चाट खाण्याची इच्छा झाली आहे? घरच्या घरी झटपट बनवा चटपटीत चाट टोकरी, नोट करून घ्या रेसिपी

आज आम्ही तुम्हाला कांदा लसुणचा वापर न करता चटपटीत चाट बनवण्याची सोपी रेसिपी सांगणार आहोत. हा पदार्थ घरातील प्रत्येक व्यक्तीला खूप जास्त आवडेल. जाणून घ्या रेसिपी.

लहान मुलांपासून ते अगदी मोठ्यांपर्यंत सगळ्यांचं चाट खायला खूप जास्त आवडते. पापडी चाट, मिक्स कडधान्याचे चाट तर काहीवेळा वेगवेगळ्या भाज्यांचा वापर करून सुद्धा चाट बनवले जाते. पण कांदा लसूणचे सेवन न करणाऱ्या व्यक्तींना चाट खाण्याची मजा अजिबात घेता येत नाही. कारण चाट बनवताना त्यात वेगवेगळ्या भाज्या आणि चटण्यांचा वापर केला जातो. त्यामुळे आज आम्ही तुम्हाला कांदा लसुणचा वापर न करता चविष्ट चाट कटोरी बनवण्याची सोपी रेसिपी सांगणार आहोत. हा पदार्थ संध्याकाळची छोटी मोठी भूक भागवण्यासाठी सुद्धा करू शकता. लहान मुलांच्या पार्टीसाठी नवनवीन पदार्थ शोधत असाल तर वेगवेगळ्या कढधान्यांचा वापर करून बनवलेले चाट अतिशय उत्तम पर्याय आहे. हा पदार्थ कमीत कमी साहित्य आणि झटपट करू शकता. चला तर जाणून घेऊया रेसिपी.(फोटो सौजन्य – pinterest)

सकाळच्या घाईगडबडीमध्ये नाश्ता काय बनवावा सुचत नाही? मग झटपट हेल्दी चॉकलेट ओव्हरनाईट ओट्स, नोट करा रेसिपी

साहित्य:

• दही
• मूग
• मटकी
• लिंबाचा रस
• पापड
• चणे
• काकडी
• चाट मसाला
• शेव
• लाल तिखट
• मीठ

श्रावणातील सणांचा आनंद आणि गोडवा वाढवण्यासाठी झटपट बनवा रवा बेसन बर्फी, जिभेवर रेंगाळत राहील पदार्थाची चव

कृती:

• पौष्टिक चाट बनवण्यासाठी सर्वप्रथम, वाटीमध्ये दही घेऊन फेटून घ्या. दह्यामध्ये गुठळ्या राहिल्यास पदार्थ व्यवस्थित मिक्स होत नाही.
• कुकरच्या भांड्यात मोड आलेले मूग, मटकी आणि भिजवलेले काळे चणे एकत्र करून पाणी घाला आणि कुकरच्या ३ शिट्या काढून घ्या.
• काचेच्या खोलगट वाटीमध्ये शिजवून घेतलेले मूग, मटकी आणि चणे घेऊन एकत्र मिक्स करा.
• त्यानंतर त्यावर काकडीचे तुकडे घाला आणि वरून लिंबाचा रस घालून मिक्स करून घ्या. त्यानंतर फेटून घेतलेले दही, लाल तिखट, जिऱ्याची पावडर, थोडस मीठ घालून घ्या.
• त्यानंतर तयार केलेल्या चाटवर भाजलेला पापड कुसकरून एकसमान पसरवा आणि सगळ्यात शेवटी बारीक शेव घालून खाण्यासाठी सर्व्ह करा.
• तयार आहे सोप्या पद्धतीमध्ये बनवलेले पौष्टिक चाट.