कोणत्याही भाजीसोबत खा याची चव तुम्हाला नाराज करणार नाही; जाणून घ्या Cheese Garlic Naan ची सोपी, चविष्ट रेसिपी!

हॉटेलचा स्वाद आता अनुभवता येईल घरीच! नान हा एक असा पदार्थ आहे जो लहानांपासून मोठ्यांपर्यंत सर्वांनाच खायला फार आवडतो पण याला जरा ट्विस्ट देऊन तुम्ही याला आणखीन चवदार बनवू शकता. जाणून घ्या चीज गार्लीक नानची भन्नाट रेसिपी!

नान हा भारतीय ब्रेडचा प्रकार आहे ज्याला मैद्यापासून तयार केले जाते. मैद्याच्या पिठाला सॉफ्ट मळून, बटर लावून त्याला भट्टीत भाजले जाते ज्यामुळे याची याची चव अप्रतिम लागते आणि सर्वांनाच ही चव फार आवडते. आता अनेक हॉटेल्समध्ये वेगवेगळ्या प्रकारचे नान बनवले जातात जे तुम्ही तुमच्या आवडीच्या भाजीसोबत खाऊ शकता. पण आज आम्ही तुम्हाला नानचा एक हटके प्रकार जो लहान असो, तरुण असो वा वृद्ध… याची चव इतकी भन्नाट असते की ती सर्व वयोगटातील लोकांच्या जिभेवर रेंगाळत राहते आणि म्हणूनच हॉटेल्समध्ये याला फार मागणी असते.

Raksha Bandhan 2025 : भावाला करा खुश, घरी बनवा दुबईचा फेमस ‘कुनाफा चॉकलेट’

तर आम्ही बोलत आहोत चीज गार्लिक नानविषयी… हा एक लोकप्रिय आणि चविष्ट उत्तर भारतीय डिश आहे, जी विशेषतः हॉटेलमध्ये बटर चिकन किंवा पनीर ग्रेव्हीसोबत खाल्ली जाते. ही नान तुपात किंवा बटरमध्ये खरपूस भाजलेली असते आणि त्यावर लसूण व चीजचे सुंदर मिश्रण असते. घरी सहज तयार करता येणारी ही रेसिपी पार्टी किंवा खास जेवणासाठी एक उत्तम पर्याय आहे. लगेच नोट करूयात यासाठी लागणारे साहित्य आणि कृती.

साहित्य

• मैदा – २ कप
• साखर – १ टीस्पून
• मीठ – ½ टीस्पून
• इनो / बेकिंग पावडर – ½ टीस्पून
• बेकिंग सोडा – ¼ टीस्पून
• दही – ¼ कप
• दूध – ¼ कप (गरम)
• तेल – २ टेबलस्पून
• पाणी – लागेल तसे (गुंथण्यासाठी)
• किसलेले चीज – ½ कप (मोझरेला किंवा प्रोसेस्ड)
• बारीक चिरलेली लसूण – १ टेबलस्पून
• कोथिंबीर – १ टेबलस्पून
• बटर – २ टेबलस्पून

दिवसभरात राहाल कायमच उत्साही! सकाळी नाश्त्यासाठी झटपट बनवा Poha Nuggets, नोट करून घ्या रेसिपी

कृती

• चीज गार्लीक नान तयार करण्यासाठी सर्वप्रथम एका मोठ्या बाउलमध्ये मैदा, साखर, मीठ, बेकिंग पावडर, बेकिंग सोडा मिक्स करा.
• त्यात दही, दूध आणि थोडं थोडं पाणी घालून मऊसर पीठ मळा आणि बाजूला ठेवून द्या.
• वरून तेल लावून झाकून ठेवा, १ तासासाठी फुलवून ठेवा.
• एका बाउलमध्ये किसलेले चीज, चिरलेली लसूण, कोथिंबीर एकत्र करून बाजूला ठेवा.
• पीठाचे लहान गोळे करून लाटून घ्या.
• एका भागावर चीज मिश्रण ठेवून दुसऱ्या बाजूने बंद करा व हलके लाटा.
• वरून थोडी लसूण आणि कोथिंबीर लावा.
• तवा गरम करून नान मध्यम आचेवर भाजा.
• नान दोन्ही बाजूंनी जोपर्यंत छान गोल्डन रंग येईपर्यंत भाजत नाही तोपर्यंत याला छान शिजवत ठेवा.
• नान चांगला भाजला गेला की मग वरून यावर बटर लावा आणि गरमा गरम नान खण्यासाठी सर्व्ह करा.
• तुम्ही नान तंदूर किंवा ओव्हनमध्येही बनवू शकता.
• चीजसाठी मोझरेला किंवा चीजी ब्लेंड वापरल्यास आणखी छान टेस्ट येते.
• लसणाचा स्वाद वाढवण्यासाठी ताज्या लसूणचा वापर करा.

FAQs (संबंधित प्रश्न)

चीज नानमध्ये कोणत्या प्रकारचे चीज वापरले जाते?
मोझरेला चीज

चीज नान किती काळ टिकतो?
खोलीच्या तपमानावर हवाबंद कंटेनरमध्ये किंवा पुन्हा सीलबंद करता येण्याजोग्या प्लास्टिक पिशवीत २ दिवसांपर्यंत याला साठवून ठेवले जाऊ शकते.