सकाळच्या नाश्त्यात लहान मुलांसह मोठ्यांसाठी झटपट बनवा बन डोसा, नोट करून घ्या रेसिपी

सकाळच्या नाश्त्यात नेहमीच तेच पदार्थ खाऊन कंटाळा आल्यास तुम्ही झटपट बन डोसा बनवू शकता. हा डोसा रवा आणि दह्यापासून बनवला जातो. चला तर जाणून घेऊया बन डोसा बनवण्याची सोपी रेसिपी.

घाईगडबडीच्या वेळी सकाळच्या नाश्त्यात नेमकं काय बनवावं? हे बऱ्याचदा सुचत नाही. नाश्त्यात नेहमीच बाहेरील तेलकट किंवा तिखट पदार्थ खाऊन कंटाळा आल्यानंतर काहींना काही घरी बनवलेले पदार्थ खाण्याची इच्छा सगळ्यांचं होते. कांदापोहे, इडली, डोसा, शिरा, उपमा खाऊन कंटाळा आल्यानंतर नवीन पदार्थ खाण्याची इच्छा सगळ्यांचं होते. अशावेळी तुम्ही झटपट बन डोसा बनवू शकता. हा डोसा बनवण्यासाठी तांदळाच्या पिठाचे मिश्रण न वापरता तुम्ही रव्याच्या पिठाचा वापर करू शकता. लहान मुलांपासून अगदी मोठ्यांपर्यंत सगळ्यांचं साऊथ इंडियन पदार्थ खायला खूप जास्त आवडतात. साऊथ इंडियन पदार्थ भारतातच नाहीतर जगभरात सगळीकडे प्रसिद्ध आहेत. चला तर जाणून घेऊया बन डोसा बनवण्याची सोपी रेसिपी.(फोटो सौजन्य – pinterest)

दुपारच्या जेवणात तोंडी लावण्यासाठी झटपट बनवा कोबीची कोशिंबीर, सॅलडपेक्षाही लागेल सुंदर

साहित्य:

• रवा
• दही
• मीठ
• तेल
• मोहरी
• चणा डाळ
• कांदा
• कोथिंबीर
• कढीपत्ता
• बेकिंग सोडा
• हळद

पालेभाज्या खायला आवडत नाहीत? मग बाजरीचे पीठ टाकून झटपट बनवा मेथीचे चमचमीत पिठलं, नोट करा रेसिपी

कृती:

• बन डोसा बनवण्यासाठी सर्वप्रथम, मोठ्या बॉऊलमध्ये वाटीभर रवा घेऊन त्यात दही मिक्स करून घ्या. त्यानंतर त्यात थोडस पाणी घालून गुठळ्या मोडा.
• १० मिनिटं रव्याचे मिश्रण बाजूला ठेवा. यामुळे डोसा मस्त मऊ लुसलुशीत होईल.
• कढईमध्ये तेल गरम करून त्यात जिरं, मोहरी आणि बारीक चिरून घेतलेला कांदा घालून व्यवस्थित मिक्स करा. नंतर त्यात कढीपत्त्याची पाने टाका.
• कांदा व्यवस्थित लालसर झाल्यानंतर त्यात चवीनुसार मीठ आणि हळद घालून मिक्स करा. तयार केलेल्या रव्याच्या मिश्रणात फोडणी घालून मिक्स करून घ्या.
• त्यानंतर त्यात बेकिंग सोडा घालून मिक्स करा आणि मिक्सरमधून बारीक करून घ्या.
• तवा गरम करून त्यावर तेल टाकून पसरवा. त्यानंतर छोट्या आकाराचे डोसे घालून दोन्ही बाजूने व्यवस्थित भाजा.
• तयार आहेत सोप्या पद्धतीमध्ये बनवलेला बन डोसा. हा डोसा खोबऱ्याच्या किंवा लसूण चटणीसोबत सुंदर लागेल.