थंडीत एकदा बनवून पहा पौष्टिक आणि चविष्ट मेथीची कढी, नोट करा खास रेसिपी

हिवाळ्यात रात्रीच्या जेवणाला बनवा मेथी कढी. ही कढी चवीबरोबरच आरोग्यासाठीही फायद्याची ठरते, शिवाय फार कमी वेळेत बनून तयार देखील होते. थंडीच्या वातावरणात गरमा गरम भातासोबत या मेथी कढीची चव अप्रतिम लागते.

सध्या हिवाळ्याचा ऋतू सुरु आहे. या ऋतूत नेहमीच काही ना काही गरमा गरम खाण्याची इच्छा होत असते. शिवाय या थंडीच्या वातावरणात बऱ्याचदा लोकांना अनेक आजारांना देखील सामोरे जावे लागत असते अशात आज आम्ही तुमच्यासाठी एक चविष्ट, सोपी आणि पौष्टिक अशी रेसिपी घेऊन आलो आहोत. ही रेसिपी रात्रीच्या जेवणाचा एक उत्तम पर्याय ठरेल. आजच्या आपल्या रेसिपीचे नाव आहे मेथीची कढी.

तुम्ही आजवर मेथीचे पराठे किंवा भाजी बऱ्याचदा खाल्ली असेल मात्र तुम्ही कधी मेथीची कढी खाल्ली आहे का? ही कढी चवीला फार अप्रतिम लागते शिवाय फार कमी वेळेत बनून तयार देकील होते. गरमा गरम भातासोबत हिची चव कमाल लागते. तुम्ही आजवर जर ही रेसिपी कधी ट्राय नसेल केली तर यावेळी एकदा रात्रीच्या जेवणात ही रेसिपी नक्की बनवून पहा. मेथी आरोग्यासाठी फार फायद्याची असते, आपल्या आहारात मेथीचा आवर्जून समावेश करावा. जाणून घ्या मेथीची कढी तयार करण्यासाठी लागणारे साहित्य आणि कृती.

हेल्दी नाश्त्याने करा सकाळची सुरुवात, घरी बनवा चविष्ट आणि पौष्टीक नाचणीचे कटलेट

साहित्य

• 1 कप आंबट दही
• 2 चमचे बेसन
• आले, लसूण आणि हिरवी मिरची पेस्ट
• हिंग, हळद, धणेपूड
• ताजी मेथी
• मीठ
• तूप किंवा तेल
• जिरे, धणे मोहरी
• सुकी मिरची
• लसूण, कांदा
• काश्मिरी लाल मिरची पावडर
• मेथी दाणे
• पाणी

ओव्हन सोडा यावेळी कुकरमध्येच तयार करा मऊसूत बदाम केक, खूप सोपी आहे रेसिपी

कृती

• मेथीची कढी तयार करण्यासाठी सर्वप्रथम १ वाटी आंबट दही आणि २ चमचे बेसन एकत्र करून गुठळ्या न करता एकसारखे मिश्रण तयार करा
• नंतर त्यात पाणी घालून एक पातळ मिश्रण तयार करा, यात साधारण दीड कप पाणी घाला
• आता दुसरीकडे गॅसवर एक कढई ठेवा आणि यात तेल टाका
• यानंतर यात आले, लसूण आणि हिरवी मिरची पेस्ट टाका आणि हलके परतून घ्या
• नंतर यात हिंग, हळद आणि धनेपूड घाला आणि मिक्स करा
• आता यात बारीक चिरलेली मेथी टाका आणि ढवळा
• आता कढईवर झाकण ठेवा आणि मंद आचेवर मिश्रण 5 मिनिटे शिजवून घ्या
• मेथी शिजली की यात दही-बेसनाचे मिश्रण टाका आणि याला एक उकळी येऊ द्या
• कढी शिजली की, यात मीठ, मसाला आणि चिरलेली कोथिंबीर टाका
• तडका तयार करण्यासाठी फोडणीच्या पातेल्यात थोडं तूप गरम करून त्यात जिरे, धणे आणि मोहरी घाला
• यानंतर यात सुकी मिरची, लसूण, कांदा, काश्मिरी तिखट आणि कसुरी मेथी घाला
• तयार फोडणी कढीमध्ये टाका आणि खाण्यासाठी सर्व्ह करा