सकाळच्या नाश्त्यात सोप्या पद्धतीमध्ये बनवा दह्यातले पाेहे! पोटाला मिळेल थंडावा, नोट करून घ्या रेसिपी

सकाळच्या नाश्त्यात नेहमीच तेच तेच पोहे खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये दह्यातील पोहे बनवू शकता. चला तर जाणून घेऊया रेसिपी.

सकाळच्या नाश्त्यात अनेक घरांमध्ये कांदापोहे बनवले जाते. मात्र नेहमीचे तेच तेच कांदापोहे खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही कमीत कमी साहित्यात दह्यातले पोहे बनवू शकता. उन्हाळ्याच्या दिवसांमध्ये शरीराला थंडाव्याची आवश्यकता असते. कारण शरीरात वाढलेल्या उष्णतेमुळे पचनासंबंधित समस्या उद्भवू लागतात. अपचन, गॅस, ऍसिडिटी इत्यादी अनेक समस्या उद्भवू लागल्यानंतर शरीराला हानी पोहचण्याची शक्यता असते. अनेक लोक वाढलेलं वजन कमी करण्यासाठी सकाळचा नाश्ता करणे टाळतात. मात्र असे न करता सकाळी उठल्यानंतर नियमित नाश्ता करावा. नाश्ता केल्यामुळे पोटही भरते आणि आरोग्याला अनेक फायदे होतात. चला तर जाणून घेऊया दह्यातील पोहे बनवण्याची सोपी रेसिपी. या रेसिपीसाठी खूप कमी साहित्य लागते.(फोटो सौजन्य – iStock)

कमीत कमी साहित्यामध्ये सोप्या पद्धतीमध्ये बनवा ‘आंब्याचा स्वादिष्ट जाम’, ब्रेड चपातीसोबत चव लागेल सुंदर

साहित्य:

• दही
• पोहे
• कांदा
• हिरवी मिरची
• कोथिंबीर
• जिरं
• कढीपत्ता
• शेंगदाणे
• तूप
• हिंग
• साखर

कोकणातील पारंपरिक पद्धतीमध्ये बनवा कच्चा फणसाची चविष्ट चमचमीत भाजी, घरातील सगळेच खातील आवडीने

कृती:

• दह्यातील पोहे बनवण्यासाठी सर्वप्रथम, पोहे व्यवस्थित स्वच्छ साफ करून पाण्यात ३ ते ४ मिनिटं भिजवून नंतर त्यातील पाणी काढून घ्या.
• मोठ्या वाटीमध्ये दही घेऊन त्यात थोडस पाणी घालून मिक्स करा. दही व्यवस्थित फेटून झाल्यानंतर घट्ट पेस्ट बनवा.
• त्यानंतर दह्याच्या पेस्टमध्ये भिजवलेले पोहे टाकून मिक्स करा.
• फोडणीच्या वाटीमध्ये तूप गरम करून त्यात मोहरी, जिरं, हिंग, कढीपत्त्याची पाने, कोथिंबीर आणि शेंगदाण्याचा कूट टाकून मिक्स करा.
• तयार केलेल्या पोह्यांच्या मिश्रणात फोडणी टाकून चवीनुसार मीठ आणि साखर टाकून मिक्स करून घ्या.
• तयार आहे सोप्या पद्धतीमध्ये बनवलेले दही पोहे.