बुधवार, 9 सप्टेंबर 2026
तरुण वयात केस पांढरे झाले आहेत? 'या' पद्धतीने केसांवर लावा आयुर्वेदिक हिरव्या पानांचा रस, मुळांपासून होतील काळेभोर सुंदर केस
केस काळे करण्यासाठी उपाय?
तरुण वयात केस पांढरे का होतात?
केसांसाठी आयुर्वेदिक उपाय?
Hair Care Tips: वय वाढल्यानंतर महिलांच्या शरीरात खूप जास्त बदल होतात. त्याचा परिणाम केस आणि त्वचेवर सुद्धा लगेच दिसून येतो. पोषक घटकांचा अभाव, वातावरणात सतत होणारे बदल, हार्मोनल बदल इत्यादी अनेक गोष्टींच्या परिणामामुळे केस मोठ्या प्रमाणावर गळतात किंवा केस पांढरे होतात. केस पांढरे झाल्यानंतर बाजारात उपलब्ध असलेल्या वेगवेगळ्या हेअर केअर प्रॉडक्टचा वापर करण्यासोबतच हेअर डाय, कलर इत्यादी अनेक गोष्टी करून केस पुन्हा एकदा काळे केले जातात. पण काही दिवसानंतर पुन्हा एकदा केस पांढरे होऊन जातात आणि केसांची गुणवत्ता खराब होते. वारंवार केमिकलयुक्त प्रॉडक्टचा वापर केल्यामुळे केसांची गुणवत्ता खराब होऊन जाते आणि केस निस्तेज होतात. त्यामुळे पांढरे केस काळे होऊन चमकदार दिसतात.(फोटो सौजन्य – istock)
वातावरणात होणारे बदल आणि शरीरात निर्माण झालेल्या पोषक घटकांच्या कमतरतेमुळे केस पांढरे होत असतील तर वरून पोषण देण्यासोबतच आतून पोषण देणे सुद्धा तितकेच आवश्यक आहे. त्यामुळे आहारात बदल करून केसांच्या वाढीसाठी आवश्यक असलेल्या पदार्थांचे सेवन करणे आवश्यक आहे. आज आम्ही तुम्हाला पांढरे केस काळे करण्यासाठी आयुर्वेदिक घटकांनी समृद्ध असलेल्या हिरव्या पानांचा रस कशा पद्धतीने वापरावा, याबद्दल सविस्तर माहिती सांगणार आहोत. केस काळे करण्यासाठी कोणत्याही केमिकल युक्त प्रॉडक्टचा वापर करण्याऐवजी घरगुती उपाय करून केसांची काळजी घ्यावी.
भृंगराज केसांसाठी वरदान मानले जाते. केसांच्या वाढत्या समस्यांपासून सुटका मिळवण्यासाठी महिला भृंगराज वनस्पतीचा वापर करतात. यामुळे केस मजबूत आणि घनदाट होण्यास मदत होते. भृंगराजच्या अर्कामुळे केसांच्या मुळांमधील पेशी पुनरुज्जीवित होतात आणि केस नव्याने उगवण्यास मदत होते. सोप्या पद्धतीमध्ये तुम्ही भृंगराज तेल बनवू शकता. यासाठी भृंगराज पावडर, खोबरेल तेल, तिळाचे तेल, मेथी दाणे आणि कढीपत्ता एवढेच साहित्य लागणार आहे. सर्वप्रथम, टोपात खोबरेल तेल आणि तिळाचे तेल एकत्र करून गरम करण्यासाठी ठेवा.
साखर त्वचेवर कसा परिणाम करते? जाणून घ्या गोडधोडाच्या ग्लोरिफिकेशनचे हे कटू सत्य
तेल गरम झाल्यानंतर मेथी दाणे, कढीपत्ता, भृंगराज पावडर मिक्स करा. तयार केलेले मिश्रण मंद आचेवर व्यवस्थित गरम करून झाल्यानंतर गॅस बंद करून तेल थंड करण्यासाठी ठेवा. गाळून घेतलेले तेल काचेच्या बाटलीमध्ये भरून ठेवा आणि आठवड्यातून दोनदा किंवा तीनदा केस धुवण्याच्या एक दिवस आधी केसांवर लावून हलक्या हाताने मसाज करा आणि दुसऱ्या दिवशी केस पाण्याने स्वच्छ धुवून घ्या. यामुळे पांढरे केस काळे होण्यास मदत होईल आणि केसांची खराब झालेली गुणवत्ता सुधारेल. केस घनदाट आणि मजबूत करण्यासाठी कायमच महागड्या प्रॉडक्टचा वापर करू नये. त्याऐवजी घरगुती उपाय करून केसांची काळजी घ्यावी.
