मकर संक्रांतीला घरी बनवा सोप्या पद्धतीमध्ये पारंपरिक बाजरीच्या पिठाचे गोड वडे, वाचा सिंपल रेसिपी

मकर संक्रांतीच्या दिवशी राज्याच्या वेगवेगळ्या भागात अनेक पारंपरिक पदार्थ बनवले जातात. त्यातील सगळ्यांच्या आवडीचा पदार्थ म्हणजे बाजरीची वडे. आज आम्ही तुम्हाला बाजरीचे वडे बनवण्याची सोपी रेसिपी सांगणार आहोत.

संक्रांतीला घरी बनवा सोप्या पद्धतीमध्ये पारंपरिक बाजरीच्या पिठाचे गोड वडे

Follow Us:

Follow Us:

संपूर्ण भारतामध्ये 14 जानेवारीला मोठ्या आनंद आणि उत्साहात मकर संक्रांती हा सण साजरा केला जातो. मकर संक्रांत वेगवेगळ्या राज्यांमध्ये तिथे असलेल्या परंपरेनुसार साजरी केली जाते. शिवाय यादिवशी अनेक महिला काळ्या रंगाची साडी नेसून छान तय्यार होऊन मकर संक्रांती पूजेसाठी जातात. मकर संक्रांतीच्या दिवशी अनेक ठिकाणी हळदीकुंकूचे आयोजन केले जाते. शिवाय हळदीकुंकूच्या दिवशी तीळगूळ वाटण्याची परंपरा आहे. वेगवेगळ्या राज्याच्या परंपरेनुसार सण साजरा केले जातात. अनेक ठिकाणी संक्रांतीच्या दिवशी बाजरीचे गोड वडे बनवले जातात. थंडीच्या दिवशी आहारात बाजरी खाणे आरोग्यासाठी अतिशय पौष्टिक आहे. बाजरीमध्ये प्रोटीन, आयरन, मॅग्नेशियम इत्यादी अनेक घटक आढळून येतात. त्यामुळे दैनंदिन आहारात तुम्ही बाजरीच्या पदार्थांचे सेवन करू शकता. चला तर जाणून घेऊया बाजरीचे वडे बनवण्याची सोपी रेसिपी.(फोटो सौजन्य – iStock)

साहित्य:

• बाजरीचे पीठ
• गूळ
• तूप
• वेलची पावडर
• बारीक कापून घेतलेले ड्रायफूट

नवनवीन रेसिपीसाठी इथे किल्क करा

कृती:

• बाजरीचे वडे बनवण्यासाठी सर्वप्रथम, पाणी गरम करून त्यात गूळ मिक्स करून वितळवून घ्या. गूळ पूर्णपणे वितळल्यानंतरच पदार्थ बनवण्यासाठी वापरा.
• मोठ्या ताटात बाजरीचे पीठ घेऊन त्यात गूळ मिक्स करून घ्या. नंतर त्यात वेलची पावडर आणि बारीक चिरून घेतलेले ड्रायफूट टाका.
• नंतर वरून त्यात एक चमचा तूप टाकून मिक्स करून घ्या.
• कढईमध्ये तूप गरम करण्यासाठी ठेवून द्या. दुसऱ्या बाजूला पीठ व्यवस्थित मळून त्याच्ये छोटे छोटे गोळे करून वडे बनवा.
• तयार केलेले वडे गरम तुपात दोन्ही बाजूने तळून घ्या.
• तयार आहेत सोप्या पद्धतीमध्ये बनवलेले पारंपरिक बाजरीच्या पीठाचे वडे.

Web Title: How to make bajri sweet wada at home makar sankranti recipes

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com