Ganesh Chaturthi 2025 : गणपतीच्या आवडीचे मोदक पण थोड्या हटके अंदाजात, घरी बनवा सुगंधित अन् चवदार Rose Coconut Modak

बाप्पाला खुश करायचं म्हटलं तर त्याला मोदकांचा नैवेद्य हा दाखवावाच लागणार! चला तर मग घरीच मोदक बनवूयात पण जरा हटके स्टाईलमध्ये, आज आपण जाणून घेणार आहोत कोकोनट रोज मोदकची एक सोपी रेसिपी.

गणेशोत्सव म्हणजे भक्ती, श्रद्धा आणि आनंदाचा मिलाफ. बाप्पाच्या आगमनानंतर प्रत्येक घरात गोडधोड पदार्थांचा सुगंध दरवळतो. गणपती बाप्पाला खास करून मोदक खूप प्रिय आहेत. पारंपरिक उकडीचे मोदक जितके लोकप्रिय आहेत, तितक्याच वेगाने आता फ्युजन मोदकांचाही ट्रेंड वाढत आहे. यामध्ये नारळ रोज मोदक ही एक अशी चवदार रेसिपी आहे जी गुलाबाचा गोडवा, नारळाचा ताजा स्वाद आणि बाप्पाच्या आवडीला अगदी न्याय देते.

घाईगडबडीच्या वेळी सकाळच्या नाश्त्यासाठी झटपट बनवा उत्तपम, आरोग्यासाठी ठरेल पौष्टिक पदार्थ

गुलाबाच्या पाकळ्यांचा सुगंध आणि नारळाची गोडसरता मिळून या मोदकांना एक आगळीवेगळी चव मिळते. गणेशोत्सवात अशा फ्युजन मोदकांनी सणाचा उत्साह आणखी वाढतो आणि घरातील सर्वांनाच नवा अनुभव मिळतो. बाजारात हे कोकोनट रोज मोदक फार सहज उपलब्ध होतात, यांचा हलका गुलाबी रंग या मोदकांना आणखीन आकर्षित बनवतो. दिसायला हे मोदक इतके सुंदर दिसतात की पाहता क्षणीच त्यांना खाण्याची इच्छा होऊ लागते. चला तर मग हे फेमस कोकोनट रोज मोदक घरी कसे तयार करायचे याची एक सोपी रेसिपी जाणून घेऊया.

साहित्य

• २ कप ताजा किसलेला नारळ
• १ कप साखर
• २ टेबलस्पून गुलाब पाक
• १ टेबलस्पून गुलाबाच्या पाकळ्यांचे गूळ (कँडीड रोज पॅटल्स)
• २ टेबलस्पून सुकामेवा (काजू, बदाम, पिस्ता बारीक चिरून)
• १ टेबलस्पून तूप
• चिमूटभर वेलची पावडर
• मोदकाचे साचे

ओल्या खोबऱ्याचा वापर करून झटपट बनवा मऊ लुसलुशीत खोबऱ्याची वडी, जि‍भेवर ठेवताच विरघळेल पदार्थ

कृती

• यासाठी सर्वप्रथम कढईत तूप गरम करून त्यात किसलेला नारळ घ्या.
• त्यात साखर टाका आणि नीट हलवत राहा, जोपर्यंत मिश्रण थोडे चिकटसर होत नाही.
• आता त्यात गुलाब पाक, गुलाबाच्या पाकळ्या आणि वेलची पावडर मिसळा.
• चिरलेला सुकामेवा टाकून मिश्रण छान एकत्र करून काही मिनिटे परता.
• हे मिश्रण गॅसवरून उतरवून थोडे थंड होऊ द्या.
• मोदकाच्या साच्याला तूप लावून त्यात हे गुलाब-नारळ सारण भरून मोदक तयार करा.
• सगळे मोदक तयार झाल्यावर प्लेटमध्ये ठेवून गुलाब पाकळ्यांनी सजवा.
• हे नारळ गुलाब मोदक बाप्पाला नैवेद्य म्हणून अर्पण करा. गुलाबाचा सुवास आणि नारळाची गोडसरता मिळून हे
• मोदक घरातील सगळ्यांच्या मनाचा मोह जिंकतील.
• हा मोदक फ्युजन प्रकार असल्याने तो सणाला एक वेगळाच ट्विस्ट देतो. बाप्पाची आवड पूर्ण करताना घरातील
• प्रत्येकाला नवीन स्वादाचा अनुभव मिळतो.