हाडांचे दुखणे कमी करण्यासाठी आहारात करा ‘या’ पौष्टिक चटणीचे सेवन, वयाच्या पन्नाशीमध्ये कायम राहाल निरोगी

कढीपत्त्याची चटणी खाल्यामुळे आरोग्याला अनेक फायदे होतात. यामध्ये असलेले गुणकारी घटक आरोग्य सुधारण्यास मदत करतात. चला तर जाणून घेऊया कढीपत्त्याची चटणी बनवण्याची सोपी रेसिपी.

वय वाढल्यानंतर आरोग्यासंबंधित अनेक समस्या उद्भवू लागतात. हाडांमध्ये वाढलेल्या वेदना, शरीरात निर्माण झालेला थकवा, अशक्तपणा इत्यादी लक्षणे शरीरात दिसून येतात. हाडांमध्ये वाढलेल्या वेदना कमी करण्यासाठी डॉक्टरांच्या सल्ल्याने योग्य ते औषध उपचार केले जातात. मात्र वारंवार डॉक्टरांच्या गोळ्या औषधांचे सेवन करण्याऐवजी आहारात पौष्टिक पदार्थांचे सेवन करावे. वाढत्या वयात महिलांना आरोग्यासंबंधित अनेक समस्या उद्भवतात. मात्र या समस्यांकडे दुर्लक्ष करतात. पण सतत दुर्लक्ष केल्यामुळे शरीरातील छोटे आजार मोठे स्वरूप घेण्याची शक्यता असते. त्यामुळे महिलांनी स्वतःच्या आरोग्याची जास्त काळजी घ्यावी. आज आम्ही तुम्हाला हाडांच्या वेदनांपासून आराम मिळवण्यासाठी आहारात कढीपत्त्याची चटणी कशी तयार करावी याची सोपी रेसिपी सांगणार आहोत. या चटणीचे सेवनामुळे महिलांच्या आरोग्याला अनेक फायदे होतील. (फोटो सौजन्य – iStock)

जेवण बनवण्याचा कंटाळा आलाय? तर मग झटपट घरी बनवा लज्जतदार Egg Rice

साहित्य:

• कढीपत्ता
• जवस
• तीळ
• मीठ
• डाळावं
• शेंगदाणे
• लसूण पाकळ्या
• लाल मिरची
• जिरं
• खोबरं

थंडगार वातावरणात सकाळच्या नाश्त्यात काही मिनिटांमध्ये बनवा गरमागरम पालक सूप, संजीव कपूर स्पेशल रेसिपी

कृती:

• कढीपत्त्याची चटणी बनवण्यासाठी सर्वप्रथम, कढईमध्ये जवस टाकून भाजून घ्या. त्याच कढईमध्ये तीळ, कढीपत्ता, लसूण, मिरच्या, खोबरं घालून व्यवस्थित भाजून घ्यावे.
• भाजून घेतलेले सर्व मिश्रण थंड झाल्यानंतर मिक्सरच्या भांड्यात ओतून घ्या. त्यावेळी त्यात भाजलेले शेंगदाणे आणि डाळी टाकून जाडसर चटणी वाटून घ्या.
• तयार केलेली चटणी वाटीमध्ये काढून त्यात चवीनुसार मीठ टाकून मिक्स करा. तयार आहे सोप्या पद्धतीमध्ये बनवलेली कढीपत्त्याच्या पानांची चटणी.
• या चटणीचे रोजच्या आहारात नियमित सेवन केल्यास केसांचे बिघडलेले आरोग्य सुधारण्यास मदत होईल.
• हाडांमध्ये वाढलेल्या वेदना, महिलांच्या आरोग्यासंबंधित समस्या दूर करण्यासाठी कढीपत्त्याची चटणी खावी.