पिकलेलं केळ खायला आवडत नाही? मग १० मिनिटांमध्ये झटपट बनवा केळीचे खमंग आप्प्पे, नोट करा रेसिपी

लहान मुलांपासून अगदी मोठ्यांपर्यंत सगळ्यांचं केळी खायला खूप जास्त आवडतात. पण पिकलेली केळी कोण खात नाही. अशावेळी तुम्ही पिकलेल्या केळ्यांपासून झटपट खमंग आप्पे बनवू शकता. जाणून घ्या रेसिपी.

रोजच्या आहारात नियमित फळांचे सेवन करणे आवश्यक आहे. सकाळच्या नाश्त्यात किंवा इतर वेळी भूक लागल्यानंतर फळांचे सेवन केल्यास शरीराला अनेक फायदे होतात. बऱ्याचदा घरात केळी आणून ठेवली जातात. केळी खाल्यामुळे शरीराची पचनक्रिया सुधारते. तसेच काहींना दुधात केळी टाकून खायला खूप जास्त आवडतात. पण पिकलेली केळी खाल्ली जात नाही. पिकलेल्या केळ्यांची चव खूप जास्त गोड लागते. त्यामुळे लहान मुलांपासून अगदी मोठ्यांपर्यंत सगळेच पिकलेली केळी खाण्यास नकार देतात. म्हणूनच आज आम्ही तुम्हाला पिकलेल्या केळींपासून चाविष्ट आप्पे बनवण्याची सोपी रेसिपी सांगणार आहोत. नेहमीच तिखट आप्पे खाऊन कंटाळा आल्यानंतर तुम्ही खमंग गोड आप्पे बनवू शकता. चला तर जाणून घेऊया केळीची आप्पे बनवण्याची सोपी रेसिपी.(फोटो सौजन्य – pintrest)

Shravan 2025 : उपवासाला भूक लागते? मग बाहेरून कशाला आता घरीच बनवा कुरकुरीत बटाट्याचे चिप्स

साहित्य:

• केळी
• गूळ
• रवा वेलची पावडर
• तूप
• पाणी
• काजू
• बदाम
• बेकिंग सोडा

शिल्लक राहिलेल्या ब्रेडपासून १० मिनिटांमध्ये बनवा मऊ रसरशीत गुलाबजाम, श्रावणात बनवा स्पेशल पदार्थ

कृती:

• केळीची आप्पे बनवण्यासाठी सर्वप्रथम, पिकलेलं केळ मोठ्या भांड्यात घेऊन व्यवस्थित मॅश करा. त्यानंतर त्यात वाटीभर रवा घालून मिक्स करा.
• त्यानंतर त्यात मैदा, किसलेलं गूळ आणि वेलची पावडर घालून व्यवस्थित मिक्स करा. नंतर त्यात बारीक तुकडे करून घेतलेले काजू, बदाम घालून मिक्स करा.
• सर्व साहित्य व्यवस्थित मिक्स करून घ्या. त्यानंतर त्यात आवश्यकतेनुसार पाणी घालून मिक्स करा. तयार केलेले मिश्रण काहीवेळ बाजूला झाकून ठेवा.
• आप्पे बनवण्यासाठी आप्पे पात्र गरम करण्यासाठी ठेवा. तयार करून घेतलेल्या पिठात बेकिंग सोडा घालून मिक्स करा. ज्यामुळे पीठ व्यवस्थित फुलेल.
• आप्पे पात्र गरम झाल्यानंतर त्यात तूप टाकून वरून तयार केलेले पीठ टाकून दोन्ही बाजूने आप्पे व्यवस्थित भाजून घ्या.
• तयार आहे सोप्या पद्धतीमध्ये बनवलेले केळीची आप्पे. हा पदार्थ घरातील सगळ्यांचं खूप जास्त आवडेल.