भाज्या, मसालेदार सूप आणि नूडल्सचे संमिश्र… तिबेटियन Thukpa कधी ट्राय केलाय का? जाणून घ्या रेसिपी

चवीला झणझणीत आणि आरोग्यदायी! नवनवीन रेसिपीजच्या या शोधात आज आम्ही तुमच्यासाठी पारंपरिक स्टाईल थुक्पाची रेसिपी घेऊन आलो आहोत. सिक्कीम, लडाख आणि अरुणाचल प्रदेश यांसारख्या भारतीय राज्यांमध्ये ही डिश प्रचंड लोकप्रिय आहे.

थुक्पा ही एक लोकप्रिय तिबेटी आणि नेपाळी डिश आहे, जी विशेषतः थंडीच्या दिवसात मोठ्या प्रमाणात खाल्ली जाते. ही डिश शाकाहारी किंवा मांसाहारी दोन्ही पद्धतीने बनवली जाऊ शकते. यात नूडल्स, भरपूर भाज्या, आणि मसालेदार सूप असते. थुक्पा स्वादिष्ट आणि पोषणमूल्यांनी भरलेली असल्यामुळे आरोग्यदायीही असते. सिक्कीम, लडाख आणि अरुणाचल प्रदेश यांसारख्या भारतीय राज्यांमध्येही हा पदार्थ प्रचंड लोकप्रिय आहे.

Prawns Koliwada Recipe: विकेंड स्पेशल घरी बनवा हॉटेल स्टाइल प्रॉन्स कोळीवाडा; चव चाखताच व्हाल खुश

सध्या अवकाळी पावसाने सर्वत्र धुमाकूळ घातला आहे. अशात या पावसाच्या दिवसांत सर्वत्र थंडीचे वातावरण आहे तर काहींना आजाराने झोडपले आहे. अशात या वातावरणात तुमच्यासाठी थुक्पा ही एक उत्तम डिश ठरू शकते. तुम्हाला चायनीज पदार्थ खायला आवडत असतील तर ही रेसिपी तुम्हाला नक्कीच आवडेल. अनेक हॉटेल्समध्ये हा पदार्थ सर्व्ह केला जातो मात्र आज आम्ही तुम्हाला पारंपरिक पद्धतीने घरीच हा चवदार थुक्पा कसा तयार करायचा याची एक सोपी रेसिपी सांगत आहोत.

साहित्य

• तेल – २ टेबलस्पून
• कांदा – १ मध्यम, बारीक चिरलेला
• लसूण – ४-५ पाकळ्या, ठेचून
• आल्याचा तुकडा – १ इंच, किसलेला
• गाजर – १, स्लीस केलेले
• कोबी – १/२ वाटी, चिरलेली
• सिमला मिरची – १, स्लीस केलेली
• टोमॅटो – १, बारीक चिरलेला
• सॉया सॉस – १ टेबलस्पून
• लाल तिखट – १/२ टीस्पून (ऐच्छिक)
• मीठ – चवीनुसार
• मिरपूड – १/४ टीस्पून
• उकळलेले नूडल्स – १ वाटी
• पाणी किंवा भाज्यांचा सूप – ३ कप
• कोथिंबीर – सजावटीसाठी

लग्नसमारंभात सर्व्ह होणारे व्हेज पॅटीस आता घरीच बनवा, नोट करा रेसिपी

कृती:

• यासाठी सर्वप्रथम एका मोठ्या पातेल्यात तेल गरम करून त्यात लसूण आणि आले टाका. सुवास येईपर्यंत परतून घ्या
• त्यात कांदा घालून थोडा परतून घ्या
• यांनतर यात चिरलेला टोमॅटो, गाजर, कोबी, आणि सिमला मिरची घालून २-३ मिनिटं परतून घ्या
• आता यात सॉया सॉस, लाल तिखट, मीठ आणि मिरपूड घाला आणि साहित्यात एकजीव करून घ्या
• नंतर त्यात ३ कप पाणी किंवा व्हेजिटेबल सूप घालून ५-७ मिनिटं उकळा
• शेवटी त्यात उकडलेले नूडल्स घालून २ मिनिटं शिजवा
• गॅस बंद करून गरमा गरम थुक्पा खाण्यासाठी सर्व्ह करा
• तुम्ही यावर चिरलेली कोथिंबीर आणि चिली सॉस ॲड करू शकता

टीप:

• नॉनव्हेज थुक्पा तयार करायचा असल्यास तुम्ही यात चिकन ब्रोथ आणि शिजवलेले चिकन तुकडे वापरू शकता
• अधिक चवदार थुक्पा हवे असल्यास थोडासा लिंबाचा रस घालू शकता
• थंडीच्या वातावरणात हा पदार्थ एक सुखद आनंद देऊन जातो