हिवाळ्यात जेवणाची चव वाढवण्यासाठी घरी बनवा चटकदार आवळा आणि ओल्या हळदीचा ठेवा

आवळा खाल्यामुळे आरोग्याला अनेक फायदे होतात. आवळा आणि हळदीमध्ये असलेले विटामिन सी आरोग्यासाठी अतिशय गुणकारी आहे. त्यामुळे रोजच्या आहारात या पदार्थांचे सेवन करू शकता. आवळा हळदीचा ठेचा बनवण्याची रेसिपी.

हिवाळ्याच्या दिवसांमध्ये शरीरातील रोगप्रतिकारशक्ती आणि ऊर्जा कमी होऊन जाते. त्यामुळे आहारात उबदार आणि तिखट पदार्थांचे सेवन करावे, जे खाल्यानंतर आरोग्याला फायदा होईल. संपूर्ण महाराष्ट्रामध्ये ठेचा हा जेवणातील पदार्थ खूप प्रसिद्ध आहे. जेवणाची चव वाढवण्यासाठी जेवणात ठेचा हा पदार्थ बनवला जातो. चवीला तिखट आणि झणझणीत ठेचा सगळ्यांचं आवडतो. त्यामुळे आज आम्ही तुम्हाला आवळा आणि ओल्या हळदीपासून ठेचा बनवण्याची सोपी रेसिपी सांगणार आहोत. ठेचा बनवण्यासाठी जास्त वेळ लागत नाही, तसेच कमीत कमी साहित्यामध्ये हा पदार्थ तयार होते. चला तर जाणून घेऊया आवळा आणि हळदीचा ठेचा बनवण्याची सोपी कृती.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• आवळा
• ओली हळद
• लसूण
• शेंगदाणे
• हिरवी मिरची
• मीठ
• कोथिंबीर
• लिंबाचा रस
• हिंग

कृती:

• आवळा आणि हळदीचा ठेचा बनवण्यासाठी सर्वप्रथम, आवळा आणि हळद स्वच्छ धुवून त्यांचे बारीक तुकडे करून घ्या.
• पॅनमध्ये जिरे, चवीनुसार हिंग आणि लसूण पाकळ्या व्यवस्थित भाजून घ्याव्यात.
• जिरे भाजल्यानंतर त्यात आवळा व हळदीचे बारीक करून घेतलेले तुकडे टाकून मिक्स करून घ्या.
• त्यात चवीनुसार मीठ टाकून काहीवेळ शिजण्यासाठी ठेवा.
• आवळा शिजल्यानंतर त्यात हिरव्या मिरचीचे तुकडे आणि शेंगदाणे घालून पुन्हा एकदा व्यवस्थित मिक्स करा.
• सगळ्यात शेवटी गॅस बंद करून त्यात कोथिंबीर टाकून मिक्स करून घ्या.
• खलबत्यामध्ये थंड झालेले आवळ्याचे मिश्रण टाकून जाड बारीक कुटून घ्या.
• तयार आहे आंबटगोड चवीचा आवळा आणि हळदीचा ठेचा.

नवनवीन रेसिपीसाठी इथे क्लिक करा

आवळा खाण्याचे फायदे:

हिवाळ्यात बाजारामध्ये मोठ्या प्रमाणावर आवळा उपलब्ध असतो. पण आवळ्याची चव तुरट असल्यामुळे अनेक लोक आवळा खाणे टाळतात. पण आवळा आरोग्यासाठी अतिशय गुणकारी आहे. आवळ्यापासून आवळा सुपारी, आवळा कँडी, आवळ्याचा मुरांबा इत्यादी अनेक पदार्थ बनवले जातात. आवळ्यामध्ये विटामिन सी, अँटीऑक्सिडंट्स, फायबर आणि अनेक आवश्यक पोषक घटक आढळतात जे आरोग्यासाठी खूप फायदेशीर असतात. आवळा खाल्यामुळे बिघडलेली पचनक्रिया सुधारण्यास मदत होते. शिवाय त्वचा आणि केसांच्या आरोग्याला अनेक फायदे होतात.