Hair Fall Reasons: केस गळण्यामागे फक्त शॅम्पू-तेल नाही, ‘या’ आरोग्याच्या समस्याही असू शकतात कारणीभूत; एकदा वाचाच

Hair Fall Real Causes: केस गळण्याची समस्या ही नेहमीच शॅम्पू किंवा तेलामुळे होत नाही. यामागे अनेक गोष्टी कारणीभूत असू शकतात. यामागे नेमकं कारणे कोणती, जाणून घेऊयात.

• केस गळण्याचं खरं कारण शॅम्पू-तेल नाही
• शरीरातील ‘या’ कमतरतांकडे दुर्लक्ष करू नका
• तणाव अन् थायरॉईडही असू शकतात कारणीभूत

Hair Care Tips: एकेकाळी केस गळणे ही समस्या केवळ वाढत्या वयाशी संबंधित मानल्या जात होत्या. मात्र, आजकाल तरुण लोकांनाही मोठ्या प्रमाणात केस गळण्याच्या समस्येचा सामोरे जावे लागत आहे. काही प्रकरणांमध्ये, वयाच्या तिशीपूर्वीही लोकांमध्ये केस गळणे आणि टक्कल पडणे दिसून येत आहे. केस विंचरताना किंवा अंघोळ करताना काही केस गळणे सामान्य मानले जाते.तसेच, दररोज ४०-५० केस गळणे हे कमतरतेचे किंवा आजाराचे लक्षण मानले जात नाही. परंतु, जर तुम्हाला अचानक जास्त केस गळण्याचा अनुभव येत असेल, केसांची घनता कमी झाली असेल तर तु्म्ही वेळीच काळजी घेतली पाहिजे. कारण, केसांच्या समस्या केवळ तुमचे रूपच खराब करत नाहीत, तर तुमच्या आत्मविश्वासावरही परिणाम करू शकतात. केस गळण्यामागे नेमकं कारणे कोणती, जाणून घेऊयात.

Reduce Household Waste: घरात रोज कचरा साचतोय? ‘या’ सोप्या ट्रिक्स वापरा अन् कचरा करा कमी

केस गळण्यामागे कारणे कोणती?

केस गळण्यासाठी लोक अनेकदा शॅम्पू किंवा तेलाला दोष देतात. वारंवार शॅम्पू किंवा तेल बदलणे केसांसाठी त्रासदायक ठरू शकते, पण नेहमीच या गोष्टी जबाबदार नसतात.कधीकधी, पोषक तत्वांची कमतरता, थायरॉईडच्या समस्या, इतर आजार, तणाव किंवा अनुवांशिक घटकांमुळे केस गळण्याची समस्या वाढू शकते. त्यामुळे, सतत होणाऱ्या केसगळतीचे मूळ कारण शोधणे अत्यंत महत्त्वाचे आहे.

लोह आणि प्रथिनांच्या कमतरता

केस मजबूत ठेवण्यासाठी शरीराला पुरेशा पोषक तत्वांची गरज असते. आयरन, प्रथिने, झिंक किंवा बायोटिन यांसारख्या विशिष्ट पोषक तत्वांच्या कमतरतेमुळे केस गळू शकतात. अनेक प्रकरणांमध्ये असे दिसून आले आहे की, लोक वजन कमी करण्यासाठी कॅलरीचे सेवन कमी प्रमाणात करतात, यामुळे केस गळणे देखील वाढू शकते.

अॅनिमियाचा त्रास

आयरनच्या कमतरतेमुळे अनेकांना अॅनिमिया होऊ शकतो. यामध्ये एखाद्याला थकवा, अशक्तपणा, श्वास घेण्यास त्रास आणि हृदयाचे ठोके वाढणे यांसारखी लक्षणे देखील जाणवू शकतात.केस गळण्यासोबत अशी लक्षणे आढळल्यास, डॉक्टरांचा सल्ला घ्या आणि रक्त तपासणी करून घ्या.बाजारात सहज उपलब्ध होणाऱ्या केसांच्या सप्लिमेंट्सने सुरुवात करण्याऐवजी, आपल्या शरीरात नेमक्या कोणत्या पोषक तत्त्वाची कमतरता आहे, हे आधी शोधून काढणे महत्वाचे आहे.

थायरॉईडमुळे देखील गळतात केस

थायरॉईड ही मानेतील एक ग्रंथी आहे जी शरीरातील अनेक कार्यांचे नियमन करणारे हार्मोन्स तयार करते. थायरॉईडच्या समस्यांमुळे केस पातळ होऊ शकतात, जास्त प्रमाणात गळू शकतात किंवा त्यांचा टेक्सच्यर बदलू शकतो. थायरॉईड ग्रंथी मोठी झाल्यास किंवा लहान झाल्यास केसांच्या समस्या उद्भवू शकतात.जर केस गळण्यासोबत सतत थकवा जाणवणे, वजन कमी होणे किंवा वाढणे, खूप थंडी वाजणे, बद्धकोष्ठता आणि त्वचेच्या समस्या असतील, तर तुम्ही डॉक्टरांचा सल्ला घ्यावा आणि तुमच्या थायरॉईडची तपासणी करून घ्यावी.

आरोग्य तज्ज्ञांच्या मते, केस गळण्याच्या सर्वात सामान्य कारणांपैकी एक म्हणजे आनुवंशिकता. जर तुमच्या कुटुंबातील कोणाला केसांच्या समस्या किंवा टक्कल पडण्याचा इतिहास असेल, तर तुम्ही लहानपणापासूनच काळजी घेतली पाहिजे.

जागतिक मानसिक आरोग्य दिन: मानसिक शांततेसाठी महाराष्ट्रातील सर्वोत्तम ५ ठिकाणे! निसर्गाच्या सान्निध्यात करा मायंड रिसेट