Hair Care: मेथी दाणे की अंडं? कोणता DIY हेअर मास्क केसांना बनवतो अधिक चमकदार

Hair care: घरच्या घरी केसांना चमक देण्यासाठी तुम्ही मेथीचे दाणे की अंडं नक्की कशाचा आणि कशा पद्धतीने वापर करू शकता याबाबत अधिक माहिती जाणून घेऊया. कोणते DIY उत्तम ठरेल?

• केसांची काळजी घेताना DIY 

• मेथीचे दाणे केसांसाठी कसे योग्य ठरतात 

• खरंच केसांसाठी अंड्याचा हेअर मास्क चांगला आहे का? 

Hair Care: आजकाल चमकदार आणि मऊ केसांचा ट्रेंड खूप लोकप्रिय होतोय, ज्याला ‘ग्लास हेअर’ म्हणून ओळखले जाते. यामुळे केसांना एक गुळगुळीत आणि चमकदार रूप प्राप्त होते, जे आरशाप्रमाणे दिसते आणि अनेक जण याकडे आकर्षित होतात. कंडिशनिंग, योग्य स्टायलिंग आणि उष्णतेपासून संरक्षण आवश्यक आहे, पण काही घरगुती घटक देखील तुमच्या केसांना तात्पुरती चमक देऊ शकतात. मेथीचे दाणे आणि अंडी हे असे दोन घरगुती उपाय आहेत. दोन्ही हेअर मास्क म्हणून वापरले जातात, परंतु काचेसारखा लुक मिळवण्यासाठी नक्की काय अधिक प्रभावी आहे आपण जाणून घेऊया

मेथी दाण्याचा उपयोग

खरं तर मेथी हा केसांसाठी उत्तम घटक मानला जातो.  मेथीचा हेअर मास्क विशेष का आहे? मेथीच्या दाण्यांमध्ये असे अनेक नैसर्गिक घटक असतात जे केसांच्या काळजीसाठी मदत करू शकतात. मेथीचे दाणे रात्रभर पाण्यात भिजवल्याने त्यावर जेलसारखा थर तयार होतो. हा चिकट पदार्थ कंडिशनर म्हणून काम करतो. मेथीची पेस्ट केसांवर एक आवरण तयार करते, ज्यामुळे केस धुतल्यानंतर अधिक मऊ आणि व्यवस्थापित करण्यास सोपे वाटतात. 

जेव्हा केसांचा बाह्य थर, म्हणजेच क्यूटिकल, गुळगुळीत असतो, तेव्हा त्यावरून प्रकाश अधिक प्रभावीपणे परावर्तित होतो, ज्यामुळे केसांना चमकदार रूप प्राप्त होते. तथापि, मेथी केसांची कायमस्वरूपी दुरुस्ती करत नाही. तिचे परिणाम प्रामुख्याने तात्पुरत्या गुळगुळीतपणा आणि चमकेपुरते मर्यादित असतात.

तरुण वयात केस पांढरे झाले आहेत? ‘या’ पद्धतीने केसांवर लावा आयुर्वेदिक हिरव्या पानांचा रस, मुळांपासून होतील काळेभोर सुंदर केस

अंड्याचा हेअर मास्क किती प्रभावी आहे? 

असा जर प्रश्न तुमच्या मनात असेल तर अंड्यांमध्ये प्रथिने आणि अमिनो ॲसिड असतात, म्हणूनच त्यांचा वापर अनेक घरगुती हेअर मास्कमध्ये केला जातो. पण, अंडी खाणे आणि कच्ची अंडी केसांना लावणे या दोन वेगळ्या गोष्टी आहेत. केसांमध्ये प्रथिने असतात, पण याचा अर्थ असा नाही की कच्ची अंडी लावल्याने खराब झालेले केस दुरुस्त होतील. 

जर तुम्हाला अंड्याचा मास्क वापरायचा असेल, तर एक अंडे, एक मोठा चमचा दही आणि एक छोटा चमचा कोरफड जेल घ्या. सर्वकाही व्यवस्थित मिसळा आणि ओल्या केसांना मधल्या भागापासून टोकांपर्यंत लावा. ते १५ ते २० मिनिटे तसेच ठेवा आणि नंतर थंड किंवा कोमट पाण्याने धुवा. त्यानंतर शॅम्पू आणि कंडिशनर लावा.

कोणता हेअर मास्क वापरावा?

अशावेळी प्रश्न हा निर्माण होतो की, कोणता हेअर मास्क चांगला आहे? जर तुमचे ध्येय केसांना चमकदार, मऊ आणि रेशमी बनवणे असेल, तर मेथीचा हेअर मास्क एक चांगला पर्याय असू शकतो. तो केसांना कंडिशनर देतो आणि त्यांना ग्लासी हेअर लुक देतो, ज्यामुळे केसांना तात्पुरता काचेसारखा मुलायमपणा येतो. 

पण, जर तुमचे केस खूप कमकुवत, खराब झालेले किंवा तुटण्याची शक्यता असलेले असतील, तर घरगुती अंड्याच्या मास्कपेक्षा चांगले प्रोटीन ट्रीटमेंट किंवा बाजारात मिळणारा हेअर मास्क वापरणे अधिक प्रभावी ठरू शकते. ही माहिती आम्ही तज्ज्ञांच्या मतांप्रमाणे दिली असून तुम्ही वापर कऱण्यापूर्वी पॅच टेस्ट करा वा आपल्या हेअर एक्सपर्टचा सल्ला घ्या. 

Hair Fall Control Tips: केसांच्या समस्यांनी त्रस्त आहात? खोबरेल तेलापासून घरच्या घरी तयार करा ‘हे’ मिश्रण