ओव्हन सोडा यावेळी कुकरमध्येच तयार करा मऊसूत बदाम केक, खूप सोपी आहे रेसिपी

Almond Cake Recipe: केक कुणाला आवडत नाही. आता बाहेरून केक खरेदी करायची गरज नाही, घरीच तयार करा मऊ आणि टेस्टी बदाम केक. यासाठी ओव्हनची गरज नाही तुम्ही कुकरमध्येच हा केक तयार करू शकता.

Follow Us:

Follow Us:

केक हा पाश्चात्य एक गोडाचा पदार्थ आहे. मात्र हा पदार्थ आज इतका लोकप्रिय झाला आहे की जगभरात प्रत्येक ठिकाणी याचे चाहते पाहायला मिळतात. लहानांपासून मोठ्यांपर्यंत सर्वांनाच केक हा पदार्थ खायला फार आवडते. बाजारात केकचे तसे बरेच प्रकार उपलब्ध आहेत मात्र आज आम्ही तुम्हाला बाजारासारखा मऊ आणि चवदार केक घरी कसा तयार करायचा याची एक सोपी रेसिपी सांगणार आहोत. अनेकदा बाजारात विकत मिळणारे केक हे फ्रेश नसतात आधीच तयार करून ठेवलेले हे केक काही काळानंतर हलके कठोर होतात ज्यामुळे ते खाताना फारशी मजा येत नाही.

फ्रेश केकची मजा ही काही औरच असते मात्र बाजारात बहुदा असे फ्रेश केक मिळत नाहीत. अशात आम्ही तुम्हाला सांगतो की यावेळी तुम्ही घरीच सोप्या पद्धतीने बदाम केक बनवून पहा. हा केक आपण कुकरमध्ये बनवणार आहोत, ज्यामुळे यासाठी ओव्हनची देखील गरज नाही. तुम्ही अगदी कमी वेळेत काही निवडक साहित्यापासून हा केक तयार करू शकता. चला तर मग जाणून घेऊयात यासाठी लागणारे साहित्य आणि कृती.

जिभेचे चोचले पूर्ण करा! घरी बनवा क्रिस्पी शेजवान डोसा, झटपट नोट करा रेसिपी

साहित्य

• 1/3  कप तूप
• 1/2 कप पिठी साखर
• 2 चमचे घट्ट दही
• 1/4 कप बारीक ठेचलेले बदाम (बदाम पावडर)
• 3/4 कप गव्हाचे पीठ
• 1/2 चमचा बेकिंग पावडर
• 1/4 चमचा बेकिंग सोडा
• 1/3कप दूध
• सजावटीसाठी बदाम फ्लेक्स
• बदाम इसेन्स किंवा व्हॅनिला इसेन्स

 

View this post on Instagram

 

A post shared by Dhruvi Jain (@burrpet_by_dhruvijain)

चहाला बिस्किटांची जोड! आता घरीच बनवा खुसखुशीत काजू बिस्किट, नोट करा सोपी रेसिपी

कृती

• बदाम केक बनवण्यासाठी सर्वप्रथम कुकरची शिट्टी आणि रबर रिंग काढा
• यानंतर कुकरमध्ये मिठाचा थर करा आणि यात एक स्टँड ठेवा
• यानंतर कुकरला मध्यम आचेवर गरम करून घ्या
• दुसरीकडे एका भांड्यात तूप, पिठी साखर, दही, बारीक ठेचलेले बदाम, गव्हाचे पीठ, बेकिंग पावडर, बेकिंग सोडा, दूध, बदाम इसेन्स किंवा व्हॅनिला इसेन्स टाका
• सर्व मिश्रण व्यवस्थित एकजीव करा
• यानंतर एक भांडे घ्या आणि त्याला बटरने ग्रीस करा किंवा त्यात बटर पेपर टाका
• तयार मिश्रण या भांड्यात टाका आणि नीट सामान पसरवा, तुम्हाला हवे असल्यास तुम्ही यावर बदामाचे तुकडे टाकू शकता
• आता हे भांडे कुकरच्या स्टँडवर ठेवा आणि 35-40 मिनिटे मध्यम आचेवर याला शिजवून घ्या
  यानंतर केक कुकरच्या बाहेर काढा आणि याला थंड होऊ द्या
• केक थंड झाल्यानंतर याला बाहेर काढा जाणीव खाण्यासाठी सर्व्ह करा
• अशाप्रकारे तुमचा बदामाचा केक तयार होईल
• ही रेसिपी @burrpet_by_dhruvijain नावाच्या इंस्टाग्राम अकाऊंटवरून शेअर करण्यात आली आहे

Web Title: Delicious viral recipe make soft almond cake in the cooker

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com