मुरुमांपासून होईल कायमची सुटका! ‘या’ पद्धतीने करा कडुलिंबाच्या पानांचा वापर, त्वचा होईल आतून स्वच्छ

त्वचेसंबंधित समस्या उद्भवू लागल्यानंतर बाजारात उपलब्ध असलेल्या स्किन केअर प्रॉडक्टचा वापर न करता घरगुती पदार्थांचा वापर करून त्वचेची काळजी घ्यावी. सुंदर त्वचेसाठी कडुलिंबाच्या पानांचा वापर करावा. आयुर्वेदामध्ये कडुलिंबाच्या पानांना विशेष महत्व आहे. यामुळे त्वचा अधिक सुंदर आणि स्वच्छ होतात. चेहऱ्यावर वाढलेल्या पिंपल्समुळे त्वचेवर खाज येऊ लागते. यामुळे चेहऱ्यावर रॅश येणे किंवा इतरही समस्या उद्भवू लागतात. म्हणूनच आज आम्ही तुम्हाला त्वचेची काळजी घेण्यासाठी कडुलिंबाच्या पानांचा वापर कसा करावा, याबद्दल सविस्तर माहिती सांगणार आहोत. यामुळे तुमची त्वचा आतून स्वच्छ होईल.

उन्हाळ्याच्या दिवसांमध्ये त्वचेवर घाम तसाच साचून राहतो. यामुळे त्वचेच्या छिद्रांमध्ये घाण तशीच राहते. ही घाण स्वच्छ करण्यासाठी अनेक महिला क्लीनअप किंवा फेशिअल करून घेतात. मात्र यामुळे काहीकाळच त्वचा सुंदर दिसते. त्वचेवर जमा झालेल्या बॅक्टरीयामुळे चेहऱ्यावर सतत मुरूम आणि पिंपल्स वाढू लागतात. बऱ्याच महिला त्वचेची योग्य काळजी घेत नाहीत. त्वचेचे संतुलन कायम राखण्यासाठी घरगुती पदार्थांचा वापर करावा.

कडुलिंबाच्या पानांचा स्प्रे बनवण्याची कृती:

कडुलिंबाची पाने त्वचा आणि केसांसाठी अतिशय प्रभावी ठरतात. यासाठी टोपात पाणी गरम करून घ्या. त्यानंतर त्यात कडुलिंबाची पाने टाकून उकळवा. पाण्याला उकळी आल्यानंतर गॅस बंद करून पाणी थंड होण्यासाठी ठेवा. पाणी थंड झाल्यानंतर गाळून स्प्रे बॉटलमध्ये भरून ठेवा. हा स्प्रे नियमित पिंपल्स आलेल्या स्किनवर मारल्यास आठवडाभरात फरक दिसून येईल. याशिवाय कडुलिंबाच्या पानांची वाफ घेतल्यास त्वचेवर पिंपल्स कमी होतील. कडुलिंबाची पाने सुकवून बारीक पावडर तयार करा. ही पावडर मुलतानी माती आणि गुलाब पाण्यात मिक्स करून लावल्यास त्वचा काही दिवसांमध्ये स्वच्छ आणि चमकदार दिसू लागेल.

त्वचेच्या असंख्य समस्यांपासून आराम मिळवून देईल तांदूळ तुरटीचा फेसमास्क, त्वचा आतून राहील हायड्रेट

पावसाळ्याच्या दिवसांमध्ये अंगावर सतत खाज येते. या खाजीमुळे त्वचेवर रॅश येणे किंवा त्वचेची गुणवत्ता खराब होऊन जाते. अशावेळी तुम्ही अंघोळीचे पाणी गरम करताना त्यात कडुलिंबाची पाने टाकून गरम करा. तयार केलेले पाणी अंघोळीसाठी वापरावे. यामुळे त्वचा आतून स्वच्छ होते. तसेच केसांमध्ये वाढलेला कोंडा कमी करण्यासाठी कडुलिंबाच्या पानांचा वापर करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या