गर्भाशयातच बाळ होईल बुद्धिमान… डॉक्तरांनी सांगितले ताकद आणि पोषकतत्वांनी भरलेले 4 सुपरफूड

Superfood For Baby : गर्भधारणेदरम्यान पोटातील बाळाला पोषण मिळणे अत्यंत महत्त्वाचे आहे. अलीकडेच स्त्रीरोगतज्ज्ञांनी गर्भातील बाळाच्या विकासासाठी फायदेशीर ठरणाऱ्या काही सुपरफुड्सचे सेवन करण्याचा सल्ला दिला आहे.

• गर्भातील बाळाच्या विकासासाठी हेल्दी पदार्थांचे सेवन फायद्याचे ठरते
• डॉक्टरांनी सांगितलेले सुपरफूड गर्भवती महिलेने आवर्जून खावेत
• रोजच्या आहारात या पदार्थांचा समावेश करता येईल

आपल्याला मुलं होणार आहे ही भावना प्रत्येक महिलेसाठी फार खास आणि जगातील सर्वात सुंदर भावना असते. नऊ महिने आई मुलं गर्भाशयात असतानाही त्याची पुरेपूर काळजी घेते. असं म्हणतात की, मुलं आईच्या पोटात असतानाच अनेक गोष्टी शिकून घेतात. आपण जे काही खातो, वाचतो अथवा पाहतो त्याचा थेट परिणाम आपल्या पोटतील बळावर होत असतो. अशात गर्भवती असताना महिलांना स्वतःची विशेष काळजी घेऊन अनेक गोष्टी कराव्या लागतात. प्रत्येकालाच आपलं मुलं बुद्धिमान हवं असतं पण तुम्हाला माहिती आहे का? तुम्ही गर्भाशयात असतानाच तुमच्या मुलाला बुद्धिमान बनवू शकता.

हिवाळ्यात शरीराला गरम ठेवतात हे पदार्थ, नियमित सेवन करा… रात्री ब्लँकेट घेण्याचीही गरज भासणार नाही 

गर्भवती असताना महिलेने खाल्लेले पोषक घटक बाळाच्या निरोगी मेंदूला हातभार लावतात, ज्यामुळे त्याला आयुष्यभर फायदा होतो. स्त्रीरोगतज्ज्ञ डॉ. मनीषा मीना गुप्ता यांनी गर्भवती महिलांनी खावे असे चार पदार्थ सूचीबद्ध केले आहेत. हे पोषक घटक आईकडून बाळाकडे जातात, ज्यामुळे बाळ बुद्धिमान, समजूतदार आणि शांत होते. चला जाणून घेऊया गर्भाशयातील बाळासाठी कोणते अन्न फायदेशीर आहे.

अंडी

प्रथिनांचा खजिना ज्यात दडला आहे अशा अंड्याचे सेवन गर्भवती महिलांसाठी फायद्याचे आहे. यामुळे बाळाचा मेंदू, समज आणि गर्भाशयातील संज्ञानात्मक कार्य सुधारू शकते.

See more

अ‍ॅव्होकॅडो

अ‍ॅव्होकॅडो सर्वांसाठी चांगले असतात कारण त्यात हेल्दी फॅटचे चांगले प्रमाण आढळून येते. डॉक्टरांचा असा विश्वास आहे की गर्भधारणेदरम्यान त्यांचे सेवन केल्याने तुमच्या बाळाची त्वचा चमकदार आणि निरोगी होण्यास मदत होते.

अक्रोड

अक्रोड हे मेंदूसाठी सर्वोत्तम नट्सपैकी एक मानले जाते. ज्या महिला गरोदरपणात अक्रोडाचे सेवन करतात त्यांच्या बाळाचा मेंदू अधिक बुद्धिमान आणि तीक्ष्ण होण्यास मदत होते.

कडाक्याच्या थंडीत त्वचा राहील फ्रेश आणि चमकदार! पपईच्या सालीचा वापर करून घरीच बनवा फेसपॅक, त्वचा राहील हायड्रेट

नारळ पाणी

फार पूर्वीपासून आजारी पडल्यास नारळ पाण्याचे सेवन करण्याची प्रथा आहे. गर्भवती महिलेने नारळाचे पाणी प्यायल्याने न जन्मलेल्या बाळाला याचे अनेक फायदे होतात. गर्भधारणेदरम्यान ते सेवन केल्याने बाळ शांत होते आणि महिलेचे आरोग्य देखील सुधारते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.