Hair Growth Serum: घरगुती पदार्थांचा वापर करून ‘या’ पद्धतीने बनवा नॅचरल हेअर सीरम, महिनाभरात केसांची होईल घनदाट वाढ

Hair Growth Serum: केसांच्या वाढत्या समस्या कमी करण्यासाठी घरगुती पदार्थांपासून बनवलेले नॅचरल हेअर सीरम वापरावे. हेअर सीरमचा वापर केल्यास टाळूवर वाढलेला कोंडा कमी होण्यास मदत होते. चला तर जाणून घेऊया हेअर सीरम बनवण्याची कृती.

Hair Growth Serum: केसांचा घनदाट वाढीसाठी महिला सतत काहींना काही करत असतात. कधी बाजारात उपलब्ध असलेल्या महागड्या हेअर केअरचा वापर केला जातो, तर कधी आहारात बदल, वेगवेगळे शाम्पू, कंडिशनर लावून केसांची काळजी घेतली जाते. केसांच्या समस्या वाढू लागल्यानंतर सुरुवातीच्या दिवसांमध्ये व्यवस्थित लक्ष देऊन केसांची काळजी घेणे फार आवश्यक आहे. केसांची वाढ खुंटणे, केस गळणे, कोरडेपणा इत्यादी समस्या वाढू लागतात. वातावरणात होणाऱ्या बदलांचा परिणाम केसांवर झाल्यानंतर केस अतिशय निस्तेक होऊन जातात.(फोटो सौजन्य – istock)

Hair Care Tips: हिवाळ्यात केस खूप जास्त कोरडे झाले आहेत? जास्वदींच्या फुलांचा वापर करून बनवा घरगुती हेअरमास्क, केस होतील मऊ

केसांची खराब झालेली गुणवत्ता सुधारण्यासाठी कायमच बाजारातील महागड्या प्रॉडक्टचा वापर केला जातो. पण वारंवार केमिकलयुक्त हेअर केअरचा वापर करण्याऐवजी घरगुती पदार्थांचा वापर करावा. आज आम्ही तुम्हाला सोप्या पद्धतीमध्ये घरगुती हेअर सीरम बनवण्याची सोपी रेसिपी सांगणार आहोत. या पद्धतीने बनवलेले हेअर सीरम केसांची गुणवत्ता सुधारण्यासोबतच केस घनदाट आणि मजबूत करण्यास मदत करते. केसांची काळजी घेताना हजारो रुपये प्रॉडक्टसवर खर्च करण्याऐवजी स्वयंपाक घरातील पदार्थांचा वापर करावा.

हेअर सीरम बनवण्यासाठी लागणारे साहित्य:

• पाणी
• लवंग
• चहा पावडर
• अळशीच्या बिया
• विटामिन ‘ई’ कॅप्सूल

हेअर सीरम बनवण्याची कृती:

सीरम बनवण्यासाठी सर्वप्रथम, टोपात पाणी घेऊन पाण्याला उकळी काढून घ्या. पाण्याला उकळी आल्यानंतर लवंग, चहा पावडर, अळशीच्या बिया घालून मिक्स करा. पाण्याला उकळी आल्यानंतर बियांमधील अर्क पाण्यात उतरेल. त्यानंतर तयार केलेले मिश्रण गाळून घ्या आणि थंड करण्यासाठी ठेवा. थंड झाल्यानंतर त्यात विटामिन ई कँप्सूल घालून मिक्स करा. तयार केलेलं हेअर सीरम केसांच्या वाढीसाठी अतिशय गुणकारी ठरते. तयार केलेले हेअर सीरम रात्री झोपण्याआधी केसांच्या मुळांवर लावून हलक्या हाताने मसाज करा. मसाज केल्यानंतर रक्तभिसरण सुधारण्यास मदत होईल.

Underarms Care: अंडरआर्म्स नेहमी मुलायम आणि स्वच्छ कसे ठेवावे, तज्ज्ञांच्या सोप्या टिप्स

लवंगामध्ये अँटी-बॅक्टेरियल आणि अँटी-फंगल गुणधर्म आढळून येतात. ज्यामुळे केसांची वाढ होण्यास मदत होते. स्काल्पमधील संसर्ग आणि टाळूवर वाढलेला कोंडा करण्यासाठी मदत करते. लवंग रक्ताभिसरण सुधारून केसांची नवीन वाढ होण्यास मदत होते. अळशीच्या बियांमध्ये ओमेगा-३ फॅटी अ‍ॅसिड आणि प्रथिने खूप जास्त असतात. यामुळे केस दाट, मऊ आणि चमकदार होण्यास मदत होते. विटामिन ई कँप्सूल बाजारात सहज मिळते. विटामिन ई कँप्सूल त्वचा आणि केसांसाठी वापरले जातात. यामुळे स्कल्पमधील पेशींचे रक्षण करण्यास मदत करते. केसांची नैसर्गिक चमक वाढवण्यासाठी चहा पावडरचा वापर करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.