उन्हाळ्यासाठी परफेक्ट रेसिपी! लहान मुलांसाठी सोप्या पद्धतीमध्ये बनवा बनाना चॉकलेट आईस्क्रीम

लहान मुलांपासून ते अगदी मोठ्यांपर्यंत सगळ्यांचं आईस्क्रीम खायला खूप आवडते. बाजारात अनेक वेगवेगळ्या फ्लेवरचे आईस्क्रीम उपलब्ध आहेत. म्हणून आज आम्ही तुम्हाला बनाना चॉकलेट आईस्क्रीम बनवण्याची सोपी रेसिपी सांगणार आहोत.

उन्हाळ्याच्या दिवसांमध्ये शरीरात उष्णता वाढू लागते. शरीरात वाढलेली उष्णता कमी करण्यासाठी आईस्क्रीम, सरबत आणि इतर पेयांचे सेवन केले जाते. कारण उन्हातून बाहेर जाऊन आल्यानंतर काहींना काही थंड खाण्याची इच्छा सगळ्यांचं होते. अशावेळी कोल्ड्रिंक किंवा इतर कोणतीही पेय पिण्यापेक्षा तुम्ही सोप्या पद्धतीमध्ये घरी बनाना चॉकलेट आईस्क्रीम बनवू शकता. लहान मुलांपासून अगदी मोठ्यांपर्यंत सगळ्यांचं आईस्क्रीम हा पदार्थ खायला खूप आवडतो. आईस्क्रीमची नाव घेतल्यानंतर अनेकांच्या तोंडाला पाणी सुटते. नेहमी नेहमी बाजारातून विकत आणलेले आईस्क्रीम खाण्यापेक्षा तुम्ही घरी सोप्या पद्धतीमध्ये बनाना चॉकलेट आईस्क्रीम बनवू शकता. चॉकलेट खाणे आरोग्यच्या दृष्टीने अतिशय पौष्टिक आहे. याशिवाय नियमित केल्याचे सेवन केल्यामुळे शरीराची पचनक्रिया सुधारते. चला तर जाणून घेऊया बनाना चॉकलेट आईस्क्रीम बनवण्याची सोपी रेसिपी.(फोटो सौजन्य – iStock)

फ्लॉवरची भाजी पाहून नाक मुरडता? मग सोप्या पद्धतीमध्ये बनवा फ्लॉवरची कुरकुरीत भजी, नोट करून घ्या रेसिपी

साहित्य:

• केळी
• खजूर
• कोको पावडर
• काजू
• व्हॅनिला इसेन्स

नासलेले दूध फेकून देण्याऐवजी घरी सोप्या पद्धतीमध्ये बनवा नासकवणी, १० मिनिटांमध्ये तयार होईल चविष्ट पदार्थ

कृती:

• बनाना चॉकलेट आईस्क्रीम बनवण्यासाठी सर्वप्रथम, केळ्यांची साल काढून जाडसर तुकडे करून १ दिवस फ्रिजमध्ये ठेवा.
• वाटीभर पाण्यात काजू भाजीत घाला. खजूरमधील बिया काढून दुसऱ्या वाटीमध्ये पाणी घेऊन त्यात खजूर भिजत ठेवा.
• मिक्सरच्या भांड्यात भिजवलेले खजूर आणि काजू एकत्र बारीक वाटून घ्या. दोन्ही मिश्रण एकत्र करून पुन्हा एकदा बारीक पेस्ट बनवा.
• मिक्सरच्या भांड्यात तयार केलेल्या मिश्रणात एक ते दोन चमचा कोको पावडर टाकून पुन्हा एकदा मिक्स करा.
• फ्रिजमध्ये ठेवलेले केळ्यांचे तुकडे मिक्सरच्या भांड्यात टाकून बारीक वाटून घ्या.
• तयार करून घेतलेले आईस्क्रीमचे मिश्रण बंद डब्यात ओतून घट्ट झाकण लावून फ्रिजमध्ये सेट होण्यासाठी ठेवा.
• ६ तास आईस्क्रीम सेट झाल्यानंतर त्यावर तुमच्या आवडीनुसार कोणतेही चॉकलेट सिप टाकून तुम्ही सर्व्ह करू शकता.