चविष्ट अन् पाैष्टिक… तुम्ही खाल्लीये का कधी बाजरीची खिचडी, चवीला लागते मजेदार; रात्रीच्या जेवणाला नक्की ट्राय करा

Bajra Khichdi Recipe : वाढते वजन आणि आरोग्याच्या समस्या पाहता आता अनेकजण पाैष्टिक खाद्यपदार्थांकडे वळू लागले आहेत. हेल्दी पदार्थ टेस्टीही असू शकतात याची जाणीव तुम्हाला ही रेसिपी चाखल्यावर होईल.

• तांदळापासून बनवलेला खिचडी भात आपण खाल्ला आहे.
• पण फार कमी लोकांना ठाऊक आहे की बाजरीपासूनही गरमा गरम खिचडी तयार केली जाऊ शकते.
• ही खिचडी चवीला मजेदार आणि आरोग्याला पाैष्टिक ठरते.

पावसाळ्यात किंवा थंड वातावरणात गरमागरम आणि पौष्टिक पदार्थ खाण्याची इच्छा होते. अशावेळी बाजरीची खिचडी हा घरच्या घरी सहज बनवता येणारा उत्तम पर्याय आहे. बाजरीमध्ये तंतुमय पदार्थ, लोह आणि इतर पोषक घटक असतात. बाजरीसोबत मूगडाळ आणि भाज्यांचा वापर केल्याने खिचडी अधिक पौष्टिक आणि पोटभर होते. रात्रीच्या जेवणाला काय बनवावं ते सुचत नसल्यास तुम्ही ही हेल्दी बाजरीची खिचडी तयार करू शकता. कमी तेलात तयार होणारी ही खिचडी दुपारच्या किंवा रात्रीच्या जेवणासाठीही योग्य आहे. दही, लोणचे किंवा तुपासोबत गरमागरम बाजरीची खिचडी सर्व्ह करता येते. चला रेसिपी नोट करुन घेऊयात.

Recipe : भाजी काय बनवावी ते सुचत नाहीये? मग अशी बनवा आंबट-तिखट टोमॅटोची चटणी, १५ मिनिटांची रेसिपी

साहित्य

• १ कप बाजरी
• १/२ कप मूगडाळ
• १ मध्यम कांदा बारीक चिरलेला
• १ टोमॅटो चिरलेला
• १ हिरवी मिरची
• १ चमचा जिरे
• १/२ चमचा हळद
• १/२ चमचा लाल तिखट
• १ चमचा आले-लसूण पेस्ट
• चवीनुसार मीठ
• १ ते २ चमचे तूप किंवा तेल
• ४ ते ५ कप पाणी
• कोथिंबीर बारीक चिरलेली

जेवणाच्या डब्यासाठी काय बनवावं सुचत नाही? मग १० मिनिटांमध्ये बनवा ढाबास्टाईल चमचमीत शेव भाजी, नोट करा रेसिपी

कृती

• बाजरी निवडून स्वच्छ धुवून घ्या. मूगडाळही धुऊन दोन्ही साधारण ३० मिनिटे पाण्यात भिजत ठेवा.
  कुकरमध्ये तूप किंवा तेल गरम करून त्यात जिरे आणि हिरवी मिरची घाला.
• त्यानंतर आले-लसूण पेस्ट टाकून हलके परता.
• त्यात चिरलेला कांदा घालून तो मऊ आणि किंचित सोनेरी होईपर्यंत परता. नंतर टोमॅटो घालून तो नरम होऊ द्या.
• हळद, लाल तिखट आणि मीठ घालून सर्व साहित्य व्यवस्थित मिसळा. मसाले जळणार नाहीत याची काळजी घ्या.
• भिजवलेली बाजरी आणि मूगडाळ पाणी काढून कुकरमध्ये घाला. मसाल्यांसोबत एक-दोन मिनिटे परतून घ्या.
• त्यात ४ ते ५ कप पाणी घालून मिश्रण एकत्र करा. कुकरचे झाकण लावून मध्यम आचेवर साधारण ४ ते ५ शिट्ट्या होऊ द्या.
• कुकरचा प्रेशर पूर्णपणे निघाल्यानंतर झाकण उघडा आणि खिचडी हलक्या हाताने ढवळा. गरज असल्यास थोडे
• गरम पाणी घालून पुन्हा एक उकळी द्या. वरून कोथिंबीर घालून गरमागरम बाजरीची खिचडी लोणच किंवा तुपासोबत सर्व्ह करा.