Recipe : व्हेजिटेबल सामोसा सोडा, घरी बनवा ज्युसी, मसालेदार आणि कुरकुरीत असा ‘चिकन सामोसा’

Chicken Samosa Recipe : मैद्याच्या पॉकेटमध्ये भरलेली मसालेदार चिकनची स्टफिंग अन् हा सामोसा जर तुम्ही ट्राय केला नाही तर यंदा नक्की बनवून खा. याची रेसिपी फार सोपी असून तुम्ही घरी ही डिश बनवून कुटुंबाला खुश करू शकता.

• 31 डिसेंबर या वर्षाच्या शेवटच्या दिवशी तुम्हीही पार्टीचा विचार करत असाल तर ही रेसिपी तुमच्यासाठी.
• बाजारात बटाटा, नूडल्स, मॅक्रोनी, चीज असे अनेक प्रकारचे सामोसे आले आहेत.
• पण नॉनव्हेज लव्हर्ससाठी खास आज आम्ही तुमच्यासाठी घेऊन आलो आहोत टेस्टी चिकन सामोस्याची रेसिपी.

भारतीय खाद्यसंस्कृतीत समोसा हा सर्वात लोकप्रिय आणि सर्वांच्या आवडीचा नाश्ता मानला जातो. चहा-कॉफीसोबत गरमागरम समोसा मिळाला की दिवस खास होतोच. साधारणपणे बटाट्याच्या भाजीचा समोसा आपण सर्वांनी खाल्लेला असतो, पण नॉनव्हेज खवय्यांसाठी चिकन समोसा ही एक खास आणि चविष्ट डिश आहे. कुरकुरीत बाहेरची पापुद्र्याची आवरण आणि आतून मसालेदार, रसाळ चिकनचे फिलिंग – हा कॉम्बिनेशन कोणाच्याही तोंडाला पाणी सुटायला लावतो.

Recipe : पश्चिम बंगालमधील फेमस पदार्थ, मसालेदार अन् कुरकुरीत असा ‘आलू चॉप’ तुम्ही कधी खाल्ला आहे का?

पार्टी, गेट-टुगेदर, रमजानचा इफ्तार, वाढदिवस किंवा संध्याकाळचा खास नाश्ता – प्रत्येक प्रसंगी चिकन समोसा परफेक्ट ठरतो. हॉटेल्समध्ये किंवा बाहेर खाल्लेला समोसा घरच्या घरी स्वच्छ, ताज्या साहित्याने आणि आपल्या आवडीनुसार मसाले घालून बनवण्याची मजा काही औरच असते. विशेष म्हणजे हा रेसिपी फार अवघड नाही आणि थोड्या सरावाने अगदी परफेक्ट चिकन समोसे तयार होतात. आज आपण पाहणार आहोत घरच्या घरी कुरकुरीत आणि चवदार चिकन समोसा कसा बनवायचा याची एक सोपी रेसिपी जाणून घेऊया.

साहित्य

• मैदा – 2 कप
• मीठ – चवीनुसार
• ओलेन / तेल – 3 टेबलस्पून
• पाणी – मळण्यासाठी

चिकन फिलिंगसाठी साहित्य:

• बोनलेस चिकन (बारीक चिरलेले किंवा कीमा) – 250 ग्रॅम
• कांदा – 1 बारीक चिरलेला
• हिरवी मिरची – 2 बारीक चिरलेली
• आलं-लसूण पेस्ट – 1 टेबलस्पून
• हळद – ½ टीस्पून
• लाल तिखट – 1 टीस्पून
• धणे-जिरे पूड – 1 टीस्पून
• गरम मसाला – ½ टीस्पून
• मीठ – चवीनुसार
• कोथिंबीर – बारीक चिरलेली
• तेल – 2 टेबलस्पून

रक्तातील वाईट कोलेस्ट्रॉल खेचून काढेल जवसाची चटणी, नोट करून घ्या अत्यंत पौष्टिक चवीचा पदार्थ

कृती

• यासाठी सर्वप्रथम मैद्यात मीठ आणि ओलेन घालून नीट चोळा. थोडं-थोडं पाणी घालून घट्ट पीठ मळा. झाकून 20 मिनिटं बाजूला ठेवा.
• कढईत तेल गरम करून कांदा परतवा. त्यात हिरवी मिरची व आलं-लसूण पेस्ट घालून सुवास येईपर्यंत परता.
• हळद, लाल तिखट, धणे-जिरे पूड घालून हलवा. नंतर चिकन घालून मध्यम आचेवर पूर्ण शिजेपर्यंत परता. शेवटी
• गरम मसाला व कोथिंबीर घाला.
• पीठाचे छोटे गोळे करून लाट्या. अर्ध्या कापून शंकू (कोन) तयार करा. आत चिकन फिलिंग भरून कडा पाण्याने बंद करा.
• कढईत तेल गरम करून समोसे मंद आचेवर सोनेरी व कुरकुरीत होईपर्यंत तळा.
• गरमागरम चिकन समोसे हिरवी चटणी, इमलीची चटणी किंवा टोमॅटो सॉससोबत सर्व्ह करा. संध्याकाळच्या
• चहासोबत किंवा खास पार्टी स्टार्टर म्हणून हे समोसे सर्वांची वाहवा मिळवतील.