ऑफिसचा डब्बा होईल आणखीनच स्पेशल! घाईगडबडीमध्ये झटपट बनवा चमचमीत भरलेली भेंडी, नोट करून घ्या रेसिपी

भेंडीमधील चिकटपणामुळे अनेकांना भेंडी खायला आवडत नाही. अशावेळी तुम्ही भरलेली भेंडी बनवू शकता. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल. चला तर जाणून घेऊया भरलेली भेंडी बनवण्याची सोपी रेसिपी.

नेहमी डब्यात काय भाजी बनवावी? असे अनेक प्रश्न महिलांना रोजच पडतात. नेहमीच त्याच ठराविक भाज्या खाऊन कंटाळा आल्यानंतर काहींना काही नवीन पदार्थ खाण्याची इच्छा झाल्यास तुम्ही भरलेली भेंडी बनवू शकता. लहान मुलांपासून ते अगदी मोठ्यांपर्यंत सगळ्यांचं भरलेली भेंडी खायला खूप आवडतात. शेंगदाणे आणि इतर मसाल्यांचा वापर करून बनवलेली भेंडी चवीला अतिशय सुंदर आणि चटकदार लागते. भेंडीची भाजी बनवताना ती अतिशय चिकट होऊन जाते. भेंडीमधील चिकटपणामुळे अनेकांना भेंडी खायला आवडत नाही. म्हणूनच आज आम्ही तुम्हाला भेंडीमधील चिकटपणा कमी करण्यासाठी काही सोप्या टिप्स सांगणार आहोत. भरलेली भेंडी तुम्ही चपाती, भाकरी किंवा भातासोबत सुद्धा खाऊ शकता. चला तर जाणून घेऊया भरलेली भेंडी बनवण्याची सोपी रेसिपी.(फोटो सौजन्य – pinterest)

कडू कारलंही होईल आवडीचं! एकदा घरी नक्की बनवून पहा भरलेलं कारलं; अस्सल मराठी चवीची भन्नाट रेसिपी

साहित्य:

• भेंडी
• शेंगदाणे
• तिखट मसाला
• हळद
• मीठ
• पांढरे तीळ
• जिऱ्याची पावडर
• लिंबाचा रस
• गरम मसाला
• लसूण
• सुकं खोबर

दुबई स्पेशल पदार्थ! सकाळच्या नाश्त्यात झटपट बनवा ‘मलई ब्रेड विथ चाय’, दिवसाची सुरुवात होईल मस्त

कृती:

• भरलेली भेंडी बनवण्यासाठी सर्वप्रथम, भेंडी पाण्याने स्वच्छ धुवून घ्या आणि भेंडीचे दोन्ही बाजूचे देठ काढून मधून भेंडी कापून घ्या.
• मोठ्या वाटीमध्ये बारीक चिरून घेतलेलं आलं लसूण, तयार करून घेतलेलं खोबरं शेंगदाण्याचं वाटण, लाल तिखट, हळद, धणे पावडर, जिऱ्याची पावडर आणि चवीनुसार मीठ, लिंबाचा रस घालून मिक्स करा.
• तयार करून घेतलेला मसाला भेंडीमध्ये भरून घ्या.
• कढईमध्ये तेल गरम करून त्यात लसूण टाकून भाजा. जिरे, हिंग आणि कढीपत्ता घालून वरून भरलेली भेंडी टाकून परतवून घ्या.
• एक वाफ आल्यानंतर भेंडी व्यवस्थित शिजतील. भेंडी शिजल्यानंतर त्यावर पाणी शिंपडून भेंडी खरपूस होईपर्यंत मंद आचेवर भाजा.
• तयार आहेत सोप्या पद्धतीमध्ये बनवलेली भरलेली भेंडी.