दुपारच्या जेवणात काय बनवावं सुचत नाही? मग झटपट बनवा काळ्या चण्यांचा भात, नोट करून घ्या रेसिपी

काळे चणे आरोग्यासाठी अतिशय पौष्टिक आहेत. त्यामुळे दुपारच्या जेवणात तुम्ही काळ्या चण्यांचा भात बनवून खाऊ शकता. हा पदार्थ कमीत कमी वेळात झटपट तयार होतो.

दुपारच्या जेवणात नेहमीच वरण भात, चपाती भाजी खाऊन कंटाळा आल्यानंतर काहींना काही नवीन आणि टेस्टी पदार्थ खाण्याची इच्छा सगळ्यांचं होते. अशावेळी बाहेरून चायनीज किंवा इतर वेगवेगळे पदार्थ आणून खाल्ले जातात. मात्र पण सतत तिखट तेलकट पदार्थ खाल्यामुळे आरोग्याला हानी पोहचण्याची जास्त शक्यता असते. दैनंदिन आहारात कायमच हेल्दी आणि सहज पचन होणाऱ्या पदार्थांचे सेवन करावे. यामुळे शरीराची पचनक्रियासुद्धा निरोगी राहण्यास मदत होते. अनेक घरांमध्ये दुपारच्या जेवणात चपाती भाजी खाल्ली जाते. पण आज आम्ही तुम्हाला सोप्या पद्धतीमध्ये काळ्या वाटाण्यांचा भात बनवण्याची सोपी रेसिपी सांगणार आहोत. काळ्या वाटाण्यांमध्ये प्रथिने, जीवनसत्वे, खनिजे आणि इतर पौष्टिक घटक आढळून येतात. त्यामुळे आहारात काळे वाटणे खावेत. चला तर जाणून घेऊया काळे चण्यांचा भात बनवण्याची सोपी रेसिपी.(फोटो सौजन्य – istock)

रविवार होईल आणखीनच मज्जेदार! सकाळच्या नाश्त्यात झटपट बनवा पौष्टिक पनीर सँडविच, लहान मुलांसह मोठ्यांही आवडेल

साहित्य:

• भिजवलेले काळे चणे
• कांदा
• टोमॅटो
• आलं लसूण पेस्ट
• तांदूळ
• लाल तिखट
• हळद
• मीठ
• धणे पावडर
• जिरं पावडर
• गरम मसाला

श्रावणी सोमवारी घरी बनवा हटके पदार्थाची मेजवानी; कुटुंबातील सर्वांनाच आवडेल उपवासाची कचोरी, नोट करा रेसिपी

कृती:

• काळ्या चण्यांचा भात बनवण्यासाठी सर्वप्रथम, कुकरमध्ये तेल गरम करून घ्या. त्यानंतर त्यात मोहरी, हिंग आणि जिरं टाकून भाजा.
• त्यानंतर त्यात कांदा, टोमॅटो आणि चवीनुसार मीठ टाकून शिजवून घ्या. कांदा व्यवस्थित शिजल्यानंतर त्यात आलं लसूण पेस्ट घालून मिक्स करा.
• आलं लसूण पेस्ट तेलात भाजून झाल्यानंतर लाल तिखट, गरम मसाला, धणे पावडर, जिरं पावडर घालून व्यवस्थित मिक्स करा.
• नंतर त्यात भिजवलेले काळे चणे आणि तांदूळ घालून आवश्यकतेनुसार पाणी घालून कुकरचे झाकण लावून बंद करा.
• कुकरच्या ४ किंवा ५ शिट्ट्या झाल्यानंतर गॅस बंद करून काळ्या चण्यांचा भात लोणच्यासोबत सर्व्ह करा.
• तयार आहे सोप्या पद्धतीमध्ये बनवलेला काळ्या चण्यांचा भात.