१५ मिनिटांमध्ये सकाळच्या नाश्त्यासाठी झटपट बनवा अमृतसर स्पेशल पनीर भुर्जी, नोट करून घ्या रेसिपी

पनीरपासून कायमच पनीर पुलाव किंवा भाजी बनवली जाते. पण आज आम्ही तुम्हाला सोप्या पद्धतीमध्ये अमृतसर स्पेशल पनीर भुर्जी बनवण्याची सोपी रेसिपी सांगणार आहोत.

मुंबईतील स्ट्रीट फूड खायला सगळ्यांचं खूप जास्त आवडते. पाणीपुरी, मसाला पाव, पाव भाजी इत्यादी अनेक पदार्थ मुंबईच्या स्ट्रीटवर मोठ्या प्रमाणात विकले जातात. वेगवेगळ्या भागांमध्ये फेमस असलेले स्ट्रीट फूड खाण्यासाठी खवय्यांची मोठी गर्दी असते. अमृतसरमधील प्रसिद्ध स्ट्रीट फूड म्हणजे पनीर भुर्जी. हा पदार्थ तिथे पावासोबत अतिशय आवडीने खाल्ला जातो. याशिवाय चपाती किंवा इतर कोणत्याही पदार्थासोबत तुम्ही पनीर बुर्जी खाऊ शकता. लहान मुलांपासून अगदी मोठ्यांपर्यंत सगळ्यांचं पनीर खायला खूप जास्त आवडते. कायमच पनीरची भाजी किंवा पनीर बिर्याणी इत्यादी पदार्थ बनवले जातात. पण नेहमी नेहमीच तेच ठराविक पदार्थ खाऊन कंटाळा आल्यानंतर तुम्ही सोप्या पद्धतीमध्ये अमृतसर स्पेशल पनीर भुर्जी बनवू शकता. चला तर जाणून घेऊया अमृतसर स्पेशल पनीर भुर्जी बनवण्याची सोपी रेसिपी.(फोटो सौजन्य: Pinterest)

इडली- डोसासोबत खाण्यासाठी १० मिनिटांमध्ये बनवा उड्डपीस्टाईल सांबार, लहान मुलांसह मोठेसुद्धा आवडीने खातील

साहित्य:

• पनीर
• कांदा
• टोमॅटो
• हिरवी मिरची
• कोथिंबीर
• आलं लसूण पेस्ट
• हळद
• लाल तिखट
• जिरे धणे पावडर
• मीठ
• कसुरी मेथी

साध्या कढीला द्या मसालेदार तडका! सोप्या पद्धतीमध्ये घरी बनवा चविष्ट मसाला कढी, वाफाळत्या भातासोबत लागेल सुंदर

कृती:

• अमृतसर स्पेशल पनीर भुर्जी बनवण्यासाठी सर्वप्रथम, कढईमध्ये तेल टाकून गरम करून घ्या.
• गरम तेलात कांदा, टोमॅटो आणि बारीक चिरलेली हिरवी मिरची घालून व्यवस्थित मिक्स करा. त्यानंतर त्यात मीठ टाकून कांदा टोमॅटो शिजवून घ्या.
• कांदा शिजल्यानंतर त्यात लाल तिखट, हळद, जिरं, धणे पावडर टाकून व्यवस्थित मिक्स करा. नंतर त्यात गरम मसाला टाका.
• सर्व मसाले व्यवस्थित भाजल्यानंतर त्यात किसून घेतलेले पनीर टाकून मिक्स करा. पनीर मिक्स करून झाल्यानंतर त्यात थोडस पाणी घालून मिक्स करा.
• ५ मिनिट झाल्यानंतर बुर्जी तयार होईल. सगळ्यात शेवटी वरून बारीक चिरलेली कोथिंबीर आणि कसुरी मेथी टाकून मिक्स करून घ्या.
• तयार आहे सोप्या पद्धतीमध्ये बनवलेली अमृतसर स्पेशल पनीर भुर्जी.