भाजी काय बनवावी सुचत नाही? मग १० मिनिटांमध्ये बनवा कांद्याची कुरकुरीत सुकी चटणी, साध्या जेवणाला लागेल रंगतदार चव

जेवणात भाजी बनवण्याचा कंटाळा आल्यास सोप्या पद्धतीमध्ये झटपट बनवा कांद्याची सुकी चटणी. हा पदार्थ घरातील प्रत्येकाला खूप जास्त आवडेल. जाणून घ्या कांद्याची चटणी बनवण्याची रेसिपी.

भारतीय जेवणाचा ताटात कितीही आवडीचे पदार्थ असले तरीसुद्धा चटणी कायमच लागते. जेवणाची चव वाढवण्यासाठी ताटात लोणचं, पापड, चटणी इत्यादी पदार्थ वाढले जातात. साध्या जेवणाला चविष्ट करण्यासाठी चटणी खाल्ली जाते. खोबऱ्याची चटणी, लसूण चटणी, तिळाची चटणी इत्यादी वेगवेगळ्या पदार्थांपासून चटण्या बनवल्या जातात. पण नेहमीच त्याच ठराविक चटण्या खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी तुम्ही सोप्या पद्धतीमध्ये कांद्याची सुकी चटणी बनवण्याची रेसिपी सांगणार आहोत. कांद्याची चटणी चवीला अतिशय सुंदर लागते. ऑफिसच्या डब्यासाठी बऱ्याचदा काय भाजी बनवावी सुचत नाही. अशावेळी तुम्ही कांद्याची कुरकुरीत चटणी बनवू शकता. तयार केलेली कांद्याची चटणी ४ ते ५ दिवस व्यवस्थित टिकून राहते आणि चव सुद्धा चांगली लागते. गरमागरम भाकरी किंवा चपातीसोबत कांद्याची चटणी असेल तर चार घास जास्त जातात. चला तर जाणून घेऊया रेसिपी.(फोटो सौजन्य – pinterest)

पोटावर वाढलेला चरबीचा घेर महिनाभरात होईल कमी! सकाळच्या नाश्त्यात करा ओटमील पॅनकेक्सचा समावेश

साहित्य:

• कांदा
• जिरं
• मेथी दाणे
• लाल तिखट
• हळद
• मीठ
• पांढरी उडीद डाळ
• चणा डाळ
• हिंग
• चिंच
• शेंगदाणे
• कडीपत्ता
• लसूण
• लाल मिरच्या

Summer Special : कडक उष्ण वातावरणात शरीराला मिळवून द्या थंडावा, घरी बनवा मलाईदार ‘लस्सी’

कृती:

• कुरकुरीत कांद्याची चटणी बनवण्यासाठी सर्वप्रथम, पॅन गरम करण्यासाठी ठेवा. गरम पॅनमध्ये धणे, जिरे, मेथी दाणे, चणा डाळ, पांढरी उडीद डाळ, चिमूटभर हिंग, चिंच घालून मंद आचेवर भाजा.
• कढईमध्ये तेल गरम करून त्यात उभा चिरून घेतलेला कांदा टाकून लालसर कुरकुरीत होईपर्यंत भाजा. त्यानंतर तेलात शेंगदाणे, कडीपत्ता, लसूण पाकळ्या, सुक्या लाल मिरच्या वेगवेगळ्या भाजा.
• भाजून घेतलेले सर्व साहित्य थंड करण्यासाठी ठेवा. थंड झालेले सर्व साहित्य मिक्सरच्या भांड्यात टाकून बारीक वाटून घ्या.
• त्यानंतर वाटून घेतलेल्या चटणीमध्ये चवीनुसार मीठ, लाल तिखट आणि थोडीशी हळद घालून पुन्हा एकदा वाटून घ्या.
• तयार आहे सोप्या पद्धतीमध्ये बनवलेली कांद्याची कुरकुरीत सुकी चटणी.