कोबीची भाजी खायला आवडत नाही? मग लहान मुलांच्या डब्यासाठी झटपट बनवा चविष्ट चणाडाळ कोबी

आज आम्ही तुम्हाला सोप्या पद्धतीमध्ये चणाडाळ कोबी बनवण्याची सोपी रेसिपी सांगणार आहोत. ही भाजी लहान मुलांच्या डब्यासाठी किंवा जेवणासाठी सुद्धा उत्तम पर्याय आहे. जाणून घ्या चणाडाळ कोबी बनवण्याची रेसिपी.

कोबीच्या भाजीचे नाव ऐकल्यानंतर सर्वच मुलं नाक मुरडतात. कोबीच्या भाजीचा वास अनेकांना आवडत नाही.पण कोबीची भाजी आरोग्यासाठी अतिशय पौष्टिक आहे. या भाजीमध्ये असलेले गुणधर्म शरीरासाठी अतिशय गुणकारी ठरतात. म्हणूनच आज आम्ही तुम्हाला सोप्या पद्धतीमध्ये चणाडाळ कोबी बनवण्याची सोपी रेसिपी सांगणार आहोत. लहान मुलं भाज्या खाण्यास कायमच नकार देतात. पण कोबीच्या भाजीपासून बनवलेले मंचुरियन किंवा चायनीज भेळ आवडीने खातात. लहान मुलांच्या आरोग्यासाठी सगळ्याच्या भाजी गुणकारी ठरतात. सकाळी उठल्यानंतर घाईगडबडीच्या वेळी डब्यासाठी कोणती भाजी बनवावी, बऱ्याचदा सुचत नाही. अशावेळी कोबीची भाजी तुम्ही कमीत कमी साहित्यामध्ये बनवू शकता. चला तर जाणून घेऊया चणाडाळ कोबी बनवण्याची सोपी रेसिपी.(फोटो सौजन्य: Pinterest)

वाढलेले वजन नियंत्रणात ठेवण्यासाठी रोजच्या जेवणात करा अळशीच्या चटणीचे सेवन, नोट करून घ्या रेसिपी

साहित्य:

• कोबी
• भिजवलेली चणा डाळ
• हिरवी मिरची
• मोहरी
• मीठ
• ओल्या खोबऱ्याचा किस
• कढीपत्त्याची पाने
• हळद
• टोमॅटो
• कांदा
• कोथिंबीर

नाश्त्यात काहीतरी नवीन खायचं असेल तर सोप्या पद्धतीमध्ये झटपट बनवा कुरकुरीत बटाट्याचा चिल्ला, नोट करून घ्या रेसिपी

कृती:

• चणाडाळ कोबी बनवण्यासाठी सर्वप्रथम, कोबीची भाजी स्वच्छ धुवून घ्या. त्यानंतर भाजी बारीक कापा. वाटीमध्ये चण्याची डाळ भिजण्यासाठी ठेवा.
• कढईमध्ये तेल गरम करून त्यात मोहरी, जिरं, बारीक चिरलेला लसूण, कढीपत्त्याची पाने टाकून व्यवस्थित भाजा. त्यानंतर त्यात कांदा आणि टोमॅटो टाकून चवीनुसार मीठ टाका.
• कांदा टोमॅटो शिजल्यानंतर त्यात हळद टाकून मिक्स करा. त्यानंतर त्यात भिजवलेली चणा डाळ टाकून वाफेवर शिजवा. यामुळे भाजीची चव आणखीनच सुंदर लागेल.
• चणा डाळ अर्धवट शिजल्यानंतर त्यात बारीक चिरलेला कोबी टाकून व्यवस्थित मिक्स करून घ्या आणि वाफेवर शिजवा.
• भाजी शिजल्यानंतर सगळ्यात शेवटी त्यात ओल्या खोबऱ्याचा किस टाकून मिक्स करा.
• तयार आहे सोप्या पद्धतीमध्ये बनवलेली चणाडाळ कोबी. ही भाजी चपाती किंवा भाकरीसोबत सुद्धा खाऊ शकता.