पिकलेली खायला आवडत नाहीत? मग सोप्या पद्धतीमध्ये साखरेचा वापर न करता बनवा चविष्ट हाय प्रोटीन वडी

पिकलेली केळी लहान मुलांसह मोठयांना खायला आवडत नाहीत. अशावेळी तुम्ही पिकलेली केळी वापरून हाय प्रोटीन वडी बनवू शकता. हा पदार्थ बनवण्यासाठी जास्त वेळ लागत नाही.

निरोगी आरोग्यासाठी आहारात वेगवेगळ्या फळांचे सेवन करावे. फळांचे सेवन केल्यामुळे आरोग्याला अनेक फायदे होतात. आहारात केळी प्रामुख्याने खाल्ली जातात. वजन नियंत्रणात ठेवण्यासाठी केळी खाल्ली जातात. बऱ्याचदा घरात आणलेली केळी पिकून जातात. केळी पिकल्यानंतर साल काळी होऊन जाते. पिकलेली केळी अनेकांना खायला आवडत नाही. अशावेळी एकतर केळी फेकून दिली जातात नाहीतर पिकलेल्या केळ्यांचा वापर करून अनेक वेगवेगळे पदार्थ बनवले जातात. म्हणूनच आज आम्ही तुम्हाला पिकलेल्या केळीची वापर करून हाय प्रोटीन वडी बनवण्याची सोपी रेसिपी सांगणार आहोत. केळी चवीला अतिशय गोड असतात. त्यामुळे केळीची वापर करून बनवलेल्या जाणाऱ्या पदार्थांमध्ये साखरेचा वापर करू नये. साखर खाल्यामुळे आरोग्याला हानी पोहचण्याची शक्यता असते. चला तर जाणून घेऊया सोप्या पद्धतीमध्ये हाय प्रोटीन केळीची वडी बनवण्याची सोपी रेसिपी.(फोटो सौजन्य – pinterest)

मुंबईच्या फेमस वडापावला द्या ट्विस्ट; घरी बनवा हटके आणि टेस्टी Tandoori Vada Pav

साहित्य:

• पिकलेली केळी
• तूप
• गव्हाचं पीठ
• रवा
• गूळ
• पाणी
• सुकामेवा

पावसाळ्याच्या दिवसांमध्ये रोगप्रतिकारशक्ती वाढवण्यासाठी झटपट घरी बनवा मुगाचे पौष्टिक कढण! नोट करा पदार्थ

कृती:

• हाय प्रोटीन वडी बनवण्यासाठी सर्वप्रथम, टोपात एक ग्लास पाणी गरम करण्यासाठी ठेवा. गरम पाण्यात गूळ टाकून पाक तयार करा. पाक तयार करताना सतत चमच्याने मिक्स करत राहा.
• कढईमध्ये तूप घालून ते गरम करा. गरम तुपात गव्हाचं पीठ खमंग भाजा. पीठ भाजताना ते मंद आचेवर भाजावे. पीठ लालसर भाजून झाल्यानंतर त्यात रवा घालून व्यवस्थित भाजून घ्या.
• मिक्सरच्या भांड्यात पिकलेली केळी घालून त्यांची बारीक पेस्ट तयार करा. तयार केलेली पेस्ट भाजलेल्या गव्हाच्या पिठाच्या मिश्रणात घालून व्यवस्थित मिक्स करा.
• त्यानंतर त्यात गाळणीच्या सहाय्याने गाळून घेतलेले गुळाचा पाक घालून हळूहळू चमच्याने मिक्स करा. संपूर्ण मिश्रण मिक्स करून झाल्यानंतर घट्ट पेस्ट तयार होईल.
• त्यानंतर त्यात पुन्हा एकदा चमचाभर तूप घालून वरून भाजलेले काजू बदाम तुकडे घालून मिक्स करा.
• ताटाला तूप लावून त्यावर तयार केलेले मिश्रण ओतून व्यवस्थित पसरवून घ्या. त्यानंतर वरून काजू बदामाचे तुकडे घालून पसरावा.
• १० मिनिटं झाल्यानंतर सुरीच्या सहाय्याने वड्या कापून घ्या. तयार आहे सोप्या पद्धतीमध्ये बनवलेल्या हाय प्रोटीन वड्या.