मंगळवार, 10 नोव्हेंबर 2026
केसांची मूळ कमकुवत झाली आहेत? मग 'या' हिरव्या पानांचा वापर करून घरीच तयार करा नॅचरल आयुर्वेदिक तेल, केस होतील घनदाट
महिलांच्या सौंदर्यात भर पाडण्याचे काम केस करतात. महिलांसह पुरुषसुद्धा केसांची खूप जास्त काळजी घेतात. हेअर ऑइल, हेअर मास्क तर काहीवेळा हेअर केअर रुटीनमध्ये बदल केला जातो. पण वातावरणात होणारे बदल, प्रदूषण, धूळ, आहारात होणारे बदल, मानसिक तणाव, हार्मोन्सचे असंतुलन इत्यादी अनेक गोष्टींचा परिणाम आरोग्यावर लगेच दिसून येतो. केसांच्या समस्या वाढू लागल्यानंतर सुरुवातीच्या दिवसांमध्ये अजिबात लक्ष दिले जात नाही. पण कालांतराने केस गळून टक्कल किंवा इतर समस्या उद्भवल्यास डॉक्टरांच्या सल्ल्याने उपचार केले जातात. पण वारंवार केसांच्या समस्या उद्भवत असतील तर घरगुती उपाय करून पाहावेत. आज आम्ही तुम्हाला सोप्या पद्धतीमध्ये नॅचरल आयुर्वेदिक तेल बनवण्याची सोपी कृती सांगणार आहोत. या पद्धतीने बनवलेले तेल केसांच्या कमकुवत मुळांना आवश्यक पोषण देण्यास मदत करेल.(फोटो सौजन्य – istock)
जेवण बनवताना कढीपत्त्याच्या पानांचा वापर फोडणीसाठी केला जातो. यामुळे पदार्थाची चव वाढते आणि शरीराला सुद्धा फायदे होतात. चवीसोबतच कढीपत्त्याची पाने केसांच्या वाढीवर सकारात्मक परिणाम होतो. त्यामुळे केमिकल युक्त हेअर केअरचा वापर करण्याऐवजी घरगुती उपाय करणे सुद्धा तितकेच आवश्यक आहे. कढीपत्त्याच्या पानांमध्ये पोषक घटक आणि अँटिऑक्सिडंट्स आढळून येतात, ज्यामुळे केसांची झपाट्याने वाढ होण्यास मदत होते. केसांचे आरोग्य व सौंदर्य जपण्यासाठी योग्य पद्धतीने कढीपत्त्याचा वापर केल्यास महिनाभरात केस अतिशय चमकदार आणि घनदाट होतील. यामुळे टाळूवर वाढलेले इन्फेक्शन स्वच्छ होते.
आयुर्वेदिक गुणधर्माने समृद्ध असलेली तेल तयार करण्यासाठी खोबरेल तेल, मेथी दाणे आणि कढीपत्त्याची पाने इत्यादी गोष्टींची आवश्यकता आहे. तेल तयार करण्यासाठी सर्वप्रथम, टोपात खोबरेल तेल घेऊन त्यात मेथी दाणे आणि कढीपत्त्याची पाने घालून गरम करून घ्या. कढीपत्त्याची पाने पूर्णपणे सुकल्यानंतर गॅस बंद करून तेल थंड होण्यासाठी ठेवा. थंड तेल गाळून काचेच्या बाटलीमध्ये भरून ठेवा. आठवड्यातून दोनदा केस स्वच्छ धुवण्याच्या आधी केसांच्या मुळांपासून ते टोकांपर्यंत तेल लावून हलक्या हाताने मसाज करून घ्या. यामुळे केसांच्या मुळांना आवश्यक पोषण मिळेल आणि केस घनदाट होतील.
Hair Care: केस होतील घनदाट, मजबूत आणि चमकदार? आहारात ‘या’ पदार्थांचा करा समावेश
कढीपत्त्याचे तेल केसांवर लावून हलक्या हाताने मसाज केल्यास टाळूवरील रक्तभिसरण सुधारण्यास मदत होईल आणि केस घनदाट होतील. त्यानंतर दुसऱ्या दिवशी शाम्पूचा वापर करून स्वच्छ धुवून घ्या. तयार केलेल्या तेलाचा मसाज केसांवर केल्यास हेअर फॉलिकल्स मजबूत होण्यास मदत होते. खोबरेल तेल, कढीपत्ता आणि मेथी दाणे केसांसाठी वरदान ठरतात. त्यामुळे केसांच्या कोणत्याही समस्या उद्भवल्यास घरगुती उपाय करण्यास जास्त प्राधान्य द्यावे.
Ans: पोषक घटकांची कमतरता, ताणतणाव, हार्मोनल बदल, अपुरी झोप, कोंडा आणि केसांची अयोग्य निगा यामुळे केसांच्या मुळांवर परिणाम होऊ शकतो.
Ans: काही औषधी हिरव्या पानांमध्ये अँटिऑक्सिडंट आणि वनस्पतीजन्य घटक असतात. त्यांचा वापर केसांच्या निगेसाठी केला जातो; मात्र केसगळती थांबवण्याचा ठोस उपचार म्हणून याकडे पाहू नये.
Ans: निवडलेली पाने स्वच्छ धुऊन वाळवून नारळ किंवा इतर योग्य बेस ऑइलमध्ये मंद आचेवर गरम करून त्यातील गुणधर्म तेलात उतरवता येतात. तेल पूर्ण थंड झाल्यावर गाळून स्वच्छ बाटलीत ठेवावे.
