दुपारच्या जेवणात गरमागरम भाकरीसोबत खाण्यासाठी झटपट बनवा कारल्याची सुकी चटणी! जेवणाला येईल रंगतदार चव

कारल्याची भाजी कोणालाच खायला आवडत नाही. म्हणूनच आज आम्ही तुम्हाला सोप्या पद्धतीमध्ये कारल्याची चटणी बनवण्याची सोपी रेसिपी सांगणार आहोत. हा पदार्थ सगळ्यांचं खूप जास्त आवडेल.

कारल्याची भाजी लहान मुलांपासून अगदी मोठ्यांपर्यंत कोणालाच खायला आवडत नाही. कारल्याच्या भाजीचे नाव ऐकल्यानंतर नाक मुरडले जाते. पण कारल्याची भाजी आरोग्यासाठी अतिशय चांगली आहे. रक्तात वाढलेले साखरेचे प्रमाण नियंत्रणात ठेवण्यासाठी कारल्याच्या भाजीची सेवन करावे. यामुळे आरोग्य सुधारते. आरोग्यासंबंधित बऱ्याच समस्यांपासून आराम मिळवण्यासाठी कारल्याच्या भाजीचे सेवन केले जाते. कारल्याची कायमच भाजी बनवली जाते. पण आज आम्ही तुम्हाला सोप्या पद्धतीमध्ये कारल्याची सुकी चटणी बनवण्याची सोपी रेसिपी सांगणार आहोत. कारल्याची चटणी तुम्ही भाकरी किंवा भातासोबत सुद्धा खाऊ शकता. जेवणाच्या ताटातील वेगवेगळे पदार्थ खायला सगळ्यांचं खूप जास्त आवडतात. कारल्याच्या भाजीचे सेवन केल्यामुळे पचनक्रिया निरोगी राहते. जाणून घ्या सोप्या पद्धतीमध्ये कारल्याची चटणी बनवण्याची सोपी रेसिपी.(फोटो सौजन्य: Pinterest)

फराह खानची फेव्हरेट डिश ‘यखनी पुलाव’ ची सोपी रेसिपी, खवय्यांच्या जिभेवर विरघळते याची चव

साहित्य:

• कारली
• लाल तिखट
• हळद
• शेंगदाण्याचा कूट
• मीठ
• काश्मिरी लाल तिखट
• लसूण
• आमचूर पावडर
• जिरं
• तेल
• पाणी

सकाळच्या नाश्त्यासाठी १५ मिनिटांमध्ये बनवा विकतसारखा मऊसूत Dhokla, नोट करून घ्या जाळीदार ढोकळा बनवण्याची रेसिपी

कृती:

• कारल्याची चटणी बनवण्यासाठी सर्वप्रथम, कारली स्वच्छ धुवून घ्या. त्यानंतर कारल्याचे दोन तुकडे करून त्यातील बिया काढा.
• किसणीच्या मदतीने कारली किसून घ्या. त्यानंतर त्यात मीठ टाकून कारल्याचा रस काढून घ्या. यामुळे कारली जास्त कडू लागणार नाहीत.
• तवा गरम करून त्यात किसलेली कारली मंद आचेवर भाजून घ्या. कारली सोनेरी झाल्यानंतर काढून थंड होण्यासाठी ठेवा.
• त्यानंतर तेल टाकून त्यात बारीक चिरलेला लसूण, जिरे, भाजलेली कारली, चवीनुसार मीठ, हळद, लाल तिखट मसाला, काश्मिरी लाल मिरची पावडर, आमचूर पावडर घालून मिक्स करून घ्या.
• सर्व साहित्य मिक्स करून तव्यावर खमंग भाजा. चटणी बनवतना त्यात अजिबात पाणी घालू नये. यामुळे चटणी खराब होणयाची शक्यता असते.
• तयार आहे सोप्या पद्धतीमध्ये बनवलेली कारल्याची चटणी. हा पदार्थ गरमागरम भाकरीसोबत अतिशय सुंदर लागतो.