तेलाचा वापर न करता १० मिनिटांमध्ये बनवा हिमोग्लोबिन वाढवणारी बीटरूटची चटणी, वाचा सोपी रेसिपी

बीटमध्ये सोडियम, पोटॅशियम, कॅल्शियम, फॉस्फरस आणि इतर अनेक पोषक घटक आढळून येतात. यामुळे रोगप्रतिकारशक्ती वाढून आरोग्य चांगले राहते. बीट खाणे त्वचेच्या आरोग्यासाठी फायदेशीर आहेत. बीटमध्ये मुबलक प्रमाणात लोह आढळून येते. शरीरातील रक्तातील कमतरता भरून काढण्यासाठी आहारात बीटचा समावेश करणे आवश्यक आहे.

शरीरात लोहाची कमतरता निर्माण झाल्यानंतर सगळ्यात आधी बीटरूट किंवा डाळिंब खाण्याचा सल्ला दिला जातो. पण लहान मुलांसह मोठ्यांसुद्धा बीटरूट खायला आवडत नाही. अशावेळी तुम्ही मुलांना बीटरूट पासून बनवलेली चटणी किंवा इतर पदार्थ बनवून देऊ शकता. बीटरूमध्ये अनेक गुणकारी गुणधर्म आढळून येतात. बीटमध्ये सोडियम, पोटॅशियम, कॅल्शियम, फॉस्फरस आणि इतर अनेक पोषक घटक आढळून येतात. यामुळे रोगप्रतिकारशक्ती वाढून आरोग्य चांगले राहते. बीट खाणे त्वचेच्या आरोग्यासाठी फायदेशीर आहेत. बीटमध्ये मुबलक प्रमाणात लोह आढळून येते. शरीरातील रक्तातील कमतरता भरून काढण्यासाठी आहारात बीटचा समावेश करणे आवश्यक आहे. शरीरातील रक्तदाब नियंत्रणात ठेवण्यासाठी आहारात बीटरूटचे सेवन करावे. आज आम्ही तुम्हाला सोप्या पद्धतीमध्ये बीटरूटची चटणी कशी बनवावी, याची सोपी रेसिपी सांगणार आहोत. चला तर जाणून घेऊया.(फोटो सौजन्य-istock)

साहित्य:

• बीटरूट
• लसूण
• हिरवी मिरची
• कढीपत्ता
• जिरं
• कोथिंबीर
• मीठ
• लिंबाचा रस

हे देखील वाचा: हेअरमास्क किंवा तेलाचा वापर न करता केसांच्या वाढीसाठी नियमित प्या ‘हे’ हेल्दी ड्रिंक

कृती:

• बीटरूट चटणी बनवण्यासाठी सर्वप्रथम बीटरूट घेऊन स्वच्छ धुवून घ्या. त्यानंतर त्याची साल काढून बीटरूट बारीक किसा.
• मिक्सरच्या भांड्यात किसलेला बीटरूट, लसूणच्या पाकळ्या, आल्याचा तुकडा टाकून बारीक वाटून घ्या.
• त्यानंतर त्यात हिरव्या मिरच्या, कढीपत्त्याची पाने, जिरं, कोथिंबीर, चवीनुसार मीठ आणि लिंबाचा रस टाकून मिक्स करून घ्या.
• पुन्हा हे मिश्रण वाटून घ्या. त्यानंतर तयार केलेली चटणी भांड्यात काढून सर्व्ह करा.
• बीटरूटची चटणी तुम्ही चपाती, भाकरी, डोसा किंवा पराठ्यासोबत खाऊ शकता.