सकाळच्या नाश्त्यात १० मिनिटांमध्ये बनवा ब्लुबेरी स्मूदी, वाढलेले वजन झपाट्याने होईल कमी

वाढलेले वजन कमी करताना नाश्त्यात कोणत्याही चुकीच्या पदार्थांचे सेवन करण्याऐवजी हेल्दी स्मूदीचे सेवन करावे. या स्मूदीच्या सेवनामुळे शरीराला अनेक फायदे होतात. तसेच वाढलेले वजन झपाट्याने कमी होऊ लागते.

वाढलेले वजन कमी करताना आहारात अनेक पदार्थ खाणे टाळले जाते. मात्र आहारात पौष्टिक आणि हेल्दी पदार्थांचे सेवन न केल्यामुळे शरीरातील आवश्यक घटकांची कमतरता निर्माण होऊ लागते. याशिवाय अनेक लोक वजन वाढेल म्हणून सकाळचा नाश्ता करणे टाळतात. पण असे न करता सकाळच्या नाश्त्यात हेमदी आणि आरोग्यासाठी आवश्यक असलेल्या पदार्थांचे सेवन करावे. त्यामुळे आज आम्ही तुम्हाला सकाळच्या नाश्त्यात ब्लूबेरी स्मूदी बनवण्याची सोपी रेसिपी सांगणार आहोत. या स्मूदीमध्ये आवश्यक घटक आढळून येतात. ब्लूबेरीमध्ये फायबर आणि प्रथिने इत्यादी अनेक घटक मोठ्या प्रमाणावर आढळून येतात. याशिवाय या स्मूदीचे सेवन केल्यामुळे दीर्घकाळ पोट भरलेले राहते आणि शरीरात वाढलेली जळजळ कमी होते. सकाळच्या वेळी पोट भर नाश्ता केल्यामुळे संपूर्ण दिवस आनंद आणि उत्साहामध्ये जातो. चला तर जाणून घेऊया ब्लूबेरी स्मूदी बनवण्याची सोपी रेसिपी.(फोटो सौजन्य – iStock)

सकाळच्या नाश्त्यात काही मिनिटांमध्ये बनवा अननस पुदिन्याची स्मूदी, नियमित प्यायल्यास त्वचेवर येईल चमकदार ग्लो

साहित्य:

• ब्लूबेरी
• ग्रीक दही
• व्हॅनिला अर्क
• चिया सीड्स
• बर्फ

सकाळचा नाश्ता होईल स्पेशल! कोकणी पद्धतीमध्ये झटपट बनवा नारळाच्या दुधातले पोहे, नोट करून घ्या रेसिपी

कृती:

• ब्लूबेरी स्मूदी बनवण्यासाठी सर्वप्रथम, ब्लूबेरी किंवा स्ट्रॉबेरी पाण्याने स्वच्छ धुवून घ्या. त्यानंतर त्याचे तुकडे करा.
• वाटीमध्ये पाणी घेऊन त्यात एक चमचा चिया सीड्स अर्धा तास भिजत ठेवा. वजन कमी करताना चिया सीड्स प्रभावी ठरतात.
• मिक्सरच्या भांड्यात ग्रीक दही घेऊन त्यात ब्लूबेरीचे तुकडे, व्हॅनिला अर्क घालून मिक्सरमधून बारीक पेस्ट करून घ्या.
• काचेच्या ग्लासात भिजवलेले चिया सीड्स घेऊन त्यात बर्फाचे तुकडे घाला. त्यानंतर तयार केलेली स्मूदी ग्लासात ओतून वरून ब्लूबेरीचे तुकडे काढून सर्व्ह करा.
• तयार आहे सोप्या पद्धतीमध्ये बनवलेली ब्लूबेरी स्मूदी.