सकाळच्या नाश्त्यासाठी झटपट बनाव मक्याच्या दाण्यांचे चविष्ट कॉर्न कटलेट, वाचा सिंपल रेसिपी

सकाळच्या नाश्त्यासाठी नेमकं काय बनवावं? हा प्रश्न पडला आहे, मग नाश्त्यासाठी बनवा सोप्या पद्धतीमध्ये मक्याच्या दाण्यांचे कटलेट. चला तर जाणून घेऊया कॉर्न कटलेट बनवण्याची सोपी रेसिपी.

सकाळच्या घाईगडबडीमध्ये नाश्त्यासाठी नेमकं काय बनवावं हा प्रश्न सगळ्यांचं पडतो. अशावेळी काही लोक बाहेर विकत आणलेले पदार्थ खातात. पण सतत बाहेरचे पदार्थ खाल्यामुळे आरोग्य बिघडण्याची शक्यता असते. त्यामुळे रोजच्या नाश्त्यात किंवा आहारात घरी बनवलेल्या पौष्टिक आणि आरोग्यदायी पदार्थांचे सेवन करण्यास प्राधान्य द्यावे. सकाळच्या वेळी पोटभर नाश्ता करणे ही आरोग्यदायी सवय आहे. नाश्ता केल्यामुळे पोटही भरलेले राहते आणि संपूर्ण दिवस आनंद आणि उत्साहामध्ये जातो. पोहे, उपमा, शिरा किंवा इडली डोसा खाऊन कंटाळा आल्यानंतर काहींना काही नवीन पदार्थ खाण्याची इच्छा निर्माण होते. अशावेळी तुम्ही कॉर्न टिक्की बनवू शकता. कॉर्न टिक्की बनवण्यासाठी जास्त वेळ लागत नाही. कमीत कमी वेळात आणि साहित्यामध्ये कॉर्न टिक्की तयार होते. चला तर जाणून घेऊया कॉर्न टिक्की बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• मक्याचे उकडलेले दाणे
• बटाटा
• ब्रेडचा चुरा
• हिरवी मिरची
• कोथिंबीर
• लाल तिखट
• गरम मसाला
• मीठ
• तेल
• कोथिंबीर
• लिंबाचा रस

नवनवीन रेसिपीसाठी इथे क्लिक करा

कृती:

• कॉर्न कटलेट बनवण्यासाठी सर्वप्रथम, मक्याचे दाणे उकडवून मिक्समधून जाड बारीक वाटून घ्या.
• बाऊलमध्ये मक्याचे बारीक करून घेतलेले दाणे, बारीक कापून घेतलेला बटाटा, बारीक चिरलेली हिरवी मिरची टाकून व्यवस्थित मिक्स करा.
• त्यानंतर त्यात लाल तिखट, हळद, गरम मसाला, लिंबाचा रस, चवीनुसार मीठ, कोथिंबीर घालून मिक्स करून घ्या.
• तयार केलेल्या मिश्रणाचे छोटे छोटे कटलेट बनवून घ्या.
• पॅनमध्ये तेल गरम करण्यासाठी ठेवा. कटलेट ब्रेडच्या चुऱ्यात घोळवून तेलात फ्राय करण्यासाठी सोडा.
• तयार आहे सोप्या पद्धतीमध्ये बनवलेले कॉर्न कटलेट.