दसऱ्यानिमित्त घरी बनवा चमचमीत शाही व्हेज पुलाव! मऊ आणि मोकळा भात शिजण्यासाठी फॉलो करा ‘या’ सोप्या टिप्स

दसऱ्यानिमित्त घरी आलेल्या पाहुण्यांसाठी तुम्ही शाही व्हेज पुलाव बनवू शकता. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल. जाणून घ्या व्हेज पुलाव बनवण्याची रेसिपी.

दसऱ्यानिमित्त घरी बनवा चमचमीत शाही व्हेज पुलाव!

Follow Us:

Follow Us:

नवरात्रीच्या दहाव्या दिवशी सगळीकडे दसरा सण साजरा केला जातो. दसऱ्याच्या दिवशी रावणाचे दहन केले जाते. याशिवाय घरात सरस्वतीपूजन आणि आपट्याच्या पानांची पूजा करून गोड नैवैद्य बनवला जातो. दसऱ्याच्या शुभेच्छा देण्यासाठी घरात असंख्य पाहुणे येतात. घरी आलेल्या पाहुण्यांसाठी काहींना काही खास रेसिपी बनवून पाहुण्यांचे स्वागत केले जाते. म्हणूनच आज आम्ही तुम्हाला सोप्या पद्धतीमध्ये चवचमीत शाही व्हेज पुलाव बनवण्याची सोपी रेसिपी सांगणार आहोत. वेगवेगळ्या भाज्या, मसाले आणि तांदळाचा वापर करून बनवलेला चमचमीत पुलाव घरातील सगळ्यांचं खूप जास्त आवडेल. पुलावचे नाव ऐकल्यानंतर सगळ्यांच्या तोंडाला पाणी सुटते. याशिवाय घाईगडबडीच्या वेळी सुद्धा नेमकं काय बनवावं सुचत नसेल तर तुम्ही व्हेज पुलाव बनवू शकता. जाणून घ्या व्हेज पुलाव बनवण्याची सोपी रेसिपी.(फोटो सौजन्य – istock)

तेच तेच बोरिंग पदार्थ खाणं सोडा, नवरात्रीच्या उपवासात घरी बनवा साबुदाण्याची लुसलुशीत पुरी

साहित्य:

• तांदूळ
• कांदा टोमॅटो
• शिमला मिरची
• फ्लॉवर
• बीन्स
• हिरवी मिरची आलं लसूण पेस्ट
• मोहरी
• जिरं
• लाल तिखट
• हळद
• गरम मसाला
• दही

दसऱ्यानिमित्त घरी आलेल्या पाहुण्यांसाठी झटपट बनवा चवदार सफरचंदाची खीर, नोट करून घ्या रेसिपी

कृती:

• व्हेज पुलाव बनवण्यासाठी सर्वप्रथम, टोपात तेल गरम करून त्यात मोहरी, जिरं, कढीपत्ता आणि हिंग टाका.
• त्यानंतर त्यात कांदा आणि टोमॅटो टाकून मिक्स करा. त्यानंतर त्यात चवीनुसार मीठ टाकून कांदा शिजण्यासाठी ठेवा.
• कांदा टोमॅटो शिजून मऊ झाल्यानंतर त्यात हिरव्या मिरचीची पेस्ट घालून व्यवस्थित भाजून घ्या. त्यानंतर त्यात हळद, गरम मसाला, लाल तिखट, पुलाव मसाला घालून सर्व मसाले व्यवस्थित भाजून घ्या.
• मसाले भाजल्यानंतर त्यात एक किंवा दोन चमचे दही टाकून मिक्स करा. त्यामुळे ग्रेव्ही तयार होईल.
• दही व्यवस्थित भाजल्यानंतर त्यात चिरून घेतलेल्या भाज्या टाकून मंद आचेवर एक वाफ करून घ्या. त्यानंतर त्यात गरम पाणी टाकून पाण्याला एक उकळी काढा.
• पाण्याला उकळी आल्यानंतर त्यात भिजवलेले तांदूळ टाकून मिक्स करा आणि भात शिजण्यासाठी ठेवा. भात व्यवस्थित शिजल्यानंतर सगळ्यात शेवटी बारीक चिरलेली कोथिंबीर टाकून सर्व्ह करा.
• तयार आहे सोप्या पद्धतीमध्ये बनवलेला चमचमीत शाही व्हेज पुलाव. हा पदार्थ आंबट लोणचं किंवा दह्याच्या कोशिंबीरसोबत सुंदर लागेल.

Web Title: How to make shahi veg pulao at home simple food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com