सकाळच्या नाश्त्यासाठी घाईगडबडीच्या वेळी झटपट बनवा ब्रोकोली ओट्स डोसा, नोट करून घ्या रेसिपी

लहान मुलांसह अगदी मोठ्यांपर्यंत अनेकांना ब्रोकोली खायला आवडत नाही. ब्रोकोलीचे नाव काढल्यानंतर नाक मुरडतात. त्यामुळे आज आम्ही तुम्हाला नाश्त्यासाठी ब्रोकोली ओट्स डोसा बनवण्याची सोपी रेसिपी सांगणार आहोत.

सकाळच्या नाश्त्यासाठी घाईगडबडीच्या वेळी झटपट बनवा ब्रोकोली ओट्स डोसा

Follow Us:

Follow Us:

सकाळच्या घाईगडबडीमध्ये नेहमी नेहमी नाश्त्यासाठी नेमकं काय बनवावं? हे महिलांना सुचत नाही. कामाची घाई, लहान मुलांचा गोंधळ, घरातील इतर सदस्य इत्यादी अनेक कामांमध्ये महिला पूर्णपणे अडकून पडतात. अशात सकाळच्या घाईमध्ये नाश्त्यासाठी नेमकं काय बनवावं हे सुचत नाही. म्हणूनच आज आम्ही तुम्हाला घाईगडबडीमध्ये झटपट तयार होणारा ब्रोकोली ओट्स डोसा कसा बनवावा, याची सोपी रेसिपी सांगणार आहोत. वाढलेले वजन कमी करण्यासाठी ब्रोकोली किंवा ओट्स खाण्याचा सल्ला दिला जातो. मात्र नेहमी नेहमी शिजवलेली ब्रोकोली खाऊन कंटाळा आल्यानंतर तुम्ही सोप्या पद्धतीमध्ये ब्रोकोली ओट्स डोसा बनवू शकता. या डोशाचे सेवन केल्यामुळे तुमचे पोट दीर्घकाळ भरलेले राहील आणि आरोग्याला देखील फायदे होतील. सकाळच्या वेळी पोटभर नाश्ता केल्यामुळे आरोग्याला अनेक फायदे होतात. चला तर जाणून घेऊया ब्रोकोली ओट्स डोसा बनवण्याची सोपी रेसिपी.(फोटो सौजन्य – iStock)

Drink: कडक उन्हाळ्यात शरीराला थंडावा देण्यासाठी घरी बनवा काकडी-कलिंगड स्मुदी, पचनक्रिया राहील निरोगी

साहित्य:

• ब्रोकोली
• ओट्स
• बाजरीचे पीठ
• मीठ
• दही
• ओवा
• तांदळाचे पीठ
• कोथिंबीर
• पाणी

उन्हाळ्याच्या सुट्टीमध्ये लहान मुलांसाठी साखरेचा वापर न करता बनवा ज्वारीचे मफिन्स, हेल्दी टेस्टी रेसिपी

कृती:

• ब्रोकोली ओट्स डोसा बनवण्यासाठी सर्वप्रथम, ब्रोकोली स्वच्छ पाण्याने धुवून घ्या. त्यानंतर 10 मिनिटं गरम पाण्यात ब्रोकोली शिजवून घ्या.
• शिजवून घेतलेली ब्रोकोली मिक्सरच्या भांड्यात टाकून बारीक पेस्ट बनवून घ्या.
• त्यानंतर ओट्स, बाजरा, तांदळाचे पीठ, दही, ओवा, मीठ, कोथिंबीर टाकून मिक्स करून घ्या.
• तयार करून घेतलेल्या डोशाच्या मिश्रणात ब्रोकोलीची पेस्ट टाकून मिक्स करा.
• डोसा बनवण्यासाठी तवा गरम करून त्यावर तेल टाकून सगळीकडे पसरवा. नंतर डोश्याचे पीठ टाकून गोलाकार पसरवा.
• दोन्ही बाजूने डोसा व्यवस्थित भाजून झाल्यानंतर काढून घ्या.
• तयार आहे सोप्या पद्धतीमध्ये बनवलेला ब्रोकोली ओट्स डोसा. हिरव्या चटणीसोबत डोसा अतिशय सुंदर लागेल.

Web Title: How to make brocoli oats dosa at home simple food recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com