१० मिनिटांमध्ये घरच्या घरी लहान मुलांसाठी बनवा थंडगार कोको मिल्क! विकतचा मिल्कशेक विसरूनच जाल

लहान मुलांपासून मोठ्यांपर्यंत सगळ्यांचं चॉकलेट खायला खूप आवडत. चॉकलेटपासून अनेक वेगवेगळे पदार्थ बनवले जातात. म्हणूनच आज आम्ही तुम्हाला कोको मिल्क बनवण्याची सोपी रेसिपी सांगणार आहोत.

वाढत्या उन्हाळ्यात शरीर हायड्रेट ठेवण्यासाठी थंड पदार्थ, फळे, भाज्या इत्यादी पदार्थांचे सेवन केले जाते. उन्हाळा वाढल्यानंतर शरीरात उष्णता वाढू लागते. वाढलेली उष्णता कमी करण्यासाठी नियमित नारळ पाणी, ताक, सरबत, कोकम सरबत इत्यादी पेय प्यायली जातात. मात्र नेहमी नेहमी त्याच पेयांचे सेवन करून कंटाळा आल्यानंतर काहींना काही नवीन पदार्थ पिण्याची इच्छा होते. अशावेळी तुम्ही कोको मिल्क बनवू शकता. कोको मिल्क लहान मुलांपासून अगदी मोठ्यांपर्यंत सगळ्यांचं खूप आवडते. लहान मुलांना ड्रायफ्रुटशेक, मॅग्नोशेक, हॉटशेक इत्यादी अनेक वेगवेगळे शेक प्यायला खूप आवडतात. म्हणूनच आज आम्ही तुम्हाला कोको मिल्कशेक बनवण्याची सोपी रेसिपी सांगणार आहोत. हे मिल्कशेक प्यायल्यामुळे मुलांच्या शरीराची ताकद वाढेल. जाणून घ्या कोको मिल्क बनवण्याची सोपी रेसिपी.(फोटो सौजन्य – iStock)

१० मिनिटांमध्ये घरी बनवा थंडगार चविष्ट वॉटरमेलन मोजिटो, हॉटेलपेक्षाही लागेल सुंदर चव

साहित्य:

• दूध
• साखर
• कॉर्नफ्लावर
• डार्क चॉकलेट
• कोको पावडर
• केळ
• ओट्स

रायवळी आंब्यांपासून कोकणी पद्धतीमध्ये झटपट बनवा आंबट तिखट आंब्याचा रायता, नोट करून घ्या पदार्थ

कृती:

• कोको मिल्कशेक बनवण्यासाठी सर्वप्रथम, टोपात दूध गरम करून दुधाला व्यवस्थित उकळी काढून घ्या.
• दुधाला उकळी आल्यानंतर त्यात साखर घालून मिक्स करा. साखर पूर्णपणे व्यवस्थित मिक्स झाल्यानंतर त्यात कोको पावडर घालून मिक्स करा.
• कोको पावडर घातल्यानंतर चमच्याने सतत ढवळत राहा. यामुळे कोको पावडरच्या गुठळ्या होणार नाहीत.
• वाटीमध्ये कॉर्नफ्लावर घेऊन त्यात दूध घालून मिक्स करा. पातळ पेस्ट तयार केल्यानंतर उकळत्या दुधात कॉर्नफ्लावचे मिश्रण टाकून मिक्स करून घ्या.
• तयार करून घेतलेले शेक थंड करून घ्या.
• मिक्सरच्या भांड्यात ओट्स आणि केळ टाकून पेस्ट तयार करा. त्यानंतर त्यात चॉकलेटचे मिश्रण टाकून पुन्हा एकदा फिरवून घ्या.
• तयार करून घेतलेला शेक काचेच्या ग्लासात ओतून फ्रिजमध्ये थंड होण्यासाठी ठेवा.
• तयार आहे सोप्या पद्धतीमध्ये बनवलेला कोको शेक. हा शेक लहान मुलांना खूप जास्त आवडेल.