Manchurian Chili Recipe : इंडो-चायनीज लव्हर्ससाठी खास, अशाप्रकारे घरी बनवा हाॅटेल स्टाईल ‘मंचुरियन चिली’

Recipe : बाहेरील फेसळयुक्त पदार्थ आणि अनहायजेनिक फूड्सचे प्रमाण इतके वाढले आहे की स्ट्रीटवरचे अन्नपदार्थ पाहताच किळस येऊ लागते. अशात आपल्या आवडीचे पदार्थ आपण घरीच सहजतेने तयार करु शकता.

(फोटो सौजन्य: Pinterest)

Follow Us:

Follow Us:

• मंचुरियन चिली रेसिपी जाणून घेऊया.
• पार्टी स्नॅक्ससाठी हा उत्तम पर्याय ठरतो.
• रेसिपी थोडी वेळखाऊ पण सहज तयार होईल अशी आहे.

Ragi Recipe: वाटीभर नाचणीच्या पिठापासून बनवा मऊ जाळीदार इडली, रक्तातील साखर नियंत्रणात राहण्यासोबतच हाडे राहतील मजबूत

साहित्य

मंचुरियन बॉल्ससाठी :

• १ कप बारीक चिरलेली कोबी
• १/२ कप बारीक चिरलेले गाजर
• १/२ कप बारीक चिरलेली शिमला मिरची
• २ चमचे बारीक चिरलेला कांदा
• २ चमचे कॉर्नफ्लोअर
• २ चमचे मैदा
• १ चमचा आले-लसूण पेस्ट
• १/२ चमचा काळी मिरी पावडर
• चवीनुसार मीठ
• तळण्यासाठी तेल

• १ चमचा तेल
• १ चमचा बारीक चिरलेला लसूण
• १ चमचा बारीक चिरलेले आले
• १ हिरवी मिरची बारीक चिरलेली
• १/२ कप कांदा चौकोनी चिरलेला
• १/२ कप शिमला मिरची चौकोनी चिरलेली
• १ चमचा सोया सॉस
• १ चमचा रेड चिली सॉस
• १ चमचा टोमॅटो सॉस
• १/२ चमचा व्हिनेगर
• १/२ चमचा काळी मिरी पावडर
• चवीनुसार मीठ
• १/२ कप पाणी
• १ चमचा कॉर्नफ्लोअर + २ चमचे पाणी

कृती

• एका भांड्यात कोबी, गाजर, शिमला मिरची आणि कांदा घ्या. त्यात आले-लसूण पेस्ट, काळी मिरी, मीठ, कॉर्नफ्लोअर आणि मैदा घालून सर्व साहित्य व्यवस्थित एकत्र करा.
• मिश्रणाचे छोटे-छोटे गोळे तयार करा. मिश्रण खूप सैल वाटत असल्यास थोडे कॉर्नफ्लोअर किंवा मैदा घालू शकता.
• कढईत तेल गरम करून मंचुरियनचे गोळे मध्यम आचेवर सोनेरी आणि कुरकुरीत होईपर्यंत तळून घ्या. तळलेले बॉल्स बाजूला ठेवा.
• दुसऱ्या कढईत थोडे तेल गरम करा. त्यात चिरलेले आले, लसूण आणि हिरवी मिरची घालून काही सेकंद परता.
• आता कांदा आणि शिमला मिरची घालून मोठ्या आचेवर झटपट परता. भाज्या पूर्ण मऊ न करता किंचित कुरकुरीत ठेवल्यास चव चांगली लागते.
• सोया सॉस, रेड चिली सॉस, टोमॅटो सॉस, व्हिनेगर, काळी मिरी आणि आवश्यकतेनुसार मीठ घाला. सर्व साहित्य चांगले मिसळा. त्यात ½ कप पाणी घालून उकळी येऊ द्या.
• कॉर्नफ्लोअर आणि पाणी एकत्र करून तयार केलेली स्लरी कढईत घाला. सॉस थोडा घट्ट झाल्यावर तळलेले
• मंचुरियन बॉल्स घाला आणि १-२ मिनिटे मोठ्या आचेवर परता. गरमागरम मंचुरियन चिली सर्व्ह करा.

Web Title: Hotel style manchurian chili recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com