिओ सोशल मीडियावर शेअर करण्यात आला आहे

तुम्हालाही संध्याकाळी काही चटपटीत खाण्याची सवय असेल तर आजची ही रेसिपी तुमच्या फायद्याची ठरणार आहे. आज आम्ही तुमच्यासाठी संध्याकाळच्या नाश्त्याची एक हटके आणि टेस्टी रेसिपी घेऊन आलो आहोत. संध्याकाळ झाली की बऱ्याचदा आपल्याला हलकी हलकी भूक लागायला सुरुवात होते. अशावेळी काय नवीन बनवावे ते सुचत नाही. आपल्याला नाश्ता तर करायला असतो मात्र यासाठी फार मेहनत नको हवी असते. म्हणूनच आज आम्ही तुम्हाला संध्याकाळच्या एका सोप्या आणि झटपट रेसिपीबाबत सांगत आहोत.

ही रेसिपी लहानांपासून मोठ्यांपर्यंत सर्वांनाच फार आवडेल. शिवाय हे बनवण्यासाठी तुमचा फार वेळही वाया जाणार नाही. या रेसिपीचे नाव आहे क्रिस्पी चिली गार्लिक बाईट्स. नावावरूनच तुम्हाला हा पदार्थ काय असेल याचा अंदाज आला असावा. या चवदार रेसिपीने तुम्ही घरातील सर्वांची मन जिंकू शकता. याची रेसिपी सोशल मीडियावर शेअर करण्यात आली आहे, जी आपण आज या लेखातून जाणून घेणार आहोत. चला तर मग अजिबात वेळ न घालवता जाणून घेऊयात यासाठी लागणारे साहित्य आणि कृती.

रेसिपीच्या बातम्या वाचण्यासाठी इथे क्लिक करा

साहित्य

• 2 उकडलेले बटाटे
• 1 टेबलस्पून चिली फ्लेक्स
• 1 टेबलस्पून ओरेगॅनो
• 1 टेबलस्पून टेबल सॉल्ट
• 1 टेबलस्पून लाल मिरची पूड
• 2 ते3 बारीक चिरलेली लसूण
• 2 टेबलस्पून कॉर्नफ्लोर
• कोथिंबीर
• टोमॅटो सॉस

See more

रेसिपीच्या बातम्या वाचण्यासाठी इथे क्लिक करा

कृती

• क्रिस्पी चिली गार्लिक बाईट्स बनवण्यासाठी सर्वप्रथम बटाटे धुवून उकडून घ्या
• यानंतर बटाट्याची साल काढून मॅश करून घ्या
• यानंतर यात एक चमचा चिली फ्लेक्स आणि ओरेगॅनो टाका
• नंतर यात एक चमचा मीठ आणि लाल मिरची पावडर टाका
• मग यात 2-3 बारीक चिरलेली लसूण घाला
• यांनतर यात दोन चमचे कॉनफ्लोर टाका
• शेवटी यात चिरलेली कोथिंबीर घाला
• सर्व साहित्य नीट व्यवस्थित एकजीव करून घ्या
• आता तयार मिश्रणातील एका लहान भाग हातात घ्या आणि याला गोलआकार द्या
• दुसरीकडे गॅसवर एक कढई ठेवा आणि यात तेल टाका
• तेल गरम झाले की तयार चिली गार्लिक बाईट्स सोनेरी रंग येईपर्यंत छान तेलात तळून घ्या
• तयार क्रिस्पी चिली गार्लिक बाईट्स एका प्लेटमध्ये काढा आणि सॉस किंवा तुमच्या आवडीच्या डीपसोबत खाण्यासाठी सर्व्ह करा
• ही रेसिपी @khana_peena_recipe नावाच्या इंस्टाग्राम अकाउंटवरुन शेअर करण्यात आली आहे