चेहऱ्यावर सुरकुत्या दिसू लागल्या आहेत? मग त्वचेची खराब झालेली गुणवत्ता सुधारण्यासाठी करा ‘हे’ घरगुती उपाय

रात्री झोपण्याआधी मेकअप काढावा:

सुंदर दिसण्यासाठी सर्वच महिला नेहमीच मेकअप करतात. मेकअप केल्यामुळे त्वचेवरील समस्या लगेच दिसून येत नाही. पण काहीवेळा मेकअप केल्यानंतर तो लवकर काढला जात नाही. त्वचेवर अधिककाळ मेकअप तसाच ठेवल्यामुळे त्वचेचे नुकसान होते. त्यामुळे रात्री झोपण्याआधी मेकअप व्यवस्थित काढून वरून कोणतेही तेल किंवा क्रीम लावावे. जास्त वेळ मेकअप त्वचेमध्ये राहिल्यामुळे ब्लॅकहेड्स, पिंपल्स इत्यादी अनेक समस्या उद्भवू लागतात.

त्वचेची जास्त काळजी घ्यावी:

सर्वच महिलांनी त्वचेची योग्य ती काळजी घ्यावी. त्वचेची काळजी न घेतल्यामुळे त्वचेचे नुकसान होण्याची शक्यता असते. त्यामुळे नेहमी चेहऱ्याला सूट होणाऱ्या स्किन केअर प्रॉडक्टचा वापर करावा. चेहऱ्यावर केमिकलयुक्त मास्क किंवा फेसपॅक लावण्याऐवजी घरगुती उपाय करून त्वचेची काळजी घ्यावी. त्वचेवर वृद्धत्वाची चिन्हे दिसू लागल्यास स्किन केअर रुटीनमध्ये बदल करावा. याशिवाय सूर्याच्या हानिकारक किरणांपासून त्वचेचे नुकसान होऊ नये म्हणून रोज सनस्क्रीन लावावे.

८ तासांची झोप:

त्वचेचे आरोग्य निरोगी ठेवण्यासाठी नियमित ८ तासांची झोप घेणे आवश्यक आहे. झोप घेतल्यामुळे शरीर आणि मन दोन्ही शांत राहते आणि आरोग्याला अनेक फायदे होतात. झोपल्यामुळे त्वचेमधील हानिकारक पेशी बाहेर पडून जातात आणि त्वचा दुरुस्त होते. रोजच्या फ्रेश झोपमुळे चेहऱ्यावरील सुरकुत्या आणि काळी वर्तुळ निघून जातात.

टॅनिंग आणि सनबर्न टाळण्यासाठी हे घरगुती उपाय वापरून पहा…

त्वचा मॉइश्चरायझ करणे:

नियमित त्वचा मॉइश्चरायझ करणे आवश्यक आहे. चेहऱ्यावर मॉइश्चरायझ लावल्यामुळे त्वचेची गुणवत्ता सुधारून त्वचेतील ओलावा कायम टिकून राहतो. याशिवाय रोजच्या स्किन केअर रुटीनमध्ये तुम्ही रेटिनॉल आणि विटामिन सी सारखे अँटी-एजिंग घटक असलेले प्रॉडक्ट वापरू शकता.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या