Hair Care Tips: महागड्या ट्रिटमेंटपेक्षा केसांच्या वाढीसाठी ‘या’ पद्धतीने करा कांद्याचा वापर, केसांची होईल झपाट्याने वाढ

Hair Care Tips: केसांच्या घनदाट वाढींसाठी कायमच बाजारात उपलब्ध असलेल्या महागड्या प्रॉडक्टचा वापर करण्याऐवजी कांद्याच्या रसात खोबरेल तेल आणि कोरफड जेल एकत्र मिक्स करून लावावे. यामुळे केसांची गुणवत्ता सुधारते.

Hair Care Tips: केसांच्या वाढीसाठी महिला सतत काहींना काही करत असतात. कधी हेअर मास्क लावला जातो तर कधी हेअर केअर रुटीन फॉलो करून केसांची काळजी घेतली जाते. काहीवेळा केस खूप जास्त कोरडे झाल्यानंतर ते मऊ होण्यासाठी बाजारातील वेगवेगळ्या हेअर ट्रीटमेंट केल्या जातात. पण हेअर ट्रीटमेंट केल्यामुळे काही काळापुरतेच केस अतिशय सुंदर दिसतात. पण महिनाभरानंतर केस पुन्हा एकदा कोरडे आणि रुक्ष होतात. केसांच्या समस्या वाढल्यानंतर त्यांच्याकडे दुर्लक्ष करण्याऐवजी योग्य ते उपचार करून केसांची काळजी घ्यावी. महागड्या केअर ऑइल, केमिकलयुक्त सिरमचा वापर केल्यामुळे केस तात्पुरते सुंदर दिसतात. पण पुन्हा एकदा केस होते तसेच होऊन जातात.

Skin Care Tips: पिगमेंटेशनमुळे चेहरा खराब झाला आहे? मग ‘या’ पद्धतीने चेहऱ्याला लावा लसूण, त्वचा होईल उजळदार

केसांच्या वाढीसाठी कायमच महागड्या प्रॉडक्टचा वापर करण्याऐवजी घरगुती उपाय करावेत. घरगुती उपाय केल्यामुळे केसांची गुणवत्ता सुधारते आणि केस मजबूत होतात. आज आम्ही तुम्हाला केसांसाठी कांद्याच्या रसाचा वापर कशा पद्धतीने करावा, याबद्दल सविस्तर माहिती जाणून घेऊया. कांद्याचा वापर जेवणातील विविध पदार्थ बनवण्यासाठी केला जातो. चवीसाठी खाल्ला जाणारा कांदा केस, आरोग्य आणि त्वचेसाठी सुद्धा खूप जास्त गुणकारी ठरतो. कांद्याच्या वापरामुळे केस घनदाट आणि मजबूत होतात. चला तर जाणून घेऊया कांद्याचा वापर करण्याची सोपी पद्धत.

कांद्याचा वापर कशा पद्धतीने करावा:

• कांदा
• खोबरेल तेल
• कोरफड जेल

कांद्याचा रस तयार करण्यासाठी सर्वप्रथम, कांदा सोलून मध्यम आकारात तुकडे करा आणि मिक्सरच्या भांड्यात टाकून बारीक पेस्ट बनवा. तयार केलेले मिश्रण गाळून कांद्याचा रस वेगळा करून घ्या. गाळून घेतलेल्या कांद्याच्या रसात खोबरेल तेल आणि कोरफड जेल एकत्र करून व्यवस्थित मिक्स करा. तयार केलेले मिश्रण केसांच्या मुळांपासून ते अगदी टोकांपर्यंत सगळीकडे लावून हलक्या हाताने मसाज करा. १ तास ठेवल्यानंतर केस पाण्याने स्वच्छ करून घ्या. केस कायमच सौम्य शाम्पूचा वापर करून स्वच्छ करावेत. आठवड्यातून एकदा किंवा दोनदा केसांच्या घनदाट वाढीसाठी कांद्याच्या रसात खोबरेल तेल आणि कोरफड जेल एकत्र मिक्स करून लावावे.

Aloe Vera Benefits: कोरफड लावताना केलेल्या ‘या’ चुकांमुळे होऊ शकते त्वचेचे गंभीर नुकसान, जाणून घ्या वापरण्याची योग्य पद्धत

पूर्वीच्या काळापासून ते आत्तापर्यंत सर्वच महिलांसह पुरुष सुद्धा केसांना नियमित खोबरेल तेल लावतात. खोबरेल तेल लावल्यामुळे केसांना आवश्यक पोषण मिळते आणि केसांची खराब झालेली गुणवत्ता सुधारते. टाळूवर वाढलेला कोंडा, जळजळ आणि इन्फेक्शनपासून बचाव करण्यासाठी कोरफड जेल केसांवर लावावे. केसांना कांद्याचा रस लावल्यानंतर हलक्या हाताने टाळूवर मसाज करावा.मसाज केल्यामुळे केसांचे रक्तभिसरण सुधारण्यास मदत होते आणि टाळू स्वच्छ होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.