दक्षिण भारतातील फेमस वडा रसम कधी ट्राय केलाय का? यंदाच्या पावसाळ्यात एकदा नक्की बनवून पहा

Vada Rasam Recipe: पावसाच्या या गार वातावरणात नाश्ता अथवा स्नॅक्ससाठी वडा रसमचा पर्याय उत्तम ठरेल. थंडीच्या वातावरणात गरमा गरम रसम शरीराला उब देण्याचे काम करते. चला याची सोपी रेसिपी जाणून घेऊया.

नेहमीच नवनवीन रेसिपीज तुमच्यापर्यंत पोहचवण्याचा आमचा प्रयत्न असतो आणि यातच आज आम्ही तुमच्यासाठी एक चविष्ट आणि पारंपरिक अशी रेसिपी घेऊन आलो आहोत. आजच्या आपल्या रेसिपीचे नाव आहे वडा रसम! वडा रसम ही एक लोकप्रिय दक्षिण भारतीय नाश्त्याची किंवा स्नॅकची रेसिपी आहे. या रेसिपीमध्ये वडा आणि रसम मिळून बनवला जातो. वडा म्हणजे बटाटा, डाळ, किंवा भाज्या वापरून बनवलेले तळलेले गोळे, तर रसम हे तिखट आणि मसालेदार सूप आहे.

थंडगार वातावरणात सकाळच्या नाश्त्यात काही मिनिटांमध्ये बनवा गरमागरम पालक सूप, संजीव कपूर स्पेशल रेसिपी

पावसाच्या या थंड वातावरणात ही रेसिपी तुमच्यासाठी एक उत्तम पर्याय ठरेल. मऊदार वडा आणि त्यावर ओतलेले गरमा गरम रसम याची चव खायला अप्रतिम लागते. सर्दी, खोकला किंवा थंडीच्या दिवसांत रसम खाल्ल्याने शरीराला उब मिळते. वडे हे उडीद डाळीपासून बनवले जातात, जे प्रथिनांचा चांगला स्रोत आहेत. वडा रसम हा एक हलका पण समाधानकारक जेवणाचा पर्याय आहे. चला तर मग जाणून घेऊया यासाठी लागणारे साहित्य आणि कृती.

साहित्य

• उडीद डाळ – १ कप (रात्रभर भिजवलेली)
• हिरव्या मिरच्या – २ (बारीक चिरलेल्या)
• आले – १ इंच (बारीक चिरलेले)
• हिंग – १ चिमूट
• मीठ – चवीनुसार
• तेल – तळण्यासाठी
• तुरीची डाळ – १/४ कप (शिजवून घ्यावी)
• टोमॅटो – १ (चिरलेला)
• रसम पावडर – २ चमचे (किंवा घरगुती मसाला)
• पाण्याचा वापर – २ कप (गरम पाणी)
• चिंचेचा कोळ – २ चमचे
• गूळ – १ चमचा
• हिंग – १ चिमूट
• मोहरी – १/२ चमचा
• कढीपत्ता – ८-१० पाने
• सुकं लाल मिरचं – २
• हळद – १/४ चमचा
• मीठ – चवीनुसार
• तेल / तूप – २ चमचे
• कोथिंबीर – सजावटीसाठी

पावसाच्या थंड वातावरणात आता घरीच बनवा टेस्टी आणि चटकदार Veg Frankie; स्ट्रीट स्टाईल रेसिपी

कृती

• वडा रसम बनवण्यसाठी सर्वप्रथम उडीद डाळ ५-६ तास भिजवून बारीक वाटून घ्या, पाण्याचा वापर जरा कमी करा
• त्यात चिरलेले आले, मिरची, हिंग व मीठ घालून एकजीव करा
• कढईत तेल गरम करा आणि छोट्या छोट्या गोळ्या किंवा डोनटसारखा आकार देऊन तळा
• सोनेरी रंग येईपर्यंत तळून बाजूला काढा
• कढईत थोडं तेल तापवून त्यात मोहरी, हिंग, कढीपत्ता आणि लाल मिरच्या टाका
  त्यात टोमॅटो घालून छान परतून घ्या
• नंतर चिंचेचा कोळ, गूळ, हळद, रसम पावडर, मीठ व गरम पाणी घालून उकळा
• शिजवलेली तुरीची डाळ मिक्स करून अजून थोडी शिजवून घ्या
• शेवटी वरून कोथिंबीर घालून गॅस बंद करा
• गरमागरम रसम एका वाटीत ओता, त्यात तयार केलेले वडे टाका आणि कोथिंबीरने सजवा
• वडा रसम भाताशिवाय देखील खूप स्वादिष्ट लागतो, यंदाच्या पावसाळ्यात याच आनंद लुटाच