महाशिवरात्रीच्या उपवासानिमित्त सकाळच्या नाश्त्यासाठी झटपट बनवा साबुदाणा डोसा,पचायला हलका पदार्थ
यंदाच्या वर्षी १५ फेब्रुवारीला महाशिवरात्री आहे. महाशिवरात्रीच्या दिवशी भगवान शंकराची मनोभावे पूजा केली जाते. इच्छित फळ प्राप्त करण्यासाठी अनेक लोक उपवास सुद्धा करतात. उपवासाच्या दिवशी प्रत्येक घरात साबुदाणा खिचडी, साबुदाणा वडा, भगर इत्यादी ठराविक पदार्थ खाण्यासाठी बनवले जातात.पण उपवास केल्यानंतर उपाशी पोटी साबुदाणा खाणे शरीरासाठी धोक्याचे ठरते. यामुळे ऍसिडिटी किंवा अपचनाच्या बऱ्याच समस्या उद्भवू लागतात. त्यामुळे उपवासाच्या दिवशी सहज पचन होणाऱ्या हलक्या पदार्थांचे सेवन करावे. पारंपरिक पदार्थ चवीसोबत शरीरासाठी सुद्धा फायदेशीर ठरते. म्हणूनच आज आम्ही तुम्हाला सोप्या पद्धतीमध्ये साबुदाणा डोसा बनवण्याची रेसिपी सांगणार आहोत. लहान मुलांपासून ते अगदी मोठ्यांपर्यंत सगळ्यांचं खूप जास्त आवडतात. त्यामुळे साबुदाणा डोसा तुम्ही खोबऱ्याच्या चटणीसोबत किंवा दह्यासोबत सुद्धा खाऊ शकता. उपवासाला कायमच साबुदाणा खिचडी बनवून खाण्याऐवजी साबुदाण्यांपासून अनेक नवनवीन पदार्थ बनवून खावेत. यामुळे पोटाला त्रास होणार नाही आणि आरोग्य सुद्धा चांगले राहील.
