दारूने सडलेल्या लिव्हरला उत्तम करण्याचा 1 नंबर उपाय, लाखो लोकांसाठी ठरेल रामबाण

लिव्हरमुळे चांगले कोलेस्ट्रॉल तयार होते, रक्त साफ होते मात्र जास्त काम केल्याने लिव्हर डॅमेजही होते. दारूमुळे लिव्हर सडले असेल तर त्यावर कोणता उपाय करता येईल याबाबत तज्ज्ञांनी सांगितले आहे

अल्कोहोल आरोग्यासाठी हानिकारक आहे, परंतु तरीही लाखो लोक त्याचे सेवन करतात. त्यामुळे लाखो लोकांचे लिव्हर खराब होत आहे. जागतिक आरोग्य संघटनेच्या (WHO) मते, अल्कोहोलचा एक थेंबही या अवयवात गेल्याने कर्करोग होऊ शकतो. जास्त चरबी आणि साखर खाल्ल्याने फॅटी लिव्हरचा आजारदेखील होऊ शकतो.

दारूमुळे यकृताच्या पेशींमध्ये चरबी वाढू लागते आणि हळूहळू त्यांचे कार्य संपू लागते. ज्या भागात पेशी मरायला लागतात त्या भागाचे यकृतदेखील खराब होते. पण तुम्हाला माहिती आहे का की यकृत हा एकमेव अवयव आहे जो स्वतःची दुरुस्ती करू शकतो. तो त्याच्या मृत पेशी दुरुस्त करू शकतो आणि त्यांना कार्यक्षम बनवू शकतो.

खराब झालेल्या यकृतावर नैसर्गिक उपचार काय आहेत: लहान उपायांनी यकृत बरे होऊ शकते. लिव्हर तज्ज्ञ डॉ. सौरभ सेठी यांनी अगदी रामबाण असा उपाय सांगितला आहे. यामुळे लिव्हरचे कार्य वाढू शकते. या उपायात तुम्हाला काही लहान सवयी अवलंबाव्या लागतील आणि त्या सवयी कोणत्या आहेत हे आपण या लेखातून जाणून घेऊया (फोटो सौजन्य – iStock) 

अल्कोहोल पिणे बंद करा

अल्कोहोल आणि अल्ट्रा-प्रोसेस्ड अन्न सेवन करणे बंद करा. हे लिव्हरसाठी सर्वात धोकादायक मानले जातात. यामुळे यकृताच्या पेशींमध्ये चरबी जमा होऊ लागते. अल्कोहोलिक फॅटी लिव्हर रोग आणि नॉन-अल्कोहोलिक फॅटी लिव्हर रोग टाळण्यासाठी, या गोष्टी सोडून द्या. दारू पिणे हे लिव्हरसाठी अत्यंत घातक आहे हे माहीत असूनही अनेक जण याचे सेवन करतात. मात्र ही सवय लिव्हरच्या आरोग्यासाठी घातक ठरते

त्वचेला येतेय खाज आणि जाणवत असतील 5 संकेत, तर Liver सडून गंभीर आजार होण्याची शक्यता

सलाड खाण्याचा सल्ला

फळे आणि भाज्या शरीराला पोषक तत्वे पुरवतात. डॉ. सौरभ सेठी यांनी ३ पदार्थांचे सॅलड खाण्याचा सल्ला दिला आहे, ज्याला 3B म्हणतात. त्यात बीट, ब्रोकोली आणि बेरी असतात, ज्यामुळे याचे नाव 3B ठेवण्यात आले आहे. बीट, ब्रोकोली आणि बेरी हे तिन्ही पदार्थ लिव्हरच्या कार्यासाठी उत्कृष्ट मानले जातात. नियमित या तिन्ही पदार्थांचा वापर करून नाश्त्यात सेवन करावे 

ब्लॅक कॉफीचे सेवन 

दररोज ब्लॅक कॉफी प्या असा सल्ला डॉक्टरांनी दिला आहे. दररोज १ ते २ कप ब्लॅक कॉफी तुमच्या लिव्हरसाठी खूप चांगली असते. ती पेशींवर जमा झालेली चरबी जाळण्यास मदत करते. तथापि, यामुळे काही लोकांना समस्या निर्माण होतात, म्हणून प्रथम डॉक्टरांशी बोला. तुम्ही नियमित ब्लॅक कॉफीचे सेवन करणे लिव्हरसाठी चांगले ठरू शकते. 

सरासरी झोप आवश्यक 

दररोज पुरेशी झोप घ्या. सामान्य व्यक्तीसाठी सरासरी ८-९ तासांची झोप आवश्यक असते. झोपेच्या दरम्यान लिव्हर स्वतःला रिस्टोअर आणि दुरुस्त करते. जर तुम्हाला पुरेशी विश्रांती मिळाली नाही तर हे काम अपूर्ण राहील. त्यामुळे लिव्हरचे आरोग्य चांगले राखायचे असेल तर निरोगी खाण्यासह योग्य झोपही तितकीच महत्त्वाची आहे. 

लिव्हर खराब झाल्यानंतर पायांमध्ये दिसून येतात ‘ही’ गंभीर लक्षणे, दुर्लक्ष केल्यास निर्माण होईल जीवास धोका

कोणती लक्षणे दिसतात 

• कोणत्याही कारणाशिवाय सतत थकवा येणे
• हाडांमध्ये दुखणे 
• झोप न येणे 
• सतत शरीरावर खाज येत राहणे 
• भूक न लागणे 
• कावीळ होणे आणि त्वचा-डोळे पिवळे होणे
• उलटीतून रक्त येणे 

तज्ज्ञांनी दिला सल्ला See more

टीप – लेखात दिलेल्या उपायाची माहिती आणि दावे पूर्णपणे इंस्टाग्रामवर प्रकाशित झालेल्या रीलवर आधारित आहेत. Navarashtra.com त्याच्या सत्यतेची, अचूकतेची आणि परिणामकारकतेची जबाबदारी घेत नाही. कोणत्याही प्रकारचा उपाय वापरण्यापूर्वी, निश्चितच तज्ज्ञांचा सल्ला घ्या.