Health Tips: सकाळचा नाश्ता का महत्त्वाचा? जाणून घ्या नाश्ता करण्याचे काय आहेत आरोग्यदायी फायदे

रात्री जेवून झाल्यानंतर सकाळपर्यंत आपले पोट रिकामे असते. शरीर नाश्त्यामधील पोषक तत्वे उत्तम प्रकारे शोषून घेते. त्यामुळे सकाळच्या वेळी नाश्ता करणे महत्त्वाचे सांगितले जाते. सकाळचा नाश्ता केल्यामुळे शरीराला अनेक फायदे होतात. सकाळी नाश्ता करण्याचे काय आहेत फायदे जाणून घ्या..

• सकाळचा नाश्ता का महत्त्वाचा
• सकाळी नाश्ता करण्याचे काय आहेत आरोग्यदायी फायदे
• सकाळी नाश्त्याला काय खावे काय खावू नये

 

 

आजच्या धावपळीच्या जीवनात अनेकजण वेळेअभावी सकाळचा नाश्ता करण्याचे टाळतात. मात्र आरोग्य तज्ज्ञांच्या मते दिवसाची सुरुवात पौष्टिक नाश्त्याने करणे शरीर आणि मनासाठी अत्यंत महत्त्वाचे असते. सकाळचा नाश्ता हा शरीराला ऊर्जा देण्याबरोबरच दिवसभर कार्यक्षम ठेवण्यास मदत करतो. त्याचसोबत सकाळच्या नाश्तामध्ये कॅल्शियम आणि फायबर या घटकांचं अधिक प्रमाण असतं. नाश्ता केल्यानं एकाग्रता वाढण्यास मदत होते. मुलांना खासकरून सकाळच्या नाश्त्याचा भरपूर फायदा होतो.

पौष्टिक नाश्ता कसा असतो?

ऊर्जेसाठी गव्हापासून बनलेली ब्रेड आणि मोड आलेले कडधान्य, प्रोटीनसाठी ब्रेड-ऑम्लेट, फळं, सुका मेवा, दही खाऊ शकता. हलकं-फुलकं खायचं असेल तर फळं, केळ, पालक, ब्रेड खाऊ शकता.

Health Tips: डायबिटीजचे रुग्ण आहात? नाश्त्यामध्ये चुकूनही खाऊ नका ‘हे’ पदार्थ

सकाळचा नाश्ता आरोग्यासाठी का आहे महत्त्वाचा

असे म्हटले जाते की, सकाळी आरोग्यदायी नाश्ता केल्याने पचनक्रिया सुधारण्यास मदत होते आणि वायू सरणे, आम्लपित्त आणि पोटफुगणे यांसारख्या समस्या दूर होण्यास मदत होते. नाश्त्यामध्ये आरोग्यदायी पदार्थ खाल्ल्याने तुमच्या शरीरातील उर्जेची पातळी टिकून राहण्यास मदत होते. आरोग्यदायी पदार्थ तुम्हाला वारंवार लागणारी भूक टाळण्यासाठी मदत करतात आणि तुमच्या आतड्यांध्ये असलेले सूक्ष्मजीवांचे सुंतलन सुधारण्यास मदत करते. आरोग्यदायी नाश्त्यामुळे तुमच्या चयापचयाला चालना मिळते.

सकाळी नाश्ताला काय खावे काय खावू नये

रिकाम्या पोटी चहा आणि बिस्कीटे

रिकाम्या पोटी चहा आणि बिस्कीटे खाणे. चहामध्ये कॅफिन असते त्यामुळे तो रिकाम्या पोटी चहा प्यायल्याने अॅसिडीटी वाढू शकते. तर बिस्कीटांमध्ये रिफाईंड पीठ, रिफाईंड साखर आणि पाम तेल यांसारखे प्रक्रिया केलेले घटक असतात. यामुळे आतड्यांच्या समस्या उद्भवण्याची शक्यता असते.

ब्रेड बटर आणि जाम

पांढऱ्या किंवा तपकिरी ब्रेडमध्ये बऱ्याचदा प्रक्रियायुक्त पीठ आणि पदार्थ टिकवणाऱ्या घटकांचा समावेश केलेला असतो. जॅममध्ये साखरेचे प्रमाण जास्त असते. या मिश्रणामुळे रक्तातील साखरेची पातळी वाढण्याची शक्यता असते आणि पुन्हा लगेच भूक लागू शकते.

Kitchen Tips: उन्हाळ्यात घरात लाल मुंग्या वाढल्यात? मग करा ‘हे’ सोपे घरगुती उपाय

तळलेले पदार्थ

मेदू, वडापाव, समोसा, जंक पूड, कचोरी इत्यादी सारखे तळलेले पदार्थ सकाळी खाणे आरोग्यासाठी त्रासदायक ठरू शकतात. यामुळे पोटफुगीचा त्रास होण्याची शक्यता असते.

नाश्त्या वेळी फळ खाणे

फक्त फळ किंवा फळांचा रस प्यायल्याने शरीराला पुरेसे प्रथिने आणि आरोग्यदायी चरबी मिळत नाही. यामुळे पुन्हा भूक लागण्याची शक्यता असते. त्यासोबतच साखरेच्या पातळीमध्ये झपाट्याने वाढ होण्याची शक्यता असते.

आतड्यांच्या आरोग्यासाठी फायदेशीर नाश्ता

त्यासोबतच फायबर, प्रोबायोटिक्स घटक असलेल्या पदार्थांचा आपल्या आहारामध्ये समावेश असावा. त्यामुळे नाश्त्यामध्ये मूग आणि दह्यांचा समावेश करावा. मूग हे सहज पचणारे कडधान्य आहे. यामध्ये फायबर आणि प्रथिने दोन्हीचे प्रमाण असतात. दही हे प्रोबायोटिक म्हणून आतड्यांच्या आरोग्यासाठी फायदेशीर मानले जाते.