हिवाळ्यात सकाळच्या नाश्त्यासाठी बनवा चवदार पौष्टिक आलू मेथी पराठा, वाचा सोपी रेसिपी

सकाळच्या नाश्त्यात नेमकं काय बनवावं? सुचत नाही. अशावेळी तुम्ही सोप्या पद्धतीमध्ये आलू मेथी पराठा बनवू शकता. मेथीची भाजी खाताना मुलं नाक मुरडतात. तेव्हा तुम्ही मुलांना हा सोपा पदार्थ बनवून देऊ शकता. वाचा सोपी रेसिपी.

थंडीच्या दिवसांमध्ये बाजारात पालेभाज्या आणि इतर फळभाज्या मोठ्या प्रमाणावर मिळतात. हिरव्या पालेभाज्या आरोग्यासाठी अतिशय पौष्टिक आहेत. पालेभाज्यांचे सेवन केल्यामुळे शरीराला योग्य ते पोषण मिळते. पालक, मेथी, चवळी, मुळा, शेपू इत्यादी अनेक पालेभाज्या बाजारात मिळतात. अनेकदा थंडीच्या दिवसांमध्ये सकाळच्या नाश्त्यात नेमकं काय बनवावं? हा प्रश्न सगळ्यांचं पडतो. अशावेळी तुम्ही ताज्या मेथीच्या भाजीपासून आलू मेथी पराठा बनवू शकता. लहान मुलांपासून मोठ्यांपर्यंत सगळ्यांचं पराठा हा पदार्थ खूप आवडतो. पराठा बनवण्यासाठी अतिशय सोपा आहे. शिवाय कमीत कमी साहित्यामध्ये पराठा तयार होतो. लहान मुलांना मेथीची भाजी खायला आवडत नाही. अशावेळी तुम्ही मुलांना या पध्दतीनीने नवनवीन पदार्थ नाश्त्यात किंवा डब्यात बनवून देऊ शकता. चला तर जाणून घेऊया आलू मेथी पराठा बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• गव्हाचं पीठ
• मेथी
• मीठ
• तेल
• आलं लसूण पेस्ट
• ओवा
• उकडलेले बटाटे
• चाट मसाला
• धणे पावडर
• कोथिंबीर
• तूप

नवनवीन रेसिपीसाठी इथे क्लिक करा

कृती:

• आलू मेथी पराठा बनवण्यासाठी सर्वप्रथम, बारीक चिरून घेतलेली मेथी मोठ्या ताटात घेऊन त्यात गव्हाचं पीठ आणि चवीनुसार मीठ टाकून मिक्स करा.
• नंतर त्यात आवश्यकतेनुसार पाणी घालून पीठ मळा. मळून घेतलेले पीठ काहीवेळ झाकून बाजूला ठेवून द्या.
• उकडवून घेतलेले बटाटे व्यवस्थित मॅश करून घ्या. नंतर त्यात आलं लसूण पेस्ट, चाट मसाला, कोथिंबीर, धणे पावडर आणि लाल तिखट घालून मिक्स करून घ्या.
• मळून घेतलेल्या गव्हाच्या पिठाचे छोटे छोटे गोळे करून त्यात तयार करून घेतलेले बटाट्याचे सारण टाकून गोळा व्यवस्थित बंद करून पराठा लाटून घ्या.
• तव्यावर पराठा भाजण्यासाठी टाका. दोन्ही बाजूने व्यवस्थित भाजल्यानंतर वरून तूप किंवा तेल लावून सर्व्ह करा.
• तयार आहे आलू मेथी पराठा. हा पराठा तुम्ही दही किंवा हिरव्या चटणीसोबत पण खाऊ शकता.